ரியல்மி 3 ப்ரோ விலை, சிறப்பம்சங்கள் மற்றும் பல…

ரியல்மி 3 ப்ரோ இந்தியாவில் வரும் ஏப்ரல் 22 ஆம் தேதி வெளியாகிறது. ஆனால், ரிலீஸுக்கு முன்னரே அந்த போன் குறித்து தொடர்ந்து பரபரப்பான பல தகவல்கள் கசிந்து வருகின்றன. குறிப்பாக வெனிலா ரியல்மி 3 வேரியன்டை விட இந்த போன் சிறப்பானதாக இருக்கும் என்று சொல்லப்படுகிறது. ரியல்மி 3 ப்ரோ, ரெட்மி நோட் 7 ப்ரோ-வுடன் நேரடியாக மோதும் என்று எதிர்பார்க்கப்படுகிறது. ரியல்மி 3 ப்ரோ-வின் கேமரா திறனை வெளிக்காட்டும் வகையில் அந்த நிறுவனம் சார்பில் லோ-லைட்-ல் எடுக்கப்பட்ட பல படங்கள் சமீபத்தில் வெளியிடப்பட்டன. அதேபோல, போனின் அமைப்புகள் குறித்தும் சமீபத்தில் தகவல் கசிந்தது. ரியல்மி 3 ப்ரோ குறித்து இதுவரை எங்களுக்குத் தெரிந்த தகவல்களின் தொகுப்பு இதோ. 

ரியல்மி 3 ப்ரோ விலை:

ஏப்ரல் 22 ஆம் தேதிதான் போனின் விலை குறித்து நமக்கு அதிகாரபூர்வமாக தெரிவிக்கப்படும். ஆனால், ரெட்மி நோட் 7 ப்ரோ போனுடன் இந்த போன் போட்டிபோடும் என்று தெரிகிறது. ரெட்மி நோட் 7 ப்ரோ, 13,999 ரூபாயிலிருந்து ஆரம்பிக்கிறது. அதேபோல ரியல்மி 3 ப்ரோவின், ரியல்மி 2 ப்ரோவின் விலையை ஒத்திருக்கலாம். அந்த போனின் விலை 13,990 ரூபாய்க்கு ஆரம்பிக்கிறது. ரியல்மி 3 ப்ரோவின் டீசர் பக்கம் ஃப்ளிப்கார்ட் தளத்தில் லைவ் ஆகியுள்ளது. ரியல்மி இ-ஸ்டோரிலும் போன் விற்பனை செய்யப்படலாம். 

எந்தெந்த வண்ணங்களில் இந்த போன் கிடைக்கும் என்பது தெரியவில்லை. ஆனால் ரியல்மி 3, டைனமிக் கருப்பு, ரேடியன்ட் நீலம், க்ளாசிக் கருப்பு நிறங்களில் கிடைத்தது. ரியல்மி 3 ப்ரோ-வும் இந்த வகைகளில் கிடைக்க அதிக வாய்ப்பு உள்ளது. 
 

ரியல்மி 3 ப்ரோ கேமராவில் எடுக்கப்பட்ட படம்

ரியல்மி 3 ப்ரோ சிறப்பம்சங்கள்:

ஸ்னாப்டிராகன் 710 எஸ்.ஓ.சி-யை ரியல்மீ 3 ப்ரோ பெற்றிருக்கலாம் எனப்படுகிறது. ஆண்ட்ராய்டு 9.0 பைய் மூலம் இந்த போன் இயங்குகிறதாம். ஃபோர்ட்நைட் கேமிற்கான சப்போர்ட் உடன் வரும் இந்த போன், சியோமி ரெட்மி நோட் 7 ப்ரோவிற்கு போட்டியாக சந்தையில் களமிறங்கும் என்று எதிர்பார்க்கப்படுகிறது. 

6ஜிபி ரேமுடன் இந்த போன் இயங்கும் என கீக்பென்ச் தளம் கூறுகின்றது. மேலும் போனில் 6.3 இன்ச் ஃபுல் ஹெச்.டி டிஸ்ப்ளே மற்றும் 3,960 எம்.ஏ.எச் பேட்டரி வசதியுடன் ரியல்மீ 3 ப்ரோ சந்தைக்கு வரலாம். 5GHz வை-ஃபை இணைப்பு ப்ளூடூத், ஃபிங்கர் பிரின்ட் சென்சார் போன்ற வசதிகளையும் இந்த போன் பெற்றிருக்கக்கூடும்.