இஸ்ரோவின் 'பாகுபலி'... சந்திராயன்-2 விண்ணில் செலுத்த தயாராக உள்ளது!

இந்தியாவின் 'பாகுபலி' என்ற புனைப்பெயர் கொண்ட ஹெவி-லிப்ட் ராக்கெட்டான 'ஜி.எஸ்.எல்.வி மார்க்-3' தன் பயணியான 'சந்திராயன்-2' செயற்கைக்கோளை ஏந்திக்கொண்டு ஜூலை 15-ல் நிலவிற்கு பறக்கவுள்ளது. இந்த தகவலை விண்வெளி நிறுவனத்தின் அதிகாரிகள் வெளியிட்டுள்ளனர். 

'ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் ஜூலை 15 அதிகாலை 2:51 மணிக்கு விண்ணில் ஏவப்படுவதற்காக பரபரப்பாக ஏற்பாடுகள் நடைபெற்றுக் கொண்டிருக்கின்றன.' என ஏவப்படும் தேதி மற்றும் நேரத்தை குறிப்பிட்டு, இஸ்ரோவின் அதிகாரி ஒருவர் தகவல் வெளியிட்டுள்ளார்.

375 கோடி மதிப்பிலான இந்த 'ஜி.எஸ்.எல்.வி மார்க்-3', 16 நிமிடங்களில் 'சந்திராயன்-2' செயற்கைக்கோளை, அதன் சுற்றுவட்ட பாதைக்குள் செலுத்திவிடும்.

640 டன் எடையுள்ள இந்த 'ஜி.எஸ்.எல்.வி மார்க்-3' ஹெவி-லிப்ட் ராக்கெட்டை இஸ்ரோ அதிகாரிகள் 'ஃபேட் பாய்' (Fat Boy) என அழைக்கிறார்கள். தெழுங்கு செய்தி நிறுவனங்களோ, இந்த ராக்கெட்டிற்கு 'பாகுபலி' என பெயர் சூட்டியுள்ளனர். 

இஸ்ரோவின் தகவலின்படி, 'சந்திராயன்-2' செயற்கைக்கோள், பூமியின் 170x40400 கிமீ சுற்றுவட்ட பாதைக்குள் செலுத்தப்படவுள்ளது.

603 கோடி ரூபாய் செலவில் கட்டமைக்கப்பட்டுள்ள இந்த 'சந்திராயன்-2' செயற்கைக்கோள் முன்று பகுதிகளை கொண்டுள்ளது. ஆர்பிட்டார் (Orbiter), லேண்டெர் - விக்ரம் (Lander-Vikram) மற்றும் ரோவர் - பிரக்யான் (Rover Pragyaan)

இந்தியாவில் விண்வெளித்துறை முன்னோடியான விக்ரம் சரபாய் அவரின் நினைவாக, 'சந்திராயன்-2'-ன் லேண்டெருக்கு இந்த பெயர் வைக்கப்பட்டுள்ளது. மேலும் சமஸ்கிருதத்தில் பிரக்யானிற்கு அறிவு என்று பொருள்.

இந்த செயற்கோள் நிலவின் பரப்பிற்குள் சென்றவுடன் நிலவை புகைப்படம் எடுக்க சற்று வேகத்தை குறைத்துக்கொள்ளும். 

ஆர்பிட்டார் 8 அறிவியல் சோதனைகளுடன், நிலவை சுற்றி ஒரு வருடத்திற்கு ஆராய்ச்சிகளை மேற்கொள்ளவுள்ளது. 

மேலும், ஆர்பிட்டாரிலிருந்து பிரிந்த லேண்டெர், செப்டம்பர் 6, 2019-ல் நிலவின் தென் துருவத்தில் தரை இறங்கும் என எதிர்பார்க்கப்படுகிறது. 

மேலும், லேண்டெரில் உள்ள ரோவர், 14 நாட்கள் நிலவை ஆய்வு செய்யவுள்ளது.