விண்வெளிக்கு சென்ற 'ரெட்மி நோட் 7'!

விளம்பரம்
Written by மேம்படுத்தப்பட்டது: 6 மே 2019 20:17 IST
ஹைலைட்ஸ்
  • 31000மீ உயரத்தில் சில அற்புதமான புகைப்படங்களை எடுத்துள்ளது இந்த நோட் 7.
  • மொபைல்போன், 35,375மீ உயரம் வரை பயணித்துள்ளது
  • அதிகபட்ச உட்புற வெப்பம் 9 டிகிரி, வெளிப்புற வெப்பம் -56 டிகிரி செல்சியஸ்

பலூனில் கட்டப்பட்டிருந்த இந்த மொபைல்போன், 35,375 மீட்டர் உயரம் வரை பயணித்துள்ளது

Photo Credit: Weibo/ Lei Jun

சியோமி நிறுவனம், சந்தையில் தன்னை நிலைநிறுத்திக் கொள்ள புதுப் புது யுக்திகளைக் கையாண்டு கொண்டே இருக்கிறது. ஒவ்வொரு முறை தன் புதிய மொபைல் போனை சந்தையில் விற்பனைக்கு உட்படுத்துகையில், அந்த ஸ்மார்ட் போன்கள் விற்றுத் தீர்க்க பல வியாபார தந்திரங்களை பயன்படுத்தி வருகிறது சியோமி. அப்படி ரெட்மி நோட் 7 ஸ்மார்ட்போனை வெளியிடுகையில் அதன் ஸ்திரத்தன்மையை நிரூபிக்க அந்த போனை ஊழியர்கள் படிக்கட்டுகளில் கீழே போட்டு விளையாடியவாரும், அந்த மொபைல் போனை வைத்து காய்கறிகள் வெட்டியவாரும் வீடியோக்கள் வெளியிடப்பட்டன. தற்போது, தன் வியாபார யுக்தியை அடுத்த நிலைக்கு எடுத்து சென்றுள்ளது சியோமி நிறுவனம். அதன்படி தனது ஸ்மார்ட் போனான ரெட்மி நோட் 7-ஐ விண்வெளிக்கு அனுப்பி வைத்து சோதனை நடத்தியுள்ளது இந்த நிறுவனம். அதன்படி 31,000 மீட்டர் உயரத்தில் சில அற்புதமான புகைப்படங்களை எடுத்துள்ளது இந்த நோட் 7.

இதுகுறித்து சியோமியின் தலைமை நிர்வாக அதிகாரி லெய் ஜுன்(Lei Jun), "லிட்டில் கிங் காங்" ஏன்ற தலைப்பில் ஒரு வீடியோவை வெளியிட்டுள்ளார். ஒரு பலூனின் வாயிலாக விண்வெளிக்கு செலுத்தப்பட்டுள்ளது இந்த நோட் 7. முன்புறம் மற்றும் பின்புறம், ஆகிய இரு பக்கங்களிலும் கொரில்லா கிளாஸ் 5 பொறுத்தப்பட்ட இந்த போனின் நிலைதன்மையை இன்னும் கூட்டவே இந்த முயற்சியில் ஈடுபட்டுள்ளது இந்த நிறுவனம். அதே நேரத்தில் தனது ஸ்மார்ட்போனான ரெட்மி நோட் 7 கேமராவின் சிறப்பான செயல்பாட்டையும் வெளிப்படுத்தியுள்ளது இந்த முயற்சி.

பலூனில் கட்டப்பட்டிருந்த இந்த மொபைல்போன், 35,375 மீட்டர் உயரம் வரை பயணித்துள்ளது. அதன் பின் அதிக வளிமண்டல அழுத்தத்தின் காரணமாக பலூன் வெடித்ததைத் தொடர்ந்து இந்த ஸ்மார்ட்பொன் கீழே விழுந்துள்ளது. அதுவரை பயணித்த இந்த ஸ்மார்ட்போன், விண்வெளியில் சில அற்புதமான காரியங்களை செய்துள்ளது. அதிகபட்சமாக உட்புற வெப்பமாக 9 டிகிரி செல்சியஸும், வெளிப்புற வெப்பமாக -56 டிகிரி செல்சியஸையும் தாங்கியுள்ளது. இது ஸ்மார்ட்போன்கள் உலகில் ஒரு மைல்கல்தான்.

அதே சியோமி நிறுவனம் தனது ட்விட்டர் பக்கத்தில் சில அற்புதமான புகைப்படங்களை பதிவிட்டுள்ளது. அது அந்த மொபைல் போனால் எடுக்கப்பட்டதுதான்.  சுமார் 31,000 மீட்டர் உயரத்தில் இருந்து பூமியை நோக்கி எடுக்கப்பட்ட அந்த புகைப்படங்கள் மிகவும் அற்புதமாகவே இருக்கிறது. 48 மெகா பிக்சல் என்று கேமரா பற்றி தனது ட்விட்டர் பக்கத்தில் அந்த நிறுவனம் கூறியுள்ளது. இதன் மூலம் இது சீனாவில் வெளியான ரெட்மி நோட் 7 எனத் தெரிய வருகிறது.

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

மேலும் படிக்க: Xiaomi, Redmi, Redmi Note 7
Advertisement
Popular Brands
#சமீபத்திய செய்திகள்
  1. BSNL சிம் கார்டு வீட்டுக்கே டெலிவரி! ₹0 செலவில் செல்ஃப்-KYC வசதியுடன் - எப்படி பெறுவது? முழு விபரம்!
  2. Honor X9c: 108MP கேமரா, 1.5K Curved AMOLED டிஸ்ப்ளேவுடன் இந்தியாவில் லான்ச் உறுதி! அமேசானில் கிடைக்கும்!
  3. Poco F7 5G: இந்தியாவுக்கு ஸ்பெஷல் 7550mAh பேட்டரி! ஜூலை 1 முதல் விற்பனை!
  4. Vivo T4 Lite 5G: Dimensity 6300 SoC, IP64 பாதுகாப்புடன் இந்தியாவில மாஸ் காட்டும்!
  5. Vivo X200 FE: Zeiss கேமரா, IP68+IP69 பாதுகாப்புடன் ஒரு ஃபிளாக்‌ஷிப் போன்!
  6. அறிமுகமாகிறது Galaxy Z Fold 7, Z Flip 7: புது AI, Watch 8 சீரிஸுடன் Samsung-ன் பிரம்மாண்ட Unpacked!
  7. அறிமுகமாகிறது Nothing Phone 3: Snapdragon 8s Gen 4 SoC, 5150mAh பேட்டரியுடன் மாஸ் காட்டும்!
  8. Oppo Reno 14 5G சீரிஸ்: ஜூலை 1-ல் உலக அறிமுகம்! Amazon, Flipkart-ல் இந்தியாவில் கிடைக்குது - முழு விபரம்!
  9. அறிமுகமாகிறது Samsung Galaxy M36 5G: Orange Haze, Serene Green கலர் ஆப்ஷன்களுடன் மாஸ் எண்ட்ரி!
  10. அறிமுகமானது OnePlus Bullets Wireless Z3: 10 நிமிடம் சார்ஜ், 27 மணிநேரம் மியூசிக்! மிஸ் பண்ணாதீங்க!
Download Our Apps
Available in Hindi
© Copyright Red Pixels Ventures Limited 2025. All rights reserved.