Nobel Prize பெற்றுதந்த MicroRNA கண்டுபிடிப்பில் என்ன இருக்கு?

மரபணு ஒழுங்குமுறை தொடர்பான மைக்ரோஆர்என்ஏ கண்டுபிடிப்பு நோபல் பரிசு பெற தகுதி பெற்றுள்ளது

Nobel Prize பெற்றுதந்த MicroRNA கண்டுபிடிப்பில் என்ன இருக்கு?

Photo Credit: microRNA

Victor Ambros and Gary Ruvkun won the 2024 Nobel Prize for discovering microRNA

ஹைலைட்ஸ்
  • மைக்ரோஆர்என்ஏ கண்டுபிடிப்பிற்காக விக்டர் அம்ப்ரோஸ், கேரி ருவ்குன் நோபல்
  • புரத உற்பத்தியை ஒழுங்குபடுத்துவதில் மைக்ரோஆர்என்ஏக்கள் முக்கிய பங்கு வகிக
  • இந்த கண்டுபிடிப்பு மரபணு ஒழுங்குமுறை பற்றி தெரிய உதவுகிறது
விளம்பரம்

மரபணு ஒழுங்குமுறை தொடர்பான மைக்ரோஆர்என்ஏ கண்டுபிடிப்பு நோபல் பரிசு பெற தகுதி பெற்றுள்ளது. மைக்ரோஆர்என்ஏ கண்டுபிடிப்பிற்காக விக்டர் அம்ப்ரோஸ், கேரி ருவ்குன் நோபல் பரிசு வென்றுள்ளனர். புரத உற்பத்தியை ஒழுங்குபடுத்துவதில் மைக்ரோஆர்என்ஏக்கள் முக்கிய பங்கு வகிக்கின்றன. இந்த கண்டுபிடிப்பு மரபணு ஒழுங்குமுறை பற்றி தெரிய உதவுகிறது.


மரபணு ஒழுங்குமுறை தொடர்பான எதிர்பாராத கண்டுபிடிப்பு மாசசூசெட்ஸ் பல்கலைக்கழகத்தின் சான் மருத்துவப் பள்ளியைச் சேர்ந்த விக்டர் அம்ப்ரோஸ் மற்றும் ஹார்வர்ட் மருத்துவப் பள்ளியைச் சேர்ந்த கேரி ருவ்குன் ஆகியோருக்கு மருத்துவத்திற்கான 2024 நோபல் பரிசைப் பெற்றுதந்துள்ளது. இருவரின் ஆராய்ச்சி, மைக்ரோஆர்என்ஏக்கள் எனப்படும் சிறிய ஆர்என்ஏ பிரிவுகளை அடையாளம் கண்டுள்ளது. அவை உடலில் புரத உற்பத்தியை ஒழுங்குபடுத்துவதில் குறிப்பிடத்தக்க பங்கைக் கொண்டுள்ளன. ஒரு சிறிய புழுவில் இருந்து அவர்களின் ஆய்வு தொடங்கியது. ஆரோக்கியம் மற்றும் நோய்களுடன் தொடர்புடைய உயிரியல் செயல்முறைகள் பற்றிய முக்கியமான நுண்ணறிவு தகவல்களை இந்த கண்டுபிடிப்பு வழங்கியுள்ளது.


மரபணு ஒழுங்குமுறையில் மைக்ரோஆர்என்ஏவின் பங்கு


மைக்ரோஆர்என்ஏக்கள் என்பது புரதங்களின் உற்பத்தியை பாதிப்பதன் மூலம் மரபணு வெளிப்பாட்டைக் கட்டுப்படுத்த உதவும் சிறிய ஆர்என்ஏ மூலக்கூறுகள் ஆகும். இந்த செயல்பாட்டில், மைக்ரோஆர்என்ஏக்கள் மெசஞ்சர் ஆர்என்ஏ ( MicroRNA ) உடன் இணைக்கின்றன. இது டிஎன்ஏவிலிருந்து புரதங்களை உருவாக்குவதற்கான வழிமுறைகளைக் கொண்டுள்ளது. எம்ஆர்என்ஏவை ஒட்டிக்கொண்டு, மைக்ரோஆர்என்ஏக்கள் செயல்படுகின்றன. உற்பத்தி செய்யப்படும் புரதத்தின் அளவைக் குறைக்கின்றன. ஆன்/ஆஃப் சுவிட்சாக செயல்படுவதற்குப் பதிலாக, இந்த மூலக்கூறுகள் மறைவது போல செயல்படுகின்றன. புரத உற்பத்தியை நுட்பமாக குறைக்கின்றன.


புழுக்களில் ஆரம்பகால கண்டுபிடிப்புகள்


அம்ப்ரோஸ் மற்றும் ருவ்குன் ஆகியோரின் ஆராய்ச்சியானது கேனோர்ஹப்டிடிஸ் எலிகன்ஸ் என்ற சிறிய புழுவில் தொடங்கியது. புழுவின் வளர்ச்சியில் முக்கியப் பங்காற்றிய லின்-4 மற்றும் லின்-14 ஆகிய இரண்டு மரபணுக்களில் அவர்களின் கவனம் இருந்தது. ஆம்ப்ரோஸ் ஆரம்பத்தில் லின்-4 மரபணுவுடன் தொடர்புடைய ஒரு சிறிய RNA பிரிவைக் கண்டுபிடித்தார். இது முதலில் அடையாளம் காணப்பட்ட மைக்ரோஆர்என்ஏவாக மாறியது. லின்-4 மைக்ரோஆர்என்ஏ லின்-14 மரபணுவின் எம்ஆர்என்ஏவுடன் பிணைக்கிறது, அதனுடன் தொடர்புடைய புரதத்தின் உற்பத்தியைக் குறைக்கிறது என்பதை ருவ்குன் பின்னர் நிரூபித்தார்.
மனித ஆரோக்கியத்தின் மீதான தாக்கம்
மைக்ரோ ஆர்என்ஏக்கள் புழுக்களுக்குத் தான் என்று முதலில் கருதப்பட்டது, ஆனால் பின்னர் மேற்கொள்ளப்பட்ட ஆராய்ச்சியில் அவை மனிதர்கள் உட்பட விலங்கு இனங்கள் முழுவதும் இருப்பதை வெளிப்படுத்தியது. இந்த கண்டுபிடிப்பு, புற்றுநோய், இதய நோய் மற்றும் நரம்பியக்கடத்தல் நிலைமைகள் போன்ற நோய்களுக்கு சிகிச்சையளிப்பதில் முக்கிய பங்கு வகிக்கும். அவற்றை குணப்படுத்த சாத்தியமான பயன்பாடுகளுடன், இந்த சிறிய ஆர்என்ஏக்கள் மனித ஆரோக்கியத்தை எவ்வாறு பாதிக்கின்றன என்பதற்கான ஆராய்ச்சியின் புதிய வழிகளைத் திறந்துள்ளது.


நமது உடலில் உள்ள அனைத்து உயிரணுக்களும் ஒரே மரபணு மூலக்கூறுகளைக் கொண்டிருக்கிறது. தசைகள் மற்றும் நரம்புகளில் பல்வேறு வகையான செல்கள் பல்வேறு வகையான செயல்களைச் செய்கின்றன. மரபணு ஒழுங்குமுறை செயல்படுகள் மூலம் இது சாத்தியமாகிறது. அப்போது இந்த செல்கள் அவற்றுக்குத் தேவையான மரபணுவை மட்டும் செல்படுத்த அனுமதிக்கப்படுகின்றன. அம்ரோஸ் மற்றும் ருக்குன் ஆகியோரது மைக்ரோ ஆர்என்ஏ கண்டுபிடிப்பு, இந்த செயல்பாட்டின் போது புதிய வழியை வெளிப்படுத்தியது. இருவரது கண்டுபிடிப்புகள் உயிர்கள், குறிப்பாக மனித உயிர்கள் எவ்வாறு உருவாகின்றன மற்றும் செயல்படுகின்றன என்பதை புரிந்துகொள்ள முக்கிய பங்காற்றுகின்றன.

Comments

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

Gadgets 360 Staff
 ...மேலும்
        
    
#சமீபத்திய செய்திகள்
  1. iQOO 15 வெளிவந்தாச்சு! அதிரடியான லுக் மற்றும் கேமரா லீக்! புது போன் வாங்க காத்திருந்தவங்களுக்கு ஒரு நல்ல செய்தி!
  2. பட்ஜெட் விலையில் பக்கா போன்! Poco M7 Plus 5G புதிய மாடல் வந்தாச்சு! பிக் பில்லியன் டேஸ்ல ரூ. 11,000-க்குள்ள வாங்கலாம்
  3. பட்ஜெட் விலையில் பவர்ஃபுல் போன்! Realme P3 Lite 5G இந்தியாவில் லான்ச்! விலை என்னன்னு தெரியுமா
  4. iPhone 17 ஆர்டர் பண்ணீட்டீங்களா? பெரிய ஷாக் காத்திருக்கு! விநியோகம் தாமதமாகும்னு ஆப்பிள் சொல்லுது
  5. ஐபோன் 14 வாங்க இதுதான் சரியான நேரம்! பிக் பில்லியன் டேஸ்ல ரூ. 40,000க்கும் குறைவான விலையில்
  6. நத்திங் ஃபேன்ஸ் ரெடியா? புது இயர் 3-ல ‘டாப் பட்டன்’ இருக்காம்! அது எதுக்குன்னு தெரியுமா
  7. விவோ ஃபேன்ஸ் வெய்ட்டிங் ஓவர்! X300 சீரிஸ் போன் லான்ச் தேதி லீக் ஆயிருக்கு
  8. பிக் பில்லியன் டேஸ் வருது! ஐபோன் வாங்க ஆசையா? பிளிப்கார்ட் கொடுக்கும் மெகா ஆபர்
  9. சாம்சங் கேலக்ஸி S26 ப்ரோவின் லீக் ஆன வடிவமைப்பு: புதிய கேமரா மற்றும் கலர் விவரங்கள் இதோ!
  10. ஒப்போ ரசிகர்களே ரெடியா? ஃபைண்ட் X9 சீரிஸ் போன் லான்ச் ஆகுறதுக்கு முன்னாடிய தகவல் வந்தாச்சு!
© Copyright Red Pixels Ventures Limited 2025. All rights reserved.
Trending Products »
Latest Tech News »