ஆண்ட்ராய்டு 10 அப்டேட் பெறும் நோக்கியா 2.3!

நோக்கியா 2.3 அறிமுகப்படுத்தி நான்கு மாதங்களுக்குப் பிறகு, ஆண்ட்ராய்டு 10 அப்டேட்டை பெறத் தொடங்கியுள்ளது. இந்த அப்டேட், 10 சதவிகித மக்களுக்கு மட்டுமே கிடைத்துள்ளது. ஆண்ட்ராய்டு 10 அப்டேட் ஏப்ரல் 26-ஆம் தேதிக்குள் முதல் கட்டத்தில் இந்தியா உட்பட அனைத்து நாடுகளுக்கும் வெளியிடப்படும் என்று HMD Global-ன் பணியாளர் ஒருவர் நோக்கியா 2.3 சமூக மன்றத்தில் அறிவித்தார். 

அப்டேட்டின் விவரங்கள்:

Nokia 2.3 பயனரால் ட்விட்டரில் பகிரப்பட்ட ஸ்கிரீன் ஷாட்டின் அடிப்படையில், இந்த அப்டேட்டின் ஃபார்ம்வேர் பதிப்பு v2.230 ஆகும். இது 1.1 ஜிபி அளவில் கிடைக்கிறது. 

அப்டேட்டின் சிறப்பம்சம்:

Android 10 அப்டேட்டில், டார்க் மோட், ஸ்மார்ட் ரீப்ளே, சைகை வழிசெலுத்தல் மற்றும் தனியுரிமை மற்றும் இருப்பிடத்திற்கான கூடுதல் கட்டுப்பாடுகள் ஆகியவற்றுடன் மார்ச் 2020 ஆண்ட்ராய்டு பாதுகாப்பு இணைப்பும் உள்ளது.

போனின் விவரங்கள்:

Nokia 2.3, கடந்த ஆண்டு டிசம்பரில் அறிமுகம் செய்யப்பட்டது. இந்த போனில் MediaTek Helio A22 SoC செயலியுடன் 2 ஜிபி ரேம் உள்ளது. போனின் டூயல் ரியர் கேமராவில், 13 மெகாபிக்சல் முதன்மை கேமரா மற்றும் 2 மெகாபிக்சல் இரண்டாம் நிலை கேமரா ஆகியவை உள்ளன. செல்பிக்கு 5 மெகாபிக்சல் கேமரா உள்ளது. அறிமுகப்படுத்தப்பட்ட நேரத்தில் இந்த போன் Android 9 Pie-ல் வேலை செய்தது.

உங்கள் சாதனத்தில் ஆண்ட்ராய்டு 10 அப்டேட்டை சரிபார்க்க, Settings > About phone > System updates-க்கு செல்ல வேண்டும்.