Oppo A92s விவரங்கள் வெளியாகின! 

ஓப்போ நிறுவனத்தின் வரவிருக்கும் ஸ்மார்ட்போனாக Oppo A92s இருக்கும் என்று எதிர்பார்க்கப்படுகிறது. இந்த போன், கீக்பெஞ்ச் பட்டியல் மற்றும் TENAA சான்றிதழ் இணையதளத்தில் காணப்பட்டதாகக் கூறப்படுகிறது. 

Oppo A92s விவரங்கள் (எதிர்பார்க்கப்படுபவை)

Oppo A92s-ன் மாடல் எண் PDKM00 என்று நம்பப்படுகிறது. இந்த போன் Android 10-ல் இயக்கும் என்றும், ஆக்டா கோர் MT6873 SoC-யால் இயக்கப்படும் என்றும், டைமன்சிட்டி 800 5 ஜி சிப்செட்டாக இருக்கக்கூடும் என்றும் கீக்பெஞ்ச் பட்டியல் காட்டுகிறது. 

இந்த போனின் 6.57 அங்குல (1,080x2,400 பிக்சல்கள்) டிஸ்பிளேவை TENAA சான்றிதழ் வலைத்தளத்தில் காணலாம். CPU அதிர்வெண் 2.0GHz என பட்டியலிடப்பட்டுள்ளது. இந்த போன் 6 ஜிபி, 8 ஜிபி மற்றும் 12 ஜிபி ஆகிய ரேம் வேரியண்டுகளையும், 128 ஜிபி மற்றும் 256 ஜிபி ஸ்டோரேஜ் ஆப்ஷன்களையும் கொண்டிருக்கும். 

Oppo A92s-ல் மொத்தம் ஆறு கேமராக்கள் உள்ளன. பின்புற கேமராக்களில் 48 மெகாபிக்சல் ஷூட்டர், 8 மெகாபிக்சல் சென்சார் மற்றும் இரண்டு 2 மெகாபிக்சல் கேமராக்கள் உள்ளன. முன்பக்கத்தில், 16 மெகாபிக்சல் மற்றும் 2 மெகாபிக்சல் ஷூட்டர்கள் ஹோல்-பஞ்ச் வடிவமைப்பில் வைக்கப்பட்டுள்ளன என்பதை TENAA பட்டியல் காட்டுகிறது.

இந்த போன் 3,890mAh பேட்டரி மற்றும் Wi-Fi, LTE, VoLTE, Bluetooth, GPS அம்சங்களுடன் வருகிறது. இந்த போன் 163.8x75.5x8.1 மிமீ அளவு மற்றும் 184 கிராம் எடையைக் கொண்டிருக்கும் என பட்டியலிடப்பட்டுள்ளது. ஒரு போஸ்டர் Oppo A92s 120Hz டிஸ்பிளேவுடன் வரும் என்று கூறப்படுகிறது.