ஸ்பைடர்-மேன் வெர்சன் கொண்ட ரியல்மீ X ஸ்மார்ட்போன்
Photo Credit: Weibo
ரியல்மீ நிறுவனம், தனது ரியல்மீ X ஸ்மார்ட்போனின் ஸ்பைடர்-மேன்: பார் ஃப்ரம் ஹோம் (Spider-Man: Far From Home) சிறப்பு பத்திப்பை சீனாவில் அறிமுகப்படுத்தப்போவதாக அறிவித்துள்ளது. சோனி நிறுவனத்துடன் ஒப்பந்தம் மேற்கொண்டுள்ள ரியல்மீ நிறுவனம், 8GB RAM மற்றும் 128GB சேமிப்பு அளவு கொண்ட இந்த ஸ்மார்ட்போனை சீனாவில் ஜூலை 9 அன்று அறிமுகப்படுத்தப்போவதாக கூறியுள்ளது. ரியல்மீ இந்தியா நிறுவனத்தின் தலைமை நிர்வாக அதிகாரியான மாதவ் சேத், இந்த ரியல்மீ X-ஸ்பைடர்-மேன் வெர்சன் ஸ்மார்ட்போனின் புகைப்படத்தை தனது ட்விட்டர் பக்கத்தில் வெளியிட்டுள்ளார். இந்த ஸ்பைடர்-மேன் வெர்சன் ஸ்மார்ட்போன் இந்தியாவில் அறிமுகமாகுமா என்பது குறித்து எந்த ஒரு தகவலும் வெளிவரவில்லை.
சீனாவில் இந்த 8GB RAM மற்றும் 128GB சேமிப்பு அளவு ரியல்மீ X-ன் ஸ்பைடர்-மேன் வெர்சன் ஸ்மார்ட்போனின் விற்பனை ஜூலை 9 அன்று காலை 10 மணிக்கு துவங்கும் என அறிவித்துள்ளது.
ரியல்மீ X: விலை!
மொத்தம் மூன்று வகைகளை கொண்டுள்ளது இந்த ரியல்மீ X ஸ்மார்ட்போன். அதில் 4GB RAM + 64GB சேமிப்பு அளவு கொண்ட ரியல்மீ X 1,499 யுவான்கள் (15,000 ரூபாய்) என்ற விலையில் விற்பனையாகிறது. 6GB RAM + 64GB சேமிப்பு அளவு, 8GB RAM + 128GB சேமிப்பு அளவு என்ற ரியல்மீ X ஸ்மார்ட்போனின் வகைகள் 1,599 யுவான்கள் (16,100 ரூபாய்), 1,799 யுவான்கள் (18,100 ரூபாய்) என்ற விலையில் விற்பனையாகிறது. இவற்றில் 8GB RAM மற்றும் 128GB சேமிப்பு அளவு ரியல்மீ X ஸ்மார்ட்போன் மட்டுமே ஸ்பைடர்-மேன் வெர்சன் கொண்டு விற்பனையாகவுள்ளது என்பது குறிப்பிடத்தக்கது.
ரியல்மீ X: சிறப்பம்சங்கள்!
ஆண்ட்ராய்ட் பை அமைப்பை கொண்டுள்ள இந்த ரியல்மீ X ஸ்மார்ட்போனின் திரை 6.53-இன்ச் FHD+ (1080x2340 பிக்சல்கள்) திரை அளவு, 19.5:9 திரை விகிதம் மற்றும் கொரில்லா கிளாஸ் 5 பாதுகாப்பை பெற்றுள்ளது. இந்த ஸ்மார்ட்போனில் ஆக்டா-கோர் குவால்காம் 710 எஸ் ஓ சி ப்ராசஸர் பொருத்தப்பட்டுள்ளது.
இந்த ஸ்மார்ட்போன் இதன் பின்புறத்தில், 48 மெகாபிக்சல் அளவிலான முதன்மை கேமரா மற்றும் 5 மெகாபிக்சல் கேமரா என இரண்டு கேமராக்களை கொண்டுள்ளது. மேலும் முன்புறத்தில் 16 மெகாபிக்சல் அளவிலான செல்பி கேமராவையும் கொண்டுள்ளது.
இந்த ரியல்மீ X ஸ்மார்ட்போன் 3,765mAh அளவிலான பேட்டரியை கொண்டுள்ளது. 4G வசதி, வை-பை மற்றும் ப்ளூடூத் v5.0 ஆகிய வசதிகளையும் இந்த ஸ்மார்ட்போன் கொண்டுள்ளது.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.