Chandrayaan-2: இஸ்ரோ வெளியிட்ட நிலவு பள்ளங்களின் புதிய புகைப்படங்கள்!

விளம்பரம்
Written by Indo-Asian News Service மேம்படுத்தப்பட்டது: 27 ஆகஸ்ட் 2019 13:32 IST
ஹைலைட்ஸ்
  • இந்த படங்கள் ஆகஸ்ட் 23ல் சுமார் 4,375 கி.மீ உயரத்தில் எடுக்கப்பட்டுள்ளது
  • ஜாக்சன், மித்ரா, மாக் மற்றும் கொரோலெவ் பள்ளங்களைக் காட்டுகின்றன
  • படங்களை சந்திரயன் -2இன் டெர்ரைன் மேப்பிங் கேமரா -2 எடுத்தது

சந்திரயான் -2 புதிய படத்தை இஸ்ரோ சமீபத்தில் வெளியிட்டது

Photo Credit: ISRO

சந்திரயான் -2 (Chandrayaan-2) செயற்கைகோளின் நிலப்பரப்பு மேப்பிங் கேமரா -2 எடுத்த சந்திரனின் மேற்பரப்பு மற்றும் அதன் பள்ளங்களின் புதிய புகைப்படங்களை இந்திய விண்வெளி ஆராய்ச்சி அமைப்பு (ISRO) திங்கள்கிழமை வெளியிட்டது. இஸ்ரோவின் தகவலிம்படி, ஆகஸ்ட் 23 அன்று ஜாக்சன் (Jackson), மித்ரா (Mitra), மாக் (Mach) மற்றும் கொரோலெவ் (Korolev) போன்ற தாக்கக் பள்ளங்களைக் காட்டும் படங்கள் சுமார் 4,375 கி.மீ உயரத்தில் எடுக்கப்பட்டுள்ளன.

ஜாக்சன் (Jackson) என்பது சந்திரனின் வெகு தொலைவில் வடக்கு அரைக்கோளத்தில் அமைந்துள்ள ஒரு தாக்க பள்ளம் என்று இஸ்ரோ தெரிவித்துள்ளது. பள்ளத்தின் விட்டம் 71 கி.மீ.

மாக் (Mach) பள்ளத்தின் மேற்கு வெளிப்புற விளிம்பில் அமைந்துள்ளது இந்த மித்ரா (Mitra) (92 கி.மீ விட்டம்) என்னும் மற்றொரு தாக்க பள்ளம்.

"இந்திய இயற்பியலாளராக இருந்த பேராசிரியர் சிசிர் குமார் மித்ரா மற்றும் அயனி மண்டல மற்றும் கதிரியக்க இயற்பியல் துறையில் முன்னோடிப் பணிகளுக்காக அறியப்பட்ட பத்ம பூஷண் விருது பெற்ற அவரின் பெயரால் இது பெயரிடப்பட்டுள்ளது" என்று இஸ்ரோ தெரிவித்துள்ளது.

படத்தில் காணப்படும் கொரோலெவ் (Korolev) பள்ளம் 437 கி.மீ அகலமுள்ள பள்ளம் ஆகும், இது மேலும் பல சிறிய அளவிலான பள்ளங்களைக் கொண்டுள்ளது.

இதுமட்டுமின்றி சோமர்ஃபெல்ட் (Sommerfeld) மற்றும் கிர்க்வுட் (Kirkwood) போன்ற தாக்க பள்ளங்களைக் காட்டும் படங்களையும் இஸ்ரோ வெளியிட்டது.

சோமர்ஃபெல்ட் என்பது சந்திரனின் தொலைதூர வடக்கு அட்சரேகைகளில் அமைந்துள்ள ஒரு பெரிய தாக்க பள்ளம். இது 169 கி.மீ விட்டம் கொண்டது.

இது ஒரு வளைய மலையால் சூழப்பட்ட ஒப்பீட்டளவில் தட்டையான உட்புறத்தைக் கொண்டுள்ளது மற்றும் பல சிறிய பள்ளங்கள் இதன் விளிம்பில் உள்ளன.

அணு மற்றும் குவாண்டம் இயற்பியல் துறையில் ஒரு முன்னோடி ஜெர்மன் இயற்பியலாளர் டாக்டர் அர்னால்ட் சோமர்ஃபெல்ட் (Dr. Arnold Sommerfeld) என்பவரின் பெயரால் இது பெயரிடப்பட்டது. மற்றொரு பள்ளம் அமெரிக்க வானியலாளர் டேனியல் கிர்க்வுட் (Daniel Kirkwood) என்பவரின் பெயரால் கிர்க்வுட் என பெயரிடப்பட்டுள்ளது, இது நன்கு உருவாக்கப்பட்ட மற்றொரு தாக்க பள்ளம், இது சுமார் 68 கி.மீ விட்டம் கொண்டது என்று இஸ்ரோ தெரிவித்துள்ளது.

Advertisement

மற்றொரு படம் தாக்கக் குழிகள் பிளாஸ்கெட் (Plaskett) (109 கி.மீ அகலம்), ரோஜ்டெஸ்ட்வென்ஸ்கி (Rozhdestvenskiy) (177 கி.மீ அகலம்) மற்றும் ஹெர்மைட் (Hermite) (104 கி.மீ அகலம், சூரிய மண்டலத்தின் குளிரான இடங்களில் ஒன்று) ஆகியவற்றை காண்பிக்கிறது.

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

மேலும் படிக்க: ISRO, Chandrayaan 2, Moon
Advertisement
Popular Brands
#சமீபத்திய செய்திகள்
  1. DSLR-க்கு டஃப் கொடுக்க Vivo ரெடி! Zeiss-உடன் கைகோத்து Vivo X300 சீரிஸ் இந்தியாவிற்கு வருது
  2. OnePlus-ன் கேமிங் ராட்சசன் வந்துட்டான்! 7,800mAh பேட்டரி பவர்! 165Hz டிஸ்ப்ளே! OnePlus Ace 6-ன் அம்சங்கள் என்னென்ன?
  3. ஒன்பிளஸ் 15 வந்துவிட்டது! பேட்டரி வேற லெவல்! 7300mAh பேட்டரி பவர் விலையும், ஸ்பெக்ஸ்ஸும் பார்க்கலாமா?
  4. கேமராவில் புரட்சி! 200 மெகாபிக்சல் பெரிஸ்கோப் உடன் Xiaomi 17 Ultra வரப்போகுது
  5. அல்ட்ரா-ஸ்லிம் செக்மென்ட்டில் Motorola-வின் புதிய ஆட்டம்! Moto X70 Air இந்திய லான்ச் டீஸ் ஆகி இருக்கு! விலை ₹30,000-க்குள் இருக்குமா?
  6. சின்ன ஃபோன் பிரியர்களுக்கு Vivo-வின் சர்ப்ரைஸ்! Vivo S50 Pro Mini-இல் Dimensity 9400 சிப்செட்
  7. HMD-ன் அடுத்த மாடுலர் ஃபோன் ரெடி! கேமிங், வயர்லெஸ் சார்ஜிங் என ஒன்பது புது Smart Outfits! HMD Fusion 2 பற்றி தெரிந்துகொள்ளுங்கள்!
  8. Nothing ரசிகர்களுக்கு செம்ம ட்ரீட்! Nothing Phone 3a Lite இன்று மாலை அறிமுகம்! மலிவு விலையில் Glyph லைட் வருதா?
  9. iQOO ரசிகர்களுக்கு செம்ம ட்ரீட்! iQOO 15 நவம்பரில் கன்ஃபார்ம்! மிரட்டலான அம்சங்கள் உள்ளே!
  10. OnePlus ரசிகர்களுக்கு ஜாக்பாட்! OnePlus 15, Ace 6 விலை லீக்! ரூ. 53,100 ஆரம்ப விலையில் 7300mAh பேட்டரி போனா?
Download Our Apps
Available in Hindi
© Copyright Red Pixels Ventures Limited 2025. All rights reserved.