Vivo X300 series போன் வெளியீட்டு தேதி உறுதியாகிடுச்சு! ஃபிளாக்ஷிப் ஸ்மார்ட்போனில் என்னென்ன எதிர்பார்க்கலாம்?

ஸ்மார்ட்போன் உலகில் கேமராவுக்கு அதிக முக்கியத்துவம் கொடுக்கும் நிறுவனங்களில் Vivo-வும் ஒன்று. அதிலும், அதன் X-Series போன்கள் எப்போதும் கேமரா பிரியர்களுக்கு ஒரு விருந்துதான். இந்த வரிசையில், Vivo தனது அடுத்த பிரீமியம் ஃபிளாக்ஷிப் போன்களான Vivo X300 மற்றும் Vivo X300 Pro-வை அக்டோபர் 13, 2025 அன்று சீனாவில் அறிமுகப்படுத்த உள்ளது. இது, இந்திய நேரப்படி மாலை 4:30 மணிக்கு நடைபெறும்.சமீபத்தில், Vivo-வின் ஒரு அதிகாரப்பூர்வ சீன வலைப்பதிவில், இந்த போன்களின் கலர் ஆப்ஷன்கள் மற்றும் சில முக்கியமான அம்சங்கள் வெளியிடப்பட்டுள்ளன.டிசைன் மற்றும் கலர் ஆப்ஷன்கள்,Vivo X300 Series போன்கள், ஒரு புதிய ‘velvet glass' ஃபினிஷில் வரவுள்ளது. இதன் மூலம் போன் பார்ப்பதற்கு மிகவும் பிரீமியமாகத் தோன்றும். வழக்கமாக, Vivo அதன் X சீரிஸ் போன்களுக்கு ஒரு தனித்துவமான கேமரா டிசைனைக் கொடுக்கும். இந்த முறை, அதன் பின்புற கேமரா மாட்யூல் ஒரு “suspended water droplet” போன்ற வடிவமைப்பைக் கொண்டிருக்கும்.

• Vivo X300 மாடல் நான்கு கலர் ஆப்ஷன்களில் கிடைக்கும்: Free Blue, Comfortable Purple, Pure Black மற்றும் ஒரு Lucky Pink variant.
• Vivo X300 Pro மாடல் இரண்டு கலர் ஆப்ஷன்களில் மட்டுமே கிடைக்கும்: Black மற்றும் Gold.

இந்த கலர் பெயர்கள் சீன மொழியிலிருந்து மொழிபெயர்க்கப்பட்டவை என்பதால், சர்வதேச அளவில் வேறு பெயர்களில் வெளியாகலாம்.
முக்கியமான அம்சங்கள் (எதிர்பார்ப்பு)
இந்த போன்களின் முக்கிய அம்சம் அதன் கேமராதான். Vivo எப்போதும் Zeiss-உடன் இணைந்து அதன் கேமராக்களை உருவாக்கும்.

● Vivo X300 Pro-வில் 200MP டெலிஃபோட்டோ லென்ஸ் (telephoto lens) இருக்கும். இது, தொலைவில் உள்ள படங்களைக்கூட துல்லியமாக எடுக்க உதவும்.
● Vivo X300 மாடலில் ஒரு 200MP பிரதான சென்சார் (primary sensor) இருக்கும். மேலும், இரு மாடல்களிலும் 50MP செல்ஃபி கேமரா இருக்கும் என எதிர்பார்க்கப்படுகிறது.
பெர்ஃபார்மன்ஸை பொறுத்தவரை, இந்த போன்கள் புதிதாக அறிமுகமாகவுள்ள MediaTek Dimensity 9500 பிராசஸர்-ஐ பயன்படுத்தும் என கூறப்படுகிறது. இந்த பிராசஸர், முந்தைய மாடல்களை விட வேகமாகவும், செயல்திறன் மிக்கதாகவும் இருக்கும். மேலும், Vivo தனது சொந்த V3+ imaging chip-ஐயும் இந்த போன்களில் பயன்படுத்தும். இது, போட்டோ மற்றும் வீடியோ எடுக்கும் திறனை மேலும் மேம்படுத்தும்.

பேட்டரியைப் பொறுத்தவரை, Vivo X300-ல் 6000mAh பேட்டரியும், Vivo X300 Pro-வில் 7000mAh பேட்டரியும் இருக்கலாம். மேலும், 90W wired fast charging மற்றும் UFS 4.1 ஸ்டோரேஜ் போன்ற அம்சங்களும் இதில் இடம்பெறும் என எதிர்பார்க்கப்படுகிறது.
தற்போது, இந்த போன்கள் சீனாவில் மட்டுமே அறிமுகம் செய்யப்படவுள்ளன. இருப்பினும், சில தகவல்களின்படி, இந்த போன்கள் நவம்பர் அல்லது டிசம்பர் மாதங்களில் இந்தியாவிலும் அறிமுகமாகலாம். இந்த போன்களின் விலைகள், இந்திய வெளியீட்டு தேதியன்று அதிகாரப்பூர்வமாக அறிவிக்கப்படும்.