5,000 எம்ஏஎச் பேட்டரியுடன் மோட்டோ ஜி 8 பவர் லைட் அறிமுகம்!

மோட்டோரோலாவின் மோட்டோ ஜி 8 பவர் லைட் இந்தியாவில் அறிமுகமாகியுள்ளது. இந்த போன் ஏப்ரல் மாதம் உலகளவில் வெளியிடப்பட்டது குறிப்பிடத்தக்கது. இந்த போனில் பெரிய 5,000 எம்ஏஎச் பேட்டரி உள்ளது. இந்த போன் இம்மாத இறுதியில் விற்பனைக்கு வருகிறது.

போனின் விலை:

4 ஜிபி ரேம் + 64 ஜிபி ஸ்டோரேஜ் கொண்ட Moto G8 Power Lite-ன் விலை ரூ.8,999 ஆகும். இந்த போன் மே 29 மதியம் 12 மணிக்கு Flipkart-ல் விற்பனைக்கு வரும். இந்த போன் ஆர்க்டிக் ப்ளூ மற்றும் ராயல் ப்ளூ வண்ணங்களில் வருகிறது.

பிளிப்கார்ட் ஆக்சிஸ் வங்கி கடன் அட்டை மூலம் மோட்டோ ஜி 8 பவர் லைட் வாங்குவோருக்கு 5 சதவீதம் அன்லிமிடெட் கேஷ்பேக் கிடைக்கும். மேலும், பல EMI ப்ளான்களும் உள்ளன.

போனின் விவரங்கள்:

மோட்டோ ஜி 8 பவர் லைட் ஆண்ட்ராய்டு பையில் இயங்குகிறது. இது 6.5 இன்ச் எச்டி + (720x1,600 பிக்சல்கள்) ஐபிஎஸ் எல்சிடி டிஸ்ப்ளேவைக் கொண்டுள்ளது. போனின் உள்ளே மீடியாடெக் ஹீலியோ பி 35 சிப்செட், 4 ஜிபி ரேம் மற்றும் 64 ஜிபி ஸ்டோரேஜ் உள்ளது.

மோட்டோ ஜி 8 பவர் லைட் பின்புறத்தில் மூன்று கேமரா அமைப்பைக் கொண்டுள்ளது. இதில் 16 மெகாபிக்சல் ஷூட்டர், 2 மெகாபிக்சல் இரண்டாம் நிலை சென்சார் மற்றும் 2- மெகாபிக்சல் டெப்த் சென்சார் உள்ளன. செல்ஃபி எடுக்க 8 மெகாபிக்சல் கேமரா உள்ளது. 

இணைப்பிற்காக, இந்த போனில் 4 ஜி எல்டிஇ, புளூடூத் வி 4.2, வைஃபை 802.11 பி / ஜி / என், ஜிபிஎஸ் / ஏ-ஜிபிஎஸ், மைக்ரோ-யூ.எஸ்.பி போர்ட் மற்றும் 3.5 மிமீ ஆடியோ ஜாக் ஆகியவை உள்ளது. போனின் உள்ளே 10W சார்ஜிங் ஆதரவுடன் 5,000 எம்ஏஎச் பேட்டரி உள்ளது. போனின் பின்புறத்தில் கைரேகை ஸ்கேனரும் உள்ளது. மோட்டோ ஜி 8 பவர் லைட்டின் எடை 200 கிராம் ஆகும்.