அறிமுகத்திற்கு முன்பே கசிந்த Redmi Note 8 Pro-வின் சிறப்பம்சங்கள்!

முன்னதாக விலை மற்றும் இந்த ஸ்மார்ட்பொனின் வகைகள் பற்றிய விவரங்கள் வெளியான பிறகு Redmi Note 8 Pro ஸ்மார்ட்போனின் சிறப்பம்சங்களும் தற்போது கசிந்துள்ளது. முன்னதாகவே சியோமி நிறுவனம்,இந்த Redmi Note 8 Pro ஸ்மார்ட்போன் மீடியாடெக் ஹீலியோ G90T SoC ப்ராசஸர், 64 மெகாபிக்சல் முதன்மை கேமரா, 4,500mAh பேட்டரி ஆகிய சிறப்பம்சங்களை கொண்டுள்ளது என்பதை சியோமி நிறுவனம் உறுதி செய்திருந்தது. மேலும், இந்த ஸ்மார்ட்போன் 4 பின்புற கேமரா அமைப்பை கொண்டிருக்கிறது என்ற தகவல் வெளியாகியிருந்தது. Redmi Note 8 Pro ஸ்மார்ட்போன் நாளை (ஆகஸ்ட் 29) சீனாவில் அறிமுகமாகவுள்ளது. இந்த ஸ்மார்ட்போனுடன் Redmi Note 8 ஸ்மார்ட்போன், Redmi TV, மற்றும் 14-இன்ச் RedmiBook ஆகியவையும் அறிமுகமாகவுள்ளது. Redmi Note 8 ஸ்னேப்டிராகன் 665 SoC ப்ராசஸர் கொண்டுள்ளது என்பதும் உறுதியாகியுள்ளது.

வெய்போ தளத்தில் வெளியான சமீபத்திய கசிவு Redmi Note 8 Pro ஸ்மார்ட்போனின் முழு சிறப்பம்சங்களையும் குறிப்பிடுகிறது. அந்த கசிவின்படி, இந்த ஸ்மார்ட்போன் MIUI 10ஐ அடிப்படையாக கொண்ட ஆண்டராய்ட் 9 பை (Android 9 Pie) அமைப்பை கொண்டு இயங்குகிறது. இந்த ஸ்மார்ட்போன் கொரில்லா கிளாஸ் 5 பாதுகாப்புடன் 6.53-இன்ச் திரையை கொண்டுள்ளது. Note 7 Pro போலவே இந்த ஸ்மார்ட்போனும், வாட்டர்-ட்ராப் நாட்ச் திரையை கொண்டுள்ளது.

6GB மற்றும் 8GB என்ற அளவிலான RAM வகைகளுடன் Redmi Note 8 Pro ஸ்மார்ட்போன் மீடியாடெக் ஹீலியோ G90T SoC ப்ராசஸரை கொண்டு இயங்குகிறது. சேமிப்பில் 64GB மற்றும் 128GB என இரண்டு அளவுகளை கொண்டுள்ளது. கேமராவை பொருத்தவரை Redmi Note 8 Pro ஸ்மார்ட்போன் நான்கு பின்புற கேமரா அமைப்பை கொண்டுள்ளது. 64 மெகாபிக்சல் அளவிலான முதன்மை கேமராவை கொண்டுள்ளது. மேலும் 8 மெகாபிக்சல் அளவிலான வைட்-ஆங்கிள் கேமரா, 2 மெகாபிக்சல் அளவிலான மேக்ரோ கேமரா, 2 மெகாபிக்சல் அளவிலான டெப்த் சென்சார் கேமரா என மூன்று கேமராக்களை கொண்டுள்ளது.

முன்னதாக சியோமி நிறுவனம் Redmi Note 8 Pro ஸ்மார்ட்போன் 4,500mAh பேட்டரி மற்றும் 18W விரைவு சார்ஜர் ஆகியவற்றை கொண்டிருக்கும் என அறிவித்திருந்தது. இந்த ஸ்மார்ட்போன் டைப்-C சார்ஜர், 3.5mm ஆடியோ ஜாக் ஆகிய தொடர்பு வசதிகளை கொண்டுள்ளது. 

முன்னதாக 91Mobiles வெளியிட்ட கசிவுகளின்படி, Redmi Note 8 Pro ஸ்மார்ட்போன் 6GB RAM + 128GB சேமிப்பு அளவுடன் 1,799 யுவான்கள் (சுமார் 18,000 ரூபாய்) என்ற விலையிலும், 8GB RAM + 128GB சேமிப்பு வகை 2,099 யுவான்கள் (சுமார் 21,000 ரூபாய்) என்ற விலையில் அறிமுகமாகலாம் என எதிர்பார்க்கப்படுகிறது. மேலும் Redmi Note 8 ஸ்மார்ட்போன் 4GB RAM + 64GB சேமிப்பு வகையில் 1,199 யுவான்கள் (சுமார் 12,000 ரூபாய்) என்ற விலையில் அறிமுகமாகலாம் என எதிர்பார்க்கப்படுகிறது. ஆனால், இந்த தகவல்கள் உறுதியானது அல்ல என்பது குறிப்பிடத்தக்கது.