மார்க்கெட்டையே அதிரவைக்க iQOO ரெடி! Neo 11-ல் இத்தனை அம்சங்களா? 2K டிஸ்ப்ளே, Snapdragon சிப், 100W சார்ஜிங்!

இந்தியாவிலும் சரி, உலக அளவிலும் சரி, கேமிங் போன் செக்மென்ட்ல iQOO Neo சீரிஸ் ரொம்ப பாப்புலர். அந்த வரிசையில, அடுத்த தரமான மாடலை ரிலீஸ் பண்ண iQOO ரெடியாகிட்டாங்க! அதுதான் iQOO Neo 11. இந்த போன் சீனாவில் அக்டோபர் 30 ஆம் தேதி அறிமுகம் செய்யப்படுவது அதிகாரப்பூர்வமாக உறுதி செய்யப்பட்டுள்ளது. பொதுவா, ஃபிளாக்ஷிப் போன்கள்ல 5,000mAh பேட்டரியே பெரிய விஷயம் தான். ஆனா, iQOO இப்போ அதை எல்லாம் தூக்கி சாப்பிடுற மாதிரி 7,500mAh மெகா பேட்டரியை இந்த Neo 11-ல கொடுத்திருக்காங்க. இவ்வளவு பெரிய பேட்டரியை, உயர்தர 2K டிஸ்ப்ளேவோட கொடுத்த முதல் ஃபிளாக்ஷிப் போன் இதுதான் என்று கம்பெனியே பெருமையா சொல்லியிருக்காங்க. கூடவே, இந்த பெரிய பேட்டரியை வேகமா சார்ஜ் செய்ய 100W வயர்டு ஃபாஸ்ட் சார்ஜிங் சப்போர்ட்டும் இருக்குன்னு எதிர்பார்க்கப்படுது. இதனால, கேமிங் செஷன்ஸ்ல இனி பேட்டரி பத்திய கவலையே இல்ல.
 

பர்ஃபார்மன்ஸ் அசுரன் - சிப்செட்:

இந்த போன்ல என்ன ப்ராசஸர் இருக்கும்னு நிறைய நாள் சஸ்பென்ஸ் இருந்துச்சு. ஆனா, லீக்கான தகவல்கள் மற்றும் Geekbench லிஸ்டிங் மூலமா, இதில் சக்தி வாய்ந்த Snapdragon 8 Elite ஃபிளாக்ஷிப் சிப்செட் தான் இருக்கும்னு கிட்டத்தட்ட உறுதி ஆகியிருக்கு. இதனால, வேகத்துல எந்த சமரசமும் இருக்காது.
இதுதவிர, இந்த போன் 16GB RAM மற்றும் Android 16 அடிப்படையிலான புதிய OriginOS 6 இயங்குதளத்துடன் வெளிவரலாம்னு எதிர்பார்க்கப்படுது.
டிஸ்ப்ளே மற்றும் மற்ற சிறப்பம்சங்கள்:

• டிஸ்ப்ளே: கேமிங் அனுபவத்துக்கு ஏற்ற மாதிரி, இதில் 2K ரெசல்யூஷன் மற்றும் 144Hz ரெஃப்ரெஷ் ரேட் கொண்ட OLED ஃபிளாட் டிஸ்ப்ளே இருக்கு. இது கண்களுக்கு அதிகப்படியான வெளிச்சத்தை குறைக்க உதவும் Anti-Reflective Coating உடன் வருகிறது.
• செக்யூரிட்டி: வேகமான மற்றும் துல்லியமான பாதுகாப்புக்காக, இது அல்ட்ராசோனிக் இன்-டிஸ்ப்ளே ஃபிங்கர் பிரின்ட் சென்சாரை (Ultrasonic In-Display Fingerprint Sensor) பயன்படுத்தலாம்.
• கேமரா: கேமராவைப் பொறுத்தவரை, பின்னாடி 50MP பிரைமரி கேமரா (OIS உடன்) மற்றும் ஒரு அல்ட்ரா-வைட்-ஆங்கிள் சென்சார் இருக்கும்னு எதிர்பார்க்கப்படுது.
• வண்ணங்கள்: இந்த போன் பிளாக் (Black), சில்வர் (Silver), மற்றும் வித்தியாசமான டெக்ஸ்சருடன் கூடிய ப்ளூ நியான் (Blue Neon), பிக்ஸல் ஸ்கொயர் ஆரஞ்சு (Pixel Square Orange) போன்ற வண்ணங்களில் வரவுள்ளது.

சீனாவில் லான்ச் ஆன பிறகு, iQOO Neo 11 இந்தியாவின் பட்ஜெட் ஃபிளாக்ஷிப் மார்க்கெட்டையும் அதிரச் செய்யும்னு எதிர்பார்க்கப்படுது. இந்திய விலை ₹35,000 ரேஞ்சில் இருக்கலாம்னு ஒரு எதிர்பார்ப்பு இருக்கு. முழு விவரங்களையும் அக்டோபர் 30-ம் தேதி பார்க்கலாம்.