சர்ச்சைக்குரிய 24 செயலிகளை நீக்கியது கூகுள் பிளே ஸ்டோர்!

கூகுள், குறைந்தது மூன்று செயலிகள் அகற்றியதில் 100 மில்லியனுக்கும் அதிகமான பதிவிறக்கங்கள் இருந்தன.

சர்ச்சைக்குரிய 24 செயலிகளை நீக்கியது கூகுள் பிளே ஸ்டோர்!

ஷென்ஜென் HAWK பல டெவலப்பர் கணக்குகள் மூலம் மால்வேர் நிறைந்த செயலிகளை விநியோகிப்பதாகக் கூறப்பட்டது

ஹைலைட்ஸ்
  • TCL கார்ப்பரேஷன், ஷென்சென் HAWK-ன் தாய் நிறுவனமாகும்
  • ஷென்ஜென் HAWK மால்வேர் நிறைந்த செயலிகளை விநியோகிப்பதாக கூறப்படுகிறது
  • கூகுள் இந்த வார தொடக்கத்தில் பிளே ஸ்டோரிலிருந்து செயலிகளை அகற்றியது
விளம்பரம்

தரவை திருடும் சர்ச்சைக்குரிய 24 செயலிகளை கூகுள் பிளே ஸ்டோர் அகற்றியதாக கூறப்படுகிறது. இந்த செயலிகள், கூகுளின் செயலி சந்தையில் விநியோகிக்க பல டெவலப்பர் கணக்குகளைப் பயன்படுத்தும் ஒரு சீன நிறுவனத்தைச் சேர்ந்தவை என்று கூறப்படுகிறது. வைரஸ் எதிர்ப்பு செயலிகள் ஆண்ட்ராய்டு பயனர்களிடம் கேட்கும் பல்வேறு அனுமதிகளைத் தேடும் VPN Pro-வில் உள்ளவர்களால் இந்த செயலிகள் முதலில் கவனிக்கப்பட்டன.

VPN Pro-வின் blog post படி, TCL கார்ப்பரேஷனின் துணை நிறுவனமான ஷென்சென் HAWK என்ற சீன நிறுவனம் கூகுள் பிளே ஸ்டோர் வழியாக 382 மில்லியன் ஒட்டுமொத்த பதிவிறக்கங்களுடன் 24 செயலிகளை வழங்கி வருகிறது. இந்த செயலிகள் ஆபத்தான அனுமதிகளைக் கேட்டன, சிலவற்றில் மால்வேர் மற்றும் ரோக்வேர் கூட இருந்தன. ரோக்வேர் செயலிகல் சிக்கல்களைக் கண்டறிந்து சரிசெய்வதாக பாசாங்கு செய்கின்றன, அதே நேரத்தில் பணம் செலுத்தும்படி அல்லது அதிக மால்வேரை சேர்க்கவும் உங்களை நம்ப வைக்க முயற்சிக்கின்றன என்று சோபோஸ் கூறுகிறார்.

ஷென்சென் HAWK வழங்கும் சில செயலிகளில் 10 மில்லியனுக்கும் அதிகமான பதிவிறக்கங்களுடன் Weather Forecast, 100 மில்லியனுக்கும் அதிகமான பதிவிறக்கங்களைக் கொண்ட Sound Recorder, 50 மில்லியனுக்கும் அதிகமான பதிவிறக்கங்களைக் கொண்ட File Manager, 100 மில்லியனுக்கும் அதிகமான பதிவிறக்கங்களைக் கொண்ட Super Cleaner மற்றும் 100 மில்லியனுக்கும் அதிகமான பதிவிறக்கங்களுடன் Virus Cleaner 2019 ஆகியவை அடங்கும். அறிக்கையின் முடிவில் முழு பட்டியலையும் நீங்கள் காணலாம்.

செவ்வாயன்று ஃபோர்ப்ஸ் இந்த செயலிகளைப் பற்றி Google-ஐ அணுகியதும், நிறுவனம் பிளே ஸ்டோரிலிருந்து விரைவாக அவற்றை அகற்றியதும் வலைப்பதிவில் சேர்த்தது.

"பாதுகாப்பு மற்றும் தனியுரிமை மீறல்கள் பற்றிய அறிக்கைகளை நாங்கள் தீவிரமாக எடுத்துக்கொள்கிறோம்" என்று, கூகுள் ஃபோர்ப்ஸிடம் ஒரு அறிக்கையில் தெரிவித்துள்ளது. "எங்கள் கொள்கைகளை மீறும் நடத்தை கண்டால், நாங்கள் நடவடிக்கை எடுப்போம்."

கூகுள், ஷென்சென் HAWK செயலிகளை அகற்றிய பின்னர், அதன் செயலிகளுடன் நிறுவனத்தின் கவலைகளைப் புரிந்துகொள்ள கூகுள் உடன் இணைந்து செயல்படுவதாக, TCL Corporation VPN Pro-க்கு பதிலளித்தது. வாடிக்கையாளர்களை நிம்மதியடையச் செய்வதற்காக நிறுவனம் தனது செயலிகளின் பாதுகாப்பு தணிக்கை நடத்தவும் திட்டமிட்டுள்ளது. ஷென்சென் HAWK வழங்கும் பல ஆப்ஸ் சலுகைகள் Alcatel மற்றும் TCL கார்ப்பரேஷனால் விற்கப்படும் பிற போன்களில் முன்பே ஏற்றப்படுகின்றன.

உங்கள் போன்களில் இந்த செயலிகள் ஏதேனும் இன்ஸ்டால் செய்திருந்தால், நீங்கள் உடனடியாக அதை uninstall செய்வது நல்லது.

  1. World Zoo
  2. Puzzle Box
  3. Word Crossy!
  4. Soccer Pinball
  5. Dig it
  6. Laser Break
  7. Word Crush
  8. Music Roam
  9. File Manager
  10. Sound Recorder
  11. Joy Launcher
  12. Turbo Browser
  13. Weather Forecast
  14. Calendar Lite
  15. Candy Selfie Camera
  16. Private Browser
  17. Super Cleaner
  18. Super Battery
  19. Virus Cleaner 2019
  20. Hi Security 2019
  21. Hi VPN, Free VPN
  22. Hi VPN Pro
  23. Net Master
  24. Candy Gallery
Comments

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பேஸ்புக்கில் பகிரலாம் Gadgets360 Twitter Shareட்வீட் பகிர் Snapchat ரெட்டிட்டில் கருத்து
#சமீபத்திய செய்திகள்
  1. அறிமுகமாகிறது Samsung Galaxy M36 5G: Orange Haze, Serene Green கலர் ஆப்ஷன்களுடன் மாஸ் எண்ட்ரி!
  2. அறிமுகமானது OnePlus Bullets Wireless Z3: 10 நிமிடம் சார்ஜ், 27 மணிநேரம் மியூசிக்! மிஸ் பண்ணாதீங்க!
  3. அறிமுகமானது Redmi Pad 2: Google AI அம்சங்களுடன் வந்த இந்தியாவின் முதல் டேப்லெட் - மிஸ் பண்ணாதீங்க
  4. அறிமுகமானது iQOO Z10 Lite 5G: பட்ஜெட் 5G-யின் புதிய ராஜா! சிறப்பம்சங்கள் வெளியானது
  5. கேலக்ஸி S25 அல்ட்ரா சலுகை: ₹75,000 வரை தள்ளுபடி! Samsung ரசிகர்கள் மிஸ் பண்ணக்கூடாத ஆஃபர்
  6. அறிமுகமாகிறது Vivo X200 FE: Zeiss கேமராவுடன் அசத்தல் டிசைன்! இந்த கலர்ல வாங்க ஆசையா இருக்கா
  7. அறிமுகமாகிறது Vivo T4 Lite 5G: "மேட் இன் இந்தியா" சிறப்பு - இந்த மாதம் வெளியீடு உறுதி! மிஸ் பண்ணாதீங்க!
  8. அவசரம்! WhatsApp வணிகங்களுக்குப் புதிய அம்சங்கள்: பணமாக்கும் வழி, பிரமோஷன் வாய்ப்புகள் - முழு விபரம் இதோ!
  9. அறிமுகமாகிறது Vivo Y400 Pro 5G: AI அம்சங்கள், 5500mAh பேட்டரி - விலை என்ன? முழு விபரம் வெளியானது
  10. அறிமுகமானது Realme Narzo 80 Lite 5G: பட்ஜெட் 5G-யின் ராஜா! ஜூலை 23 முதல் விற்பனை!
© Copyright Red Pixels Ventures Limited 2025. All rights reserved.
Trending Products »
Latest Tech News »