Poco X2-வின் அடுத்த விற்பனை மார்ச் 3-ல் நடைபெறும்! 

Poco X2 பிப்ரவரி தொடக்கத்தில் அறிமுகப்படுத்தப்பட்டது, பிப்ரவரி 11-ஆம் தேதி முதல் முறையாக விற்பனைக்கு வந்தது. இதுவரை, மொத்தம் மூன்று முறை விற்பனைக்கு வந்துள்ளது. மேலும் நிறுவனம் இப்போது நான்காவது விற்பனை மார்ச் 3-ஆம் தேதி நடைபெறும் என்று அறிவித்துள்ளது. முந்தைய விற்பனையுடன் ஒப்பிடும்போது நாளை விற்பனையானது "ஒப்பீட்டளவில் பெரிய பங்கு"-ஐக் கொண்டிருக்கும், இது அதன் "மிகப்பெரிய விற்பனையாக" மாறும். மார்ச் 3 விற்பனை, 'ஹெட் ஃபார் ரெட்' விற்பனை என அழைக்கப்படுகிறது. Poco X2-வின் பீனிக்ஸ் ரெட் வேரியண்டை மட்டுமே விற்பனை செய்யும் என்று நிறுவனம் அறிவித்துள்ளது. 

இந்தியாவில் Poco X2 விலை, விற்பனை தேதி, சலுகைகள்: 

Poco X2-வின் அடிப்படை 6 ஜிபி ரேம் / 64 ஜிபி ஸ்டோரேஜ் வேரியண்டின் விலை ரூ.15,999-ல் இருந்து தொடங்குகிறது மற்றும் அதன் 6 ஜிபி ரேம் / 128 ஜிபி ஸ்டோரேஜ் வேரியண்ட் ரூ.16,999 ரூபாயும், இறுதியாக அதன் டாப்-ஸ்பெக் 8 ஜிபி ரேம் மற்றும் 256 ஜிபி ஸ்டோரேஜ் ஆப்ஷன் ரூ.19,999-யாகவும் உள்ளது.

மார்ச் 3, செவ்வாய்க்கிழமை மதியம் 12 மணிக்கு Poco X2 ஃபிளாஷ் விற்பனையை அறிவிக்கும் போது, ​​இந்த விற்பனையில் இன்னும் மிகப்பெரிய இருப்புகள் இருக்கும் என்றும் நிறுவனம் கூறியதுடன், ஐசிஐசிஐ கார்டு வைத்திருப்பவர்களுக்கு ரூ.1,000 மதிப்புள்ள தள்ளுபடியை அறிவித்துள்ளது. இது பிளிப்கார்ட் வழியாக (via Flipkart) வாங்குவதற்கு கிடைக்கும்.

Poco X2 விவரக்குறிப்புகள்:

PocoX2, 120Hz IPS LCD டிஸ்பிளே (வகுப்பில் முதல்), டூயல் பஞ்ச்-ஹோல் முன் கேமரா மற்றும் ஹூட்டின் கீழ் ஒரு ஸ்னாப்டிராகன் 730G சிப் ஆகியவற்றைக் கொண்டுள்ளது. இது, 27W ஃபாஸ்ட் சார்ஜருடன் 4,500 எம்ஏஎச் பேட்டரி வருகிறது.

இது பின்புறத்தில் குவாட் கேமரா அமைப்புடன், 64 மெகாபிக்சல் முதன்மை ஷூட்டர், 8 மெகாபிக்சல் வைட்-ஆங்கிள் லென்ஸ், 2 மெகாபிக்சல் மேக்ரோ லென்ஸ் மற்றும் 2 மெகாபிக்சல் டெப்த் சென்சாரைக் கொண்டுள்ளது. Poco X2 Android 10-ஐ அடிப்படையாகக் கொண்டு போகோவிற்காக வடிவமைக்கப்பட்ட MIUI 11-ல் இயங்குகிறது.