மார்ச் 5ல் அறிமுகமாகும் முன் Nothing Phone 4a சீரிஸ் விலை வெளியானது

Nothing நிறுவனத்தின் புதிய Nothing Phone 4a சீரிஸ் இந்த வாரம் அதிகாரப்பூர்வமாக அறிமுகமாக உள்ளது. அந்தண் வடிவமைப்பு மற்றும் சில அம்சங்களை முன்கூட்டியே நிறுவனம் வெளியிட்டுள்ள நிலையில், இந்தியாவில் விலை விவரங்கள் தற்போது கசிந்துள்ளன. Phone 4a உடன் Phone 4a Pro மாடலும் வெளியாகும் என எதிர்பார்க்கப்படுகிறது. இந்த சீரிஸ் Flipkart மூலம் விற்பனைக்கு வரும். இந்தியாவில் எதிர்பார்க்கப்படும் இதன் விலை குறித்து இங்கே விரிவாக காணலாம். டிப்ஸ்டர் Debayan Roy (@Gadgetsdata) வெளியிட்ட தகவலின்படி, Nothing Phone 4a இந்தியாவில் 8GB RAM + 128GB ஸ்டோரேஜ் மாடலுக்கு ரூ. 31,999 முதல் விலையில் அறிமுகமாகும் என கூறப்படுகிறது. மேலும் 8GB+256GB மற்றும் 12GB+256GB மாடல்களும் வெளியாகலாம். ஆனால் அவற்றின் விலை விவரங்கள் வெளியாகவில்லை.

Phone 4a-வில் UFS 3.1 ஸ்டோரேஜ் மற்றும் 50MP டெலிபோட்டோ கேமரா (3.5x ஒப்டிக்கல் சூம்) இடம்பெறும் என தகவல். Nothing Phone 4a Pro சுமார் ரூ. 40,000 முதல் விலையில் வரலாம் என்றும், தனித்துவமான வடிவமைப்புடன் இருக்கும் என்றும் கூறப்படுகிறது.

கடந்த ஆண்டு மார்ச் மாதத்தில் அறிமுகமான Nothing Phone 3a ரூ. 22,999 முதல் விலையில் வெளியானது. அதேபோல் Phone 3a Pro ரூ. 27,999 முதல் விலையில் அறிமுகமானது.

அம்சங்கள்:

Nothing Phone 4a சீரிஸ் மார்ச் 5 அன்று இந்தியா மற்றும் சில உலக சந்தைகளில் அறிமுகமாக உள்ளது. Pink மற்றும் White நிறங்களில், பின்புறம் டிரிபிள் கேமரா அமைப்பு மற்றும் Transparent வடிவமைப்புடன் வெளியாகும்.

இந்த சீரிஸ் Qualcomm Snapdragon சிப்செட்டில் இயங்கும் என நிறுவனம் உறுதிப்படுத்தியுள்ளது. Phone 4a-வில் Snapdragon 7s Gen 4 SoC இடம்பெறலாம். மேலும் 6.7 இன்ச் AMOLED திரை (1.5K ரெசல்யூஷன்), 5,400mAh பேட்டரி மற்றும் 50W வேக சார்ஜிங் வசதி கிடைக்கலாம்.