டேர் டெவில்-க்கு நோ சொன்ன நெட்ஃபிளிக்ஸ்!

வெப் தொடரான டேர் டெவிலின் மூன்றாவது சீசன் நல்ல வரவேற்பினை பெற்றுள்ளது. இருப்பினும் அடுத்து வரும் சீசன்கள் நெட்ஃபிளிக்ஸில் ஒளிபரப்பாகாது என்று அந்நிறுவனம் அறிவித்துள்ளது. மார்வெல்லின் பிற தயாரிப்புகளான அயர்ன் ஃபிஸ்ட் மற்றும் லூக் கேஜ் தொடர்களை நீக்கப்பட்டதை தொடர்ந்து டேர் டெவிலும் அந்த வரிசையில் சேர்ந்துள்ளது.

டேர் டெவிலின் முதல் மூன்று சீசன்கள் நெட்ஃபிளிக்ஸில் தொடர்ந்து காணமுடியும். இதுகுறித்து நெட்ஃபிளிக்ஸ் கூறுகையில், மார்வெல்லின் டேர் டெவிலின் 4வது சீசன் நெட்ஃபிளிக்ஸில் இடம்பெறாது. டேர் டெவில் கடைசி சீசனை அடைந்திருப்பது எங்களுக்கு மகிழ்ச்சியை அளிக்கிறது.

நெட்ஃபிளிக்ஸில் இறுதி சீசன் ஒளிபரப்பாகாதது அதன் ரசிகர்களுக்கு பெரும் ஏமாற்றத்தை அளிக்கும் என்பதை நாங்கள் அறிவோம். இத்தனை வருடங்களாக எங்களுக்கு உறுதுணையாக இருந்த அத்தொடரின் இயக்குனர், நடிகர்கள், தயாரிப்பாளர்கள் அனைவருக்கும் எங்களுடைய நன்றியினை தெரிவித்துக் கொள்கிறோம் என்று தெரிவித்துள்ளது.

டேர் டெவிலின் 4வது சீசன் டிஸ்னி+ ல் ஒளிபரப்பாகுமென்று எதிர்பார்க்கப்படுகிறது. இருப்பினும் இதுகுறித்த தகவல்களை மார்வெல் உறுதி செய்யவில்லை. தற்போது நெட்ஃபிளிக்ஸிலில் மார்வெல் நிறுவனத்தின் ஜெசிக்கா ஜோன்ஸ் மற்றும் பனிஷர் ஆகிய இரு தொடர்கள் மட்டுமே உள்ளன.

நெட்ஃபிளிக்ஸின் இந்த திடீர் முடிவுக்கு நியூயார்கில் அதிகரித்து வரும் வரி மற்றும் ஒரு சீசனில் குறைவான எபிசேடுகளை மட்டும் தயாரிக்க மார்வெல்லினை வலியுறுத்தியது காரணமாக இருக்கலாம் என்று கூறப்படுகிறது.