விற்பனைக்கு வரும் சியோமி எம்ஐ-யின் பிரோய்டேட் சார்ஜிங் கேபிள்கள்!

சியோமியின் எம்ஐ யுஎஸ்பி பிரேய்டேட் கேபிள்கள் இந்தியாவில் நேற்று அறிமுகம் செய்யப்பட்டன. சியோமியின் இந்த புதிய கேபிள் டிசையின், 2A வகை சார்ஜ் செய்யும் உதவியால் அதி விரைவாக போன்களை சார்ஜ் செய்ய ஏதுவாக இருக்கும் எனப்படுகிறது. 

மிகவும் உறுதியானதாகவும், அதிக நாள் உழைக்கக் கூடியதாகவும் இந்த சார்ஜிங் கேபிள் இருக்கும் என எதிர்பார்கப்படும் நிலையில், எம்ஐ.காம் இணையதளத்தில் வரும் புதன்கிழமை மதியம் 12 மணி முதல் ரூபாய் 249-க்கு இவை விற்பனை செய்யப்படவுள்ளன.

அதிவிரைவு சார்ஜிங் டெக்னாலஜி கொண்டிருக்கும் இந்த கேபிள்கள் சிவப்பு நிறத்தில் விற்பனை செய்யப்படுகிறது. 

முக்கியமாக எம்ஐ மைக்ரோ யுஎஸ்பி பிரேய்டேட் கேபிளில் புதிய கேபிள்கள் வைத்து டைப்-சி வகை சார்ஜரில் பயன்படுத்த முடியாது. மேலும் இந்த சார்ஜரின் நீளத்தைப் பற்றிய தகவல்கள் இன்னும் வெளிவரவில்லை. ஆனால், சீனாவில் இதே போன்ற கேபிள் ஓன்று சுமார் 100 சென்டி மீட்டர் நீளம் கொண்டதாக சந்தையில் கிடைக்கிறது என்பது கூடுதல் தகவல்.

கடந்த வாரம் எம்ஐ நிறுவனத்தின் தொலைக்காட்சி வரிசைகளை அந்நிறுவனம் அறிமுகப்படுத்திய நிலையில் தற்போது இந்த புதிய கேபிள்கள் அறிமுகப்படுத்தபட உள்ளன.