Oppo A6s 5G ஸ்மார்ட்போன் புதன்கிழமை அன்று இந்தியாவில் அறிமுகம் செய்யப்பட்டது. Oppo-வின் புதிய 'A' சீரிஸ் போன், இரண்டு விதமான வண்ணங்களிலும், இரண்டு விதமான ரேம் (RAM) மற்றும் சேமிப்பு வசதிகளிலும் கிடைக்கிறது. இது MediaTek Dimensity 6300 சிப்செட் மூலம் இயங்குகிறது. இதில் 50 மெகாபிக்சல் முதன்மை சென்சார் கொண்ட இரட்டை பின்புற கேமரா அமைப்பு உள்ளது. இந்த போனில் 6,500mAh பேட்டரி வழங்கப்பட்டுள்ளது. இது 882.1 மணிநேர ஸ்டாண்ட்பை நேரத்தையும், 22.4 மணிநேர வீடியோ பிளேபேக் நேரத்தையும் வழங்கும் எனத் தெரிவிக்கப்பட்டுள்ளது. இந்த புதிய போன் அமேசான், பிளிப்கார்ட் மற்றும் ஒப்போ இந்தியா இணையதளங்களில் விற்பனைக்கு வரும்.

Oppo A6s 5G விலை விவரம்

4GB + 128GB வேரியண்ட்: ரூ. 18,999, 6GB + 128GB வேரியண்ட்: ரூ. 20,999. இந்த போன் தற்போது அமேசான், பிளிப்கார்ட், ஒப்போ ஸ்டோர் மற்றும் பிற சில்லறை விற்பனை கடைகளில் Aurora Gold மற்றும் Plum Purple ஆகிய நிறங்களில் கிடைக்கிறது.

சலுகைகள்:

Oppo A6s 5G வாங்கும் வாடிக்கையாளர்களுக்கு ரூ. 1,000 உடனடி கேஷ்பேக் (Cashback) வழங்கப்படுகிறது. மேலும், எஸ்பிஐ கார்டுகள், கோடக் மஹிந்திரா வங்கி, ஐடிஎஃப்சி ஃபர்ஸ்ட் வங்கி உள்ளிட்ட முன்னணி வங்கிகளின் கிரெடிட் கார்டுகளைப் பயன்படுத்தி மூன்று மாத கால 'வட்டி இல்லா தவணை முறை' (No Cost EMI) வசதியையும் பெறலாம்.

Oppo A6s 5G சிறப்பம்சங்கள்

திரை: 6.75-இன்ச் LCD திரை, 120Hz அடாப்டிவ் ரெஃப்ரெஷ் ரேட் மற்றும் 1125 நிட்ஸ் உச்ச பிரகாசம் (Peak Brightness). இயங்குதளம்: ColorOS 15. சிப்செட்: MediaTek Dimensity 6300. மெம்மரி : 6GB வரை ரேம் மற்றும் 128GB சேமிப்பு வசதி.

சிறப்பு அம்சங்கள்: கேமிங் அனுபவத்தை மேம்படுத்த AI GameBoost மற்றும் நெரிசலான இடங்களில் இணைய இணைப்பைச் சீராக்க AI LinkBoost 3.0. கேமரா: பின்புறம்: 50MP முதன்மை கேமரா + 2MP இரண்டாம் நிலை கேமரா. முன்புறம்: செல்பீ மற்றும் வீடியோ கால்களுக்காக 5MP கேமரா.

இணைப்பு வசதிகள்: 5G, புளூடூத், ஜிபிஎஸ், வைஃபை மற்றும் USB Type-C போர்ட். ஸ்டீரியோ ஸ்பீக்கர்களும் இதில் இடம்பெற்றுள்ளன. பேட்டரி: 6,500mAh பேட்டரி மற்றும் 44W ஃபாஸ்ட் சார்ஜிங் வசதி. இது 30 நிமிடங்களில் 1 சதவீதத்திலிருந்து 41 சதவீதம் வரை சார்ஜ் ஏறும் திறன் கொண்டது. அளவு மற்றும் எடை: 8.61mm தடிமன் மற்றும் சுமார் 212 கிராம் எடை கொண்டது.