சூப்பர் ஆபரில் வோடபோன் Vi REDX போஸ்ட்பெய்ட் திட்டம்

Vodafone Idea (Vi) நிறுவனம் புதிதாக  REDX என்ற பெயரில் புதிய போஸ்ட்பெய்ட் திட்டத்தை அறிமுகம் செய்துள்ளது. இதில் ஏராளமான சலுகைகள் வழங்கப்பட்டுள்ளன. ரூ.1,201 விலையில் பல்வேறு  OTT தளத்திற்கான சந்தா, Swiggy சந்தா மற்றும் கேஸ்பேக் ஆகிய பல்வேறு சலுகைகள் உள்ளன. இந்த திட்டம் 1 மாதத்திற்கான வேலிடிட்டியை வழங்குகிறது.  சமீபத்தில் நெட்வொர்க் நிறுவனங்கள் கட்டணங்களை கணிசமாக அதிகரித்திருந்தன. வோடாபோன், ஏர்டெல், ஜியோ நிறுவனங்கள் மொபைல் ரீசார்ஜ் கட்டணங்களின் விலையை உயர்த்தியதால் வாடிக்கையாளர்கள் அதிருப்தியில் இருக்கின்றனர். இந்த நிலையில் வோடாபோன் தனது வாடிக்கையாளர்களுக்கு மகிழ்ச்சியைக் கொடுத்துள்ளது.

Vodafone Idea (Vi) நிறுவனம் REDX போஸ்ட்பெயிடு திட்டத்தில் Amazon Prime, Disney+ Hotstar, Sony Liv மற்றும் Sun NXT போன்ற ஐந்து OTT சந்தாவை இலவசமாக பெற முடியும். மொபைல் டிவி வசதியும் வருகிறது. இது தவிர ஆறு மாதங்களுக்கு கூடுதல் கட்டணமின்றி Swiggy One மெம்பர்ஷிப் கிடைக்கிறது. சர்வதேச அழைப்புகளுக்கு  ஏழு நாள் ரோமிங் இலவசமாக கிடைக்கும். Vi RedX போஸ்ட்பெய்ட் திட்ட பயனர்கள் வருடத்திற்கு ஒருமுறை உள்நாட்டு மற்றும் சர்வதேச விமான நிலையங்களில் ஓய்வறைகளை சலுகை விலையில் புக் செய்யலாம். விமான டிக்கெட் முன்பதிவுகளின் போது EaseMyTrip தள்ளுபடிகளை பெற முடியும். வாடிக்கையாளர்கள் நார்டன் மொபைல் பாதுகாப்பு சேவைகளையும் 12 மாதங்களுக்கு இலவசமாக அனுபவிக்க முடியும். 

REDX போஸ்ட்பெய்ட் திட்டத்தில் எவ்வளவு அழைப்புகளை வேண்டுமானாலும் செய்துக் கொள்ளலாம், அதாவது வரம்பற்ற அழைப்புகள் என்ற அம்சம் வாடிக்கையாளர்களுக்கு மகிழ்ச்சியைக் கொடுக்கும். அதோடு, வரம்பற்ற தரவு அணுகலும் உள்ளது. இலவசமாக மூவாயிரம் எஸ்எம்எஸ் அனுப்பலாம். ஆனால் இந்த திட்டத்தில் ஒரு சிக்கலும் இருக்கிறது இந்தத் திட்டத்தை தேர்வு செய்த 180 நாட்களுக்கு முன் மூட விரும்பினால் 3000 ரூபாய் செலுத்த வேண்டும். 180 நாட்களுக்குப் பிறகு இந்தத் திட்டத்தை மூடினால், எந்தவிதமான கட்டணமும் செலுத்த வேண்டியதில்லை.

REDX திட்டத்தில் Disney + Hotstar, SonyLIV Premium, SunNXT போன்ற தளங்களுக்கு சந்தா இலவசம். இதில் Disney Plus Hotstar மற்றும் SonyLIV சந்தா 1 வருடம் வரையிலும், மற்றவை 6 மாதங்களுக்கு இலவசமாக கிடைக்கும். ஏற்கனவே REDX போஸ்ட்பெய்ட் திட்டம் 1101 ரூபாய் என்ற விலையில் இருந்த திட்டம், பட்டியலில் இருந்து நீக்கப்பட்டு அதற்கு பதிலாக கூடுதல் அம்சங்களுடன் ரூ.1201 திட்டம் கொண்டுவரப்பட்டுள்ளது. வாடிக்கையாளர்களுக்கு லாபம் கொடுக்கும் திட்டம் இது.