Redmi K90: 7,100mAh பேட்டரி, Bose ஆடியோ உடன் அக்டோபர் 23ல் அறிமுகம்!

ஃபிளாக்ஷிப் அம்சங்களை மலிவு விலையில் கொடுப்பதில் பெயர் போன Redmi நிறுவனம், தனது அடுத்த தலைமுறை ஃபிளாக்ஷிப் போனை அறிமுகப்படுத்த தயாராகிவிட்டது. அதுதான் Redmi K90! இந்த போன், இதன் பிரோ மேக்ஸ் (Pro Max) மாடலுடன் சேர்ந்து, அக்டோபர் 23 ஆம் தேதி சீனாவில் அதிகாரப்பூர்வமாக லான்ச் ஆகிறது. லான்ச்சுக்கு முன்னாடியே, Redmi K90-ன் டிசைன் மற்றும் முக்கிய அம்சங்களை கம்பெனியே வெளியிட்டிருக்காங்க. அதை பற்றி இப்போ விலாவாரியா பார்க்கலாம். Redmi K90-ல இருக்குறதிலேயே பெரிய ஹைலைட் என்னன்னா, அதோட பேட்டரிதான். இந்த போனில் 7,100mAh கெப்பாசிட்டி கொண்ட மெகா பேட்டரி கொடுக்கப்பட்டுள்ளது (Rated Capacity 6,960mAh). இவ்வளவு பெரிய பேட்டரியை கொண்ட ஒரு ஃபிளாக்ஷிப் போன் வருவது இதுவே முதல் முறை.
அதுமட்டுமில்லாம, இந்த பெரிய பேட்டரியை ரொம்ப வேகமா சார்ஜ் செய்ய, 100W வயர்டு ஃபாஸ்ட் சார்ஜிங் வசதியும் உறுதி செய்யப்பட்டிருக்கு. இதனால, நாள் முழுக்க போன் உபயோகப்படுத்தினாலும், சார்ஜ் போடும்போது ரொம்ப சீக்கிரமே ஃபுல் ஆகிடும்.

ஆடியோவுக்கு Bose கூட்டணி:

போட்டோகிராஃபியை தவிர ஆடியோவுக்கும் இந்த போன்ல முக்கியத்துவம் கொடுத்திருக்காங்க. இந்த போனில் Bose நிறுவனத்துடன் இணைந்து டிசைன் செய்யப்பட்ட டூயல் ஸ்டீரியோ ஸ்பீக்கர்கள் (Dual Stereo Speakers) இருக்கின்றன. இந்த Bose-tuned ஸ்பீக்கர்கள், மியூசிக் கேட்கும் போதும், கேம் விளையாடும் போதும் ஒரு பிரீமியம் சவுண்ட் அனுபவத்தை கொடுக்கும்.
டிசைன்: Redmi K90, ஒரு பிரீமியம் டிசைனைக் கொண்டிருக்கு. iPhone 17-ல் பயன்படுத்தப்பட்ட அதே Integrated Cold-Sculpting ப்ராசஸர் மூலம் இது வடிவமைக்கப்பட்டுள்ளது. இதன் பின்புற கேமரா மாட்யூல் ஒரு செவ்வக வடிவில் இருக்கு, அதில் "Sound by Bose" என்ற பிராண்டிங்கையும் பார்க்கலாம்.
டிஸ்ப்ளே: இந்த போன் ஒரு 6.59-இன்ச் அளவுள்ள ஃபிளாட் டிஸ்ப்ளேவை கொண்டிருக்கு. இதில் Super Pixel தொழில்நுட்பம் பயன்படுத்தப்பட்டுள்ளது. இது கையில் பிடிப்பதற்கு வசதியாகவும், பெரிய ஸ்கிரீனில் விஷுவல்ஸ் பார்க்கும்போது முழுமையான அனுபவத்தை கொடுக்கும் வகையிலும் வடிவமைக்கப்பட்டுள்ளது. இதில் அல்ட்ரா-ஸ்லிம் பெசல்களும், சென்டர்டு ஹோல்-பஞ்ச் செல்ஃபி கேமராவும் இருக்கும்.

கேமரா அம்சங்கள்:

கேமரா விஷயத்திலும் Redmi ஒரு புதிய விஷயத்தை அறிமுகப்படுத்தியிருக்கு. K-சீரிஸ் போன்களிலேயே முதல் முறையாக, 2.5x "Golden Telephoto" லென்ஸ் இதில் சேர்க்கப்பட்டுள்ளது. இது தெளிவான மற்றும் துல்லியமான போர்ட்ரெய்ட் ஷாட்களை எடுக்க உதவும். மற்ற இரண்டு கேமராக்களின் மெகாபிக்ஸல் விவரங்கள் நாளை லான்ச்-ல் வெளிவரும்.

ப்ராசஸரைப் பொறுத்தவரை, இந்த போனில் Snapdragon 8 Elite Gen 5 அல்லது அதற்கு முந்தைய Snapdragon ஃபிளாக்ஷிப் சிப்செட் இருக்கலாம் என்று எதிர்பார்க்கப்படுகிறது. முழுமையான விலை மற்றும் மற்ற விவரங்கள் அனைத்தும் அக்டோபர் 23 அன்று லான்ச் ஆகும்போது தெரிய வரும். இந்த மாஸ் ஃபிளாக்ஷிப் போனுக்காக வெயிட் பண்ணுவோம்.