Instagram வீடியோ போடுபவரா நீங்கள்? கட்டாயம் இது தெரியணும்!

இன்ஸ்டாகிராம்  ரீல்ஸ் வீடியோக்களுக்கு என்றே  புதிய Multi-Audio Track அம்சத்தை வெளியிட்டது. Instagram இப்போது நீண்ட வீடியோக்களை விட குறுகிய வீடியோவிற்கு முன்னுரிமை அளிக்கும் என்று அந்நிறுவன தலைமை அதிகாரி Adam Mosseri கூறியுள்ளார். எனவே இன்ஸ்டாகிராம் ரீல்களை மேம்படுத்த திட்டமிடப்பட்டு வருகிறது. Instagram பயனர்கள் இப்போது ஒரே இன்ஸ்டாகிராம் ரீலில் பல ஆடியோ டிராக்குகளைச் சேர்க்கலாம். இதனால் அவர்கள் ஸ்மார்ட்போனைப் பயன்படுத்தியே பல ஆக்கப்பூர்வமான வீடியோக்களை உருவாக்க முடியும்.

இன்ஸ்டாகிராம் போஸ்ட் மூலம் மல்டி-ஆடியோ டிராக் வசதி அறிமுகப்படுத்தப்பட்டது குறித்து பயனாளர்களுக்கு தெரிவிக்கப்பட்டது. இன்ஸ்டாகிராமில் ஒரு ரீலில் பயனர்கள் 20 ஆடியோ டிராக்குகள் வரை சேர்க்கலாம். ஆடியோவை எழுத்துகளுடன் சேர்த்து எடிட் செய்யலாம். ஸ்டிக்கர்கள், கிளிப்புகள் மற்றும் பிற ஆப்ஷன்களை கொண்டு ரீலைத் திருத்தலாம். ஆடியோ கிளிப்புகளை ஒன்றுடன் ஒன்று சேர்க்கலாம். இப்படி பல வசதிகள் சேர்க்கப்பட்டுள்ளது. 

ரீல்ஸ் வீடியோ உருவாக்கும் போது அதன் ஆப்ஷன்கள் சேமிக்கப்படும். இதனால் ஏற்கனவே பயன்படுத்திய ஆடியோ கிளிப்களை மீண்டும் பயன்படுத்தலாம். இந்த அம்சம் இந்தியாவில் உள்ள சில பயனர்களுக்கு கிடைக்கிறது. இது படிப்படியாக மற்ற பயனர்களுக்கு வழங்கப்படலாம். Meta நிறுவனத்துக்கு சொந்தமான Instagram சேவையானது, 2018ல் IGTV எனப்படும் ஒரு தனித்த நீண்ட வடிவ வீடியோ தளத்தை இயக்கியது. இது பயனர்களுக்கு நீண்ட வீடியோக்களை பதிவேற்ற உதவியது. இருப்பினும் ரீல்ஸ் வீடியோ மீது நிறுவனம் கவனம் செலுத்தியதால் 2022ல் இது நிறுத்தப்பட்டது.