விரைவில் வெளியாகிறது ஹானர் எக்ஸ் 10!

விளம்பரம்
Written by Kathiravan Gunasekaran மேம்படுத்தப்பட்டது: 29 ஏப்ரல் 2020 15:54 IST
ஹைலைட்ஸ்
  • ஹானர் எக்ஸ் 10-ஐ ஹானர் தலைவர் ஜாவோ மிங் உறுதிப்படுத்தியுள்ளார்
  • போனின் முக்கிய விவரங்கள், அளவீடுகளை டிப்ஸ்டர் வெளிப்படுத்துகிறது
  • அதே அளவீடுகளைக் கொண்ட ஒரு ஹவாய் போன் TENAA & MIIT-ல் காணப்பட்டது

ஹவாய் போனை, குவாட் கேமரா அமைப்புடன் TENAA வலைத்தளம் காட்டுகிறது

Photo Credit: TENAA

சீனாவில் நடைபெற்ற உலகளாவிய மொபைல் இணைய மாநாட்டில் ஹானர் எக்ஸ் 10 அறிமுகம் உறுதிப்படுத்தப்பட்டுள்ளதாக கூறப்படுகிறது. இந்த போன் ஹானர் 9 எக்ஸ் மேம்படுத்தப்பட்ட மாடலாக இருக்கும். இது 5ஜி இணைப்பை ஆதரிக்கும். இதற்கிடையில் ஹானர் எக்ஸ் 10 ஸ்மார்ட்போன் கிரின் 820 5 ஜி சிப்செட்டில் வேலை செய்யும் என்றும் 4,200 எம்ஏஎச் திறன் கொண்ட பேட்டரியுடன் வரும் என்றும் பிரபல டிப்ஸ்டர் ஒருவர் கூறியுள்ளார்.

Honor எக்ஸ் 10, 6.63 இன்ச் டிஸ்ப்ளே கொண்டதாகவும், அதன் தடிமன் 8.8 மிமீ ஆகவும் இருக்கும் என்றும் கூறப்படுகிறது. மேலும், இந்த அளவீடுகளுடனும் அறியப்படாத இரண்டு ஹவாய் போன்கள் TENAA-வில் காணப்பட்டுள்ளன. மேலும், அதே அனுமதி எண்ணுடன் தளத்தில் பட்டியலிடப்பட்ட ஒரு போனும் சீன எம்ஐஐடி சான்றிதழ் இணையதளத்தில் காணப்பட்டது. 

ஸ்பாரோ நியூஸின் அறிக்கையின்படி, ஏப்ரல் 27 அன்று நடந்த உலகளாவிய மொபைல் இணைய மாநாட்டில், ஹானர் தலைவர் ஜாவோ மிங் ஒரு புதிய ஹானர் எக்ஸ்-சீரிஸை அறிமுகப்படுத்துவது குறித்து பேசியதாக கூறப்படுகிறது, அதில் ஹானர் எக்ஸ் 10 ஸ்மார்ட்போன் அடங்கும். மாநாட்டின் போது, ​​ஹானர் எக்ஸ் 10 ஸ்மார்ட்போன் 5 ஜி ஆதரவுடன் வரும் என்று கூறப்பட்டது.

அதே நாளில், வெய்போவில் ஒரு பிரபலமான டிப்ஸ்டர் டிஜிட்டல் சேட் நிலையம் ஹானர் எக்ஸ் 10 சீரிஸில் கிரின் 820 5 ஜி சிப்செட், 6.63 அங்குல எல்சிடி டிஸ்ப்ளே 4,200 எம்ஏஎச் பேட்டரி ஆகியவற்றைக் கொண்டிருக்கும் என்று கூறினார். ஸ்மார்ட்போனில், பக்கவாட்டில் பொருத்தப்பட்ட கைரேகை சென்சார் பொருத்தப்பட்டிருக்கும். இந்த போன் 22.5W ஃபாஸ்ட் சார்ஜிங்கை ஆதரிக்கும் மற்றும் 8.8 மிமீ தடிமனாக இருக்கும் என்ற தகவலையும் டிப்ஸ்டர் பகிர்ந்துள்ளார்.

ஜி.எஸ்.எம்.ரெனாவின் அறிக்கை, இதேபோன்ற விவரங்களைக் கொண்ட இரண்டு போன்களின் எம்ஐஐடி சான்றிதழ், வலைத்தள பட்டியலையும் வெளிப்படுத்தியது. அந்த பட்டியலில் ஸ்மார்ட்போன் பெயர்கள் வெளியிடப்படவில்லை என்றாலும், மாதிரி எண்கள் TEL-AN00 மற்றும் TEL-AN00a ஆகியவை சிறப்பிக்கப்பட்டுள்ளன. இரண்டு போன்களும் 6.63 இன்ச் டிஸ்ப்ளே, 4,200 எம்ஏஎச் பேட்டரி மற்றும் 5 ஜி ஆதரவுடன் டென்னா தளத்தில் பட்டியலிடப்பட்டுள்ளன.

இரண்டு ஹானர் போன்களும் 163.7x76.5x8.8 மில்லிமீட்டர் அளவுடன் வருகின்றன. இந்த விவரங்கள் டிப்ஸ்டர் பகிர்ந்த தகவல்களுக்கு இணையானதாக இருப்பதால், இந்த போன்கள் ஹானர் எக்ஸ் 10 சீரிஸின் ஒரு பகுதியாக இருக்கலாம். இதேபோல், இரண்டு ஸ்மார்ட்போன்களின் படங்களும் டெனா இணையதளத்தில் காணப்பட்டன. இரண்டு போன்களிலும் குவாட் ரியர் கேமரா அமைப்பு உள்ளது. இந்த போன்கள் பாப்-அப் செல்பி கேமராவுடன் வரும் என்று குறிப்பிடுகிறது.

 

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

மேலும் படிக்க: Honor, Huwaei, Honor X10, Honor X10 specifications, TENAA, MIIT
Advertisement
Popular Brands
#சமீபத்திய செய்திகள்
  1. 7,000mAh பேட்டரி கொண்ட உலகின் முதல் போன்! Oppo F31 சீரிஸ் லீக் ஆகி ரசிகர்களுக்கு இன்ப அதிர்ச்சி!
  2. அவசர வேலைகளில் 'உதவாத' ஏர்டெல்! ஒரே வாரத்தில் இரண்டாவது முறை சேவை முடக்கம்
  3. மடக்கலாம், மிரட்டலாம்! Honor-ன் புது போன் சந்தையில் அறிமுகம்! விலை, சிறப்பம்சங்கள் இதோ!
  4. பெங்களூருவில் Apple-ன் புதிய கடை! செப்டம்பர் 2-ல் திறப்பு! என்ன ஸ்பெஷல்?
  5. இந்தியாவில் Pixel 10, Pixel 10 Pro, Pixel 10 Pro XL லான்ச்! ₹79,999-க்கு Google-ன் புது அஸ்திரம்
  6. கூகிளின் முதல் IP68 ஃபோல்டபிள் போன் லான்ச்! ₹1.72 லட்சத்தில் Pixel 10 Pro Fold
  7. Redmi 15 5G: ₹15,000-க்குள்ளே 7,000mAh பேட்டரி, 144Hz டிஸ்ப்ளே உடன் மாஸ் என்ட்ரி!
  8. Airtel-ன் அதிர்ச்சி அறிவிப்பு! ₹249 ரீசார்ஜ் திட்டம் நீக்கம்! இனி ₹50 அதிகம் செலவு செய்யணும்
  9. Honor X7c 5G லான்ச்! ₹14,999-க்கு 5G போன்! Snapdragon 4 Gen 2 SoC, 5,200mAh பேட்டரி
  10. Airtel-ஆல் வந்த ஜாக்பாட்! 6 மாதங்களுக்கு Apple Music இலவசம்! எப்படி ஆக்டிவேட் செய்வது
Download Our Apps
Available in Hindi
© Copyright Red Pixels Ventures Limited 2025. All rights reserved.