இந்தியாவில் Pixel 10, Pixel 10 Pro, Pixel 10 Pro XL லான்ச்! ₹79,999-க்கு Google-ன் புது அஸ்திரம்

இந்திய ஸ்மார்ட்போன் சந்தையில், கூகிள் நிறுவனம், தங்கள் தொழில்நுட்ப மற்றும் AI திறன்களை வெளிக்காட்டும் வகையில், புதிய Pixel 10 சீரிஸ் ஸ்மார்ட்போன்களை அறிமுகப்படுத்தியுள்ளது. இந்தத் தொடரில், Pixel 10, Pixel 10 Pro, மற்றும் Pixel 10 Pro XL என மூன்று மாடல்கள் இடம்பெற்றுள்ளன. இந்த போன்கள், வெறும் மேம்பட்ட வன்பொருள் மட்டுமின்றி, கூகிளின் மேம்பட்ட AI திறன்களையும், பயனர் அனுபவத்தையும் அடுத்த கட்டத்திற்கு கொண்டு செல்லும் விதமாக வடிவமைக்கப்பட்டுள்ளன. இந்த புதிய சீரிஸின் விலை, முக்கிய அம்சங்கள் மற்றும் கிடைக்கும் தேதிகள் குறித்து நாம் விரிவாகப் பார்க்கலாம்.

இந்த புதிய போன்களின் விலை, இந்தியாவில Pixel 10-க்கு ₹79,999-ல் இருந்தும், Pixel 10 Pro-க்கு ₹1,09,999-ல் இருந்தும் மற்றும் பெரிய மாடலான Pixel 10 Pro XL-க்கு ₹1,24,999-ல் இருந்தும் ஆரம்பிக்கிறது. இந்த போன்கள், ஆகஸ்ட் 28-ம் தேதி முதல் கூகிள் ஸ்டோர் மற்றும் அமேசான் போன்ற முன்னணி ஆன்லைன் மற்றும் ரீடெய்ல் தளங்களில் விற்பனைக்கு வர உள்ளன. இந்த போன்கள், தங்கள் தனித்துவமான வண்ணங்களான இண்டிகோ ஃபிராஸ்ட், லெமன் கிராஸ், மூன்ஸ்டோன், ஜேட் மற்றும் அப்சிடியன் ஆகியவற்றில் கிடைக்கின்றன.

இந்த போன்களின் மிக முக்கியமான அம்சம், அதன் சக்திவாய்ந்த ப்ராசஸர். இது, கூகிளின் அடுத்த தலைமுறை பிரத்யேக சிப்செட் ஆன Tensor G5 SoC-ல் இயங்குகிறது. இது 3nm தொழில்நுட்பத்தில் உருவாக்கப்பட்டுள்ளதால், முந்தைய மாடல்களை விட சராசரியாக 34% வேகமான CPU செயல்திறனையும், AI பணிகளுக்கு 60% மேம்பட்ட TPU (Tensor Processing Unit)-ஐயும் தருகிறது. இந்த அப்டேட், போனின் வேகத்தையும், ஆற்றல் சேமிப்பையும் கணிசமாக அதிகரித்துள்ளது.

கேமராவை பொறுத்தவரை, Pixel போன்கள் எப்போதும் ஒருபடி மேலேதான் இருக்கும். இந்த முறை, கூகிள் அதை இன்னும் ஒரு படி மேலே கொண்டு சென்றிருக்கிறது. Pixel 10 Pro மற்றும் Pixel 10 Pro XL மாடல்களில், 100x Pro Res Zoom வசதி உள்ளது. இது, இதுவரை எந்த போன்களிலும் இல்லாத ஒரு சிறப்பம்சம். மேலும், இந்த போன்களில் Gemini-Powered Camera Coach என்ற ஒரு புதிய அம்சம் கொடுக்கப்பட்டிருக்கிறது. இது, புகைப்படங்களை எடுக்கும்போது, AI உதவியுடன், ஒளியமைப்பு (lighting) மற்றும் அமைப்பு (composition) போன்ற விஷயங்களில் பயனர்ளுக்கு நேரடியாக ஆலோசனை வழங்கும். இது, சாதாரண பயனர்கள் கூட சினிமா தரத்திலான புகைப்படங்களை எடுக்க உதவும்.

பேட்டரி மற்றும் டிஸ்ப்ளே விஷயத்திலும் இந்த போன்கள் அசத்துகின்றன. Pixel 10 Pro XL மாடலில் ஒரு பெரிய 5,200mAh பேட்டரி மற்றும் 45W ஃபாஸ்ட் சார்ஜிங் வசதி உள்ளது. இது, அதிக நேரம் போனைப் பயன்படுத்தும் பயனர்களுக்கு ஒரு பெரிய வரப்பிரசாதம். Pixel 10 Pro மாடலில் 6.3-இன்ச் சூப்பர் ஆக்டுவா LTPO OLED டிஸ்ப்ளே மற்றும் Pixel 10 Pro XL மாடலில் 6.8-இன்ச் டிஸ்ப்ளேவும் கொடுக்கப்பட்டிருக்கிறது. இந்த டிஸ்ப்ளேக்கள் 3,000 nits உச்சபட்ச பிரைட்னஸ் மற்றும் 120Hz ரிஃப்ரெஷ் ரேட் கொண்டவை.

இந்த போன்கள், லேட்டஸ்ட் Android 16-ல் இயங்குகின்றன. மேலும், கூகிள், இந்த போன்களுக்கு 7 வருடங்களுக்கு OS மற்றும் செக்யூரிட்டி அப்டேட்களை வழங்கும் என்று உறுதி அளித்துள்ளது. இது, பயனர்கள் தங்கள் போனை நீண்ட நாட்களுக்குப் பாதுகாப்பாகவும், புதிய அம்சங்களுடனும் பயன்படுத்த உதவும். இந்த Pixel 10 சீரிஸ், அதன் சக்திவாய்ந்த AI அம்சங்கள், சிறந்த கேமரா திறன்கள் மற்றும் நீண்ட கால சாஃப்ட்வேர் ஆதரவு மூலம், சந்தையில் ஒரு புதிய அலைகளை உருவாக்கும் என்பதில் சந்தேகமில்லை.