மீண்டும் விற்பனைக்கு வருகிறது Realme X50 Pro 5G! 

பிப்ரவரி 24-ஆம் தேதி இந்தியாவில் அறிமுகப்படுத்தப்பட்ட Realme X50 Pro 5G, இன்று இரண்டாவது முறையாக விற்பனைக்கு வருகிறது. இந்த விற்பனை, நிறுவனத்தின் அதிகாரப்பூர்வ வலைத்தளம் மற்றும் பிளிப்கார்ட்டில் நடைபெறும்.

இந்தியாவில் Realme X50 Pro 5G-யின் விலை, வெளியீட்டு சலுகைகள், விற்பனை தேதி: 

Realme X50 Pro 5G விற்பனை பிளிப்கார்ட் மற்றும் ரியல்மியின் அதிகாரப்பூர்வ இணையதளத்தில் மதியம் 12 மணிக்கு நேரலைக்கு வரும். சலுகைகளில், பிளிப்கார்ட் ஆக்சிஸ் வங்கி கிரெடிட் கார்டு மற்றும் ஆக்சிஸ் பேங்க் பஸ் கிரெடிட் கார்டில் 5 சதவீதம் கேஷ்பேக் அடங்கும். பிளிப்கார்ட்டில் வாங்குபவர்கள் Realme X50 Pro 5G-யில் no-cost EMI-ஐப் பெற முடியும். ரியல்மி இணையதளத்தில், வாடிக்கையாளர்கள் ரூ.500 மதிப்புள்ள மொபிக்விக் சூப்பர் கேஷ் மற்றும் காஷிஃபை எக்ஸ்சேஞ்ச் வடிவில் சமமான கேஷ்பேக், no-cost EMI மற்றும் ரூ.11,500 மதிப்புள்ள ஜியோ பலன்கள் போன்ற சலுகைகளைப் பெறலாம். 

Realme X50 Pro-வின் 6 ஜிபி + 128 ஜிபி வேரியண்டின் விலை ரூ.37,999-யாகவும், 8 ஜிபி + 128 ஜிபி வேரியண்டிற்கு ரூ.39,999-யாகவும் மற்றும் டாப்-ஸ்பெக் 12 ஜிபி + 256 ஜிபி வேரியண்டின் விலை ரூ.44,999-யாகவும் நிர்ணயிக்கப்பட்டுள்ளது.

Realme X50 Pro 5G-யின் விவரக்குறிப்புகள்:

Realme X50 Pro 5G, ஸ்னாப்டிராகன் 865 சிப்செட்டால் இயக்கப்படுகிறது, இது 12 ஜிபி வரை ரேம் உடன் இணைக்கப்பட்டுள்ளது. இது Realme UI உடன் Android 10-ல் இயங்குகிறது. இந்த போன் 90Hz புதுப்பிப்பு வீதம் மற்றும் கார்னிங் கொரில்லா கிளாஸ் 5 பாதுகாப்புடன் 6.44 இன்ச் முழு எச்டி + ஹோல்-பஞ்ச் டிஸ்பிளேவைக் கொண்டுள்ளது.

போனின் பின்புறத்தில் குவாட் கேமரா அமைப்பு உள்ளது. இதில், 8 மெகாபிக்சல் அல்ட்ரா-வைட்-ஆங்கிள் ஷூட்டர், 12 மெகாபிக்சல் டெலிஃபோட்டோ கேமரா மற்றும் பொக்கே பிடிப்புக்கான  2-மெகாபிக்சல் போட்ரெயிட் கேமரா ஆகியவற்றுடன் f/1.8 aperture உடன் 64 மெகாபிக்சல் முதன்மை சென்சார், உள்ளது. போனின் முன் கேமராவில் இரண்டு சென்சார்கள், 32 மெகாபிக்சல் பிரதான ஷூட்டர் மற்றும் மற்றொரு 8 மெகாபிக்சல் அல்ட்ரா-வைட்-ஆங்கிள் கேமராவையும் கொண்டுள்ளது.

Realme X50 Pro 5G-யின் இணைப்பு விருப்பங்களில் டூயல்-மோட் 5G (NSA/ SA & mainstream bands), 4G VoLTE, Wi-Fi 6, Bluetooth v5.1, GPS மற்றும் USB Type-C port ஆகியவற்றைக் கொண்டுள்ளது. கூடுதலாக, இது 65W சூப்பர் டார்ட் சார்ஜிங்கிற்கான ஆதரவுடன் 4,200 எம்ஏஎச் பேட்டரியுடன் பொருத்தப்பட்டுள்ளது.