Samsung Galaxy S25 Ultra புடிச்சா குதிரை கொம்பா தான் புடிக்கணும்

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட கேட்ஜெட் எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். செல்போன் தாண்டி மற்ற தொழில்நுட்ப தகவல்களும் உங்களை வந்து சேரும். இப்போ நாம் பார்க்க இருப்பது Samsung Galaxy S25 Ultra செல்போன் பற்றி தான்

Samsung Galaxy S25 Ultra ஆனது Galaxy S25 சீரியஸ் தொடராக இந்தியாவில் அறிமுகமானது. இதில் ஜெமினி AI அம்சங்களுக்கான சப்போர்ட் இதில் கிடைக்கிறது. Galaxy Unpacked விழாவின் போது இந்த செல்போன் அறிமுகம் செய்யப்பட்டது. ஸ்னாப்டிராகன் 8 எலைட் மூலம் 12 ஜிபி ரேம் மற்றும் 1 டிபி வரை மெமரியுடன் வந்துள்ளது. இந்த ஆண்டு மாடலில் மேம்படுத்தப்பட்ட 50 மெகாபிக்சல் அல்ட்ராவைடு கேமரா உள்ளது. மேலும் ஆப்பிள் ஐபோன் 15 ப்ரோ மற்றும் ஐபோன் 16 ப்ரோ மாடல்களைப் போலவே ஸ்மார்ட்போனும் லாக் வீடியோவைப் பதிவுசெய்யும் திறன் கொண்டது.'

அப்டேட் வரிசையில் உள்ள மற்ற இரண்டு மாடல்களைப் போலவே Samsung Galaxy S25 Ultra ஆனது One UI 7 உடன் வருகிறது. இது ஆண்ட்ராய்டு 15 அடிப்படையாகக் கொண்டது. இது ஒரு புதிய Now Brief அம்சத்திற்கான சப்போர்ட் வழங்குகிறது, இது எழுத்து சுருக்கங்கள் மற்றும் புதிய நோட் குறிக்க ஆப்ஷன்களை வழங்குகிறது. Google இன் ஜெமினி AI உதவியுடன் ஆப்கள் அப்டேட் செய்யப்பட்டுள்ளன. பயனர்கள் YouTube போன்ற மற்றொரு பயன்பாட்டைப் பயன்படுத்தும் போது Samsung Notes போன்ற பயன்பாடுகளுடன் தொடர்பு கொள்ள இது அனுமதிக்கிறது.

Samsung Galaxy S25 Ultra விலை

Samsung Galaxy S25 Ultra விலை 12GB RAM மற்றும் 256GB மெமரி உள்ளடங்கிய அடிப்படை மாடல் ரூ. 1,12,300 என நிர்ணயிக்கப்பட்டுள்ளது.
12GB+256GB மற்றும் 12GB+512GB மாடல்களும் கிடைக்கிறது. அவைகளின் விலை முறையே ரூ. 1,22,700 மற்றும் ரூ. 1,43,400 ஆகும். இந்தியாவில், கேலக்ஸி எஸ்25 அல்ட்ராவின் விலை ரூ. 1,29,999 என நிர்ணயம் செய்யப்பட்டுள்ளது.
புதிதாக வெளியிடப்பட்ட Galaxy S25 Ultra ஆனது Titanium Black, Titanium Gray, Titanium Silverblue மற்றும் Titanium Whitesilver வண்ண விருப்பங்களில் விற்பனை செய்யப்படும். வாடிக்கையாளர்கள் நிறுவனத்தின் இணையதளத்தில் இருந்து பிரத்தியேகமான Titanium Jadegreen, Titanium Jetblack மற்றும் Titanium Pinkgold வண்ணங்களில் வாங்கலாம்.

Samsung Galaxy S25 Ultra 6.9-இன்ச் டைனமிக் AMOLED 2X திரையுடன் வருகிறது. டிஸ்ப்ளே கார்னிங் கொரில்லா ஆர்மர் 2 பாதுகாப்பைக் கொண்டுள்ளது. தூசி மற்றும் நீர் எதிர்ப்பிற்கான IP68 மதிப்பீட்டைக் கொண்டுள்ளது. Samsung Galaxy S25 Ultra ஆனது 45W இல் சார்ஜ் செய்யக்கூடிய 5,000mAh பேட்டரியைக் கொண்டுள்ளது இதில் வயர், சார்ஜர் தனித்தனியாக விற்கப்படுகிறது. இது வேகமான வயர்லெஸ் சார்ஜிங் 2.0 (15W) மற்றும் வயர்லெஸ் பவர்ஷேர் சப்போர்ட் வழங்குகிறது. இந்த செல்போன் 218g எடையுடையது.