‘3 பின்புற கேமரா..!’- இந்தியாவில் சியோமியின் அடுத்த அதிரடி

பேஸ்புக்கில் பகிரலாம் ட்வீட் பகிர் Snapchat ரெட்டிட்டில் கருத்து
‘3 பின்புற கேமரா..!’- இந்தியாவில் சியோமியின் அடுத்த அதிரடி

இந்தியாவுக்கு வெளியே சியோமி நிறுவனம் விற்பனை செய்து வரும் எம்ஐ 9 மற்றும் எம்ஐ 9 SE போன்களில் மூன்று பின்புற கேமரா வசதி இருக்கிறது

ஹைலைட்ஸ்
  • ஸ்னாப்டிராகன் 700 வகை கொண்ட போனை அறிமுகம் செய்ய உள்ளது சியோமி
  • 3 பின்புற கேமரா குறித்து டீசர் வெளியிட்டுள்ளது சியோமி
  • சீனாவில் ஒரு புதிய போனை அறிமுகம் செய்ய உள்ளது ரெட்மி

சியோமி நிறுவனம், மூன்று பின்புற கேமராக்கள் கொண்ட மொபைல் போனை அடுத்ததாக இந்தியாவில் வெளியிட வாய்ப்புள்ளது. இது குறித்து சியோமி நிறுவனம், ஒரு வீடியோ டீசர் வெளியிட்டுள்ளது. அதை வைத்துப் பார்க்கும் போது சியோமி சார்பில், அடுத்ததாக அறிமுகம் செய்யப்பட உள்ள போனில் 3 பின்புற கேமரா கொண்ட மாடல் இருக்கலாம் என்று கணிக்க முடிகிறது. ஆனால், டீசரை வைத்து ஒரு முடிவுக்கு நம்மால் வர முடியவில்லை. அதே நேரத்தில் சியோமி இந்தியா நிறுவனத்தின் மனு குமார் ஜெயின், ‘குவால்கம் ஸ்னாப்டிராகன் 700 வகை கொண்டு அடுத்ததாக போன் வெளியிட உள்ளோம்' என்று கூறி பரபரப்பை கிளப்பியுள்ளார். இந்த இரண்டு வசதிகளையும் ஒரே போன் பெற்றிருக்க வாய்ப்புள்ளது. 

சியோமி சார்பில் வெளயிடப்பட்டுள்ள வீடியோவில், ஒரு கிரகத்தை, சிங்கிள் கேமரா, டூயல் கேமரா மற்றும் மூன்று கேமராக்கள் வட்டமிடுவது போல வடிவமைக்கப்பட்டுள்ளது. சியோமி, இந்தியாவில் ஏற்கெனவே சிங்கிள் மற்றும் டூயல் கேமரா வகைகளை கொண்ட போனை வெளியிட்டுவிட்டதால், அடுத்ததாக மூன்று கேமரா கொண்ட மாடலைத்தான் அறிமுகம் செய்யும் என்று யூகிக்க முடிகிறது. 

இந்தியாவுக்கு வெளியே சியோமி நிறுவனம் விற்பனை செய்து வரும் எம்ஐ 9 மற்றும் எம்ஐ 9 SE போன்களில் மூன்று பின்புற கேமரா வசதி இருக்கிறது. ஆனால், இந்த இரண்டு போன்களிலும் ஸ்னாப்டிராகன் 700 வகை ப்ராசஸர் இல்லை. இதையெல்லாம் வைத்துப் பார்க்கும்போது இந்திய சந்தையில், ஒரு புது வித மொபைல் போனுக்காக சியோமி தயாராகி வருவது தெரிகிறது. 

இந்த டீசரை வைத்து மட்டும் ஸ்திரமான ஒரு முடிவுக்கு வர முடியாது. மேலும் தகவல்களுக்காக நாம் பொறுத்திருக்க வேண்டும். 

அதே நேரத்தில் சியோமியின் துணை நிறுவனமான ரெட்மி, சீனாவில் ஒரு புதிய போனை வெளியிட தயாராகி வருகிறது. அந்த போனில் இன்-டிஸ்ப்ளே ஃபிங்கர் பிரின்ட் சென்சார், ஸ்னாப்டிராகன் 855 எஸ்.ஓ.சி ப்ராசஸர் உள்ளிட்ட வசதிகள் இருக்கும் எனப்படுகிறது. மே 13 ஆம் தேதி இந்த போன் அறிமுகம் செய்யப்பட வாய்ப்புள்ளது. 

கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English
 
 

விளம்பரம்

Advertisement

#சமீபத்திய செய்திகள்
  1. வாய்ஸ் கன்ட்ரோலுடன் சூப்பரான Mi ஸ்மார்ட் பல்பு அறிமுகம்!
  2. Realme Narzo 20 சீரிஸ் ஸ்மார்ட்போன்கள் அறிமுகமாகின! விலை மற்றும் சிறப்பம்சங்கள் இதோ!!
  3. பட்ஜெட் விலையில் ரியல்மி நார்சோ 20 சீரிஸ் நாளை அறிமுகம்!
  4. சாம்சங் கேலக்ஸி F சீரிஸ் ஸ்மார்ட்போன் விரைவில் அறிமுகம்!
  5. OnePlus 8T அக்டோபர் 14 அறிமுகம்? முழு விவரங்கள்
  6. Moto E7 Plus ஸ்மார்ட்போன் செப்.23 அறிமுகம்!
  7. Google Play இலிருந்து Paytm செயலி நீக்கம்: விதிகளை மீறியதாக கூகுள் குற்றச்சாட்டு!
  8. வந்துவிட்டது Redmi 9A ஸ்மார்ட்போன்! விலை மற்றும் சிறப்பம்சங்கள் இதோ!
  9. அடுத்த வாரம் Realme C17 ஸ்மார்ட்போன் அறிமுகம்! எவ்வளவு ரூபாய் இருக்கும்?
  10. அமேசான் பொருட்கள் தரம் குறைந்தவை, எளிதில் தீப்பிடிக்கின்றன.. ஆய்வில் தகவல்
© Copyright Red Pixels Ventures Limited 2021. All rights reserved.
Listen to the latest songs, only on JioSaavn.com