ஒட்டுமொத்த Foldable செல்போன்களுக்கும் ஆப்பு வச்ச Google

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். மொபைல் போன்களை தாண்டியும் மற்ற கேட்ஜெட்களை பற்றியும் தெரிந்து கொள்ளலாம். இப்போ நாம் பார்க்க இருப்பது Pixel 9 Pro Fold பற்றி தான்.

கூகுள் நிறுவனத்தின் Pixel 9 Pro Fold செல்போன் இந்தியாவில் அறிமுகமாகி உள்ளது. கூகுள் நிறுவனம் அதன் பிக்சல் 9 சீரிஸில் உள்ள நான்கு மாடல்களையுமே இந்தியாவில் அறிமுகப்படுத்தியுள்ளது. இது Google Tensor G4 Chipset மூலம் இயக்கப்படுகிறது. இந்தியாவில் வாங்க கிடைக்கும் ஒட்டுமொத்த Foldable ஸ்மார்ட்போன்களுக்கும் வேட்டு வைக்கும் விலை மற்றும் அம்சங்களுடன் Google Pixel 9 Pro Fold அறிமுகம் செய்யப்பட்டுள்ளது. Made by Google 2024 Event மூலம் அறிமுகமான இந்த ஸ்மார்ட்போன் கூகுள் நிறுவனத்தின் இரண்டாவது Foldable ஸ்மார்ட்போன் ஆகும். இருந்தாலும் கூட இந்தியாவில் அறிமுகமாகும் முதல் கூகுள் Foldable ஸ்மார்ட்போனாகும். அசத்தும் விதமாக 8 இன்ச் இன்னர் டிஸ்ப்ளே, 6.3 இன்ச் கவர் ஸ்கிரீன் மற்றும் 45W வரை சார்ஜ் செய்யக்கூடிய 4,650எம்ஏஎச் பேட்டரி உள்ளது.

16ஜிபி ரேம் மற்றும் 256ஜிபி மெமரி வசதியுடன் வரும் இந்த போன் இந்தியாவில் ரூ. 1,72,999 விலையில் விற்பனைக்கு வரும் என கூகுள் நிறுவனம் தெரிவித்துள்ளது. இது அப்சிடியன் மற்றும் பீங்கான் வண்ண விருப்பங்களில் கிடைக்கிறது. Flipkart வழியாக பிரத்தியேகமாக கிடைக்கிறது. முந்தைய ஸ்மார்ட்போன்களைப் போல அல்லாமல், புதிதாக அறிவிக்கப்பட்ட Pixel 9 மாடல்கள் Flipkart, Croma மற்றும் Reliance Digital சில்லறை விற்பனை நிலையங்கள் வழியாகவும் கிடைக்கும். Google Pixel 9 Pro இந்தியாவில் ஆகஸ்ட் 22 முதல் விற்பனைக்கு வரும் என கூகுள் தெரிவித்துள்ளது. டெல்லி மற்றும் பெங்களூருவில் உள்ள கூகுளுக்குச் சொந்தமான வாக்-இன் மையங்களில் இருந்தும் வாங்கலாம்.

Pixel 9 Pro Fold செல்போனில் உள்ள வசதிகளை பார்த்தால் இது இரட்டை சிம் (Nano+eSIM) கைபேசி ஆகும். ஆண்ட்ராய்டு 14 அவுட்-ஆஃப்-தி-பாக்ஸ் OS மூலம்இயங்குகிறது. ஏழு வருட ஆண்ட்ராய்டு OS அப்டேட், பாதுகாப்பு அப்டேட் கிடைக்கிறது. கூகுளின் டென்சர் ஜி4 சிப்செட் மற்றும் 16ஜிபி ரேம் உடன் இணைக்கப்பட்ட டைட்டன் எம்2 பாதுகாப்பு கோப்ராசசர் மூலம் இயக்கப்படுகிறது.

8-இன்ச் (2,076x2,152 பிக்சல்கள்) LTPO OLED திரை உள்ளது. இது 120Hz புதுப்பிப்பு வீதத்துடன், 2,700நிட்ஸ் உச்ச பிரகாசத்துடன் இருக்கிறது. வெளிப்புறத்தில் 6.3-இன்ச் (1,080x2,424 பிக்சல்கள்) OLED டிஸ்ப்ளே, 120Hz புதுப்பிப்பு வீதம் கொண்டது. கொரில்லா கிளாஸ் விக்டஸ் 2 பாதுகாப்பு மற்றும் உள் திரையின் அதே உச்ச பிரகாச நிலை ஆகியவற்றைக் கொண்டுள்ளது.

48 மெகாபிக்சல் வைட் ஆங்கிள் கேமரா, 10.5 மெகாபிக்சல் அல்ட்ரா-வைட் ஆங்கிள் கேமரா, ஆட்டோஃபோகஸ் கொண்ட 10.8 மெகாபிக்சல் டெலிஃபோட்டோ கேமரா உள்ளது. 5x ஆப்டிகல் ஜூம், 20x சூப்பர் ரெஸ் ஜூம் வசதி இருக்கிறது. முன்பக்கம் 10 மெகாபிக்சல் கேமரா உள்ளது. மேலும் பல கேமரா மற்றும் எடிட்டிங் அம்சங்களை வழங்குகிறது. இதில் Add Me, Hands-free astrophotography, Face Unblur, Top Shot, Frequent Faces, Video Boost, Wind Noise Reduction, Audio Magic Eraser, Macro Focus Video, மேட் யூ லுக், மற்றும் மேஜிக் எடிட்டர் போன்ற வசதிகள் உள்ளன.

இந்தியாவில் Pixel 9 Pro Fold 256ஜிபி மெமரி மாடலாக வருகிறது. அதே நேரத்தில் அமெரிக்கா மற்றும் பிற பிராந்தியங்களில் உள்ள வாடிக்கையாளர்கள் 512ஜிபி பெறுவார்கள். 5G, 4G LTE, Wi-Fi 7, ப்ளூடூத் 5.3, NFC, GPS, அல்ட்ரா-வைட்பேண்ட் (UWB) மற்றும் USB 3.2 Type-C போர்ட் இணைப்பு வசதி உள்ளது. முகம் மற்றும் கைரேகை அடிப்படையிலான பயோமெட்ரிக் வசதி உள்ளது. நீர் எதிர்ப்பிற்கான IPX8 மதிப்பீட்டைக் கொண்டுள்ளது.