இந்த ஒரு செல்போன் கையில் இருந்தால் கேமராவை தேவை இல்லை

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Xiaomi 15 Ultra செல்போன் பற்றி தான்.

Xiaomi 15 மற்றும் Xiaomi 15 Pro ஆகியவை இந்த மாத இறுதியில் அறிமுகம் ஆகும் என எதிர்பார்க்கப்படுகிறது. ஆனால் Xiaomi 15 Ultra குறித்த அதிகாரப்பூர்வ தகவல் இல்லை. Xiaomi 13 Ultra மற்றும் 14 Ultra போன்றே, Xiaomi 15 Ultra ஆனது Xiaomi 15 மற்றும் Xiaomi 15 Pro அறிமுகப்படுத்தப்பட்ட சில மாதங்களுக்குப் பிறகு, அடுத்த ஆண்டு தொடக்கத்தில் வெளியாக வாய்ப்புள்ளது. Xiaomi 15 Ultra எப்படி இருக்கும் என்பது குறித்த சில தகவல்கள் இணையத்தில் கசிந்துள்ளது. அவற்றை பார்க்கலாம்.
Xiaomi 15 Ultra செல்போனில் மறுவடிவமைப்பு செய்யப்பட்ட கேமரா இருப்பது உறுதியாகிவிட்டது. Tipster Yogesh Brar, Smartprix வெளியிட்ட தகவல்படி Xiaomi 15 Ultra செல்போன் கருப்பு மற்றும் வெள்ளி அல்லது வெள்ளை நிறங்களில் வெளியாகும் என தெரிகிறது. செல்போன் பின்னால் நான்கு லென்ஸ்கள் உள்ளே வட்ட வடிவ கேமரா யூனிட் இருப்பது நன்கு தெரிகிறது. ஆனால் இது முந்தைய மாடல்களில் இருந்து வேறுபட்டது.

லைகா பிராண்டிங்கிற்கு அடுத்ததாக ஒரு கேமரா சென்சார் வைக்கப்பட்டுள்ளது. இது மேல் இடதுபுறத்தில் காணப்படுகிறது. மற்ற மூன்று சென்சார்கள் கீழே கிடைமட்டமாக அமைக்கப்பட்டுள்ளன. இரண்டு ஃபிளாஷ் எல்இடிகள் மேலே கிடைமட்டமாக அமைக்கப்பட்டிருக்கும். இதற்கிடையில், Xiaomi லோகோ மொபைலின் கீழ் இடதுபுறத்தில் செங்குத்தாக வைக்கப்பட்டுள்ளது.

4.3x ஆப்டிகல் ஜூம் மற்றும் எஃப்/2.6 துளையுடன் கூடிய 200 மெகாபிக்சல் சாம்சங் ஐசோசெல் ஹெச்பி9 1/1.4 பெரிஸ்கோப் ஜூம் லென்ஸ், வலதுபுறத்தில் மேல்புறத்தில் வைக்கப்பட்டுள்ள கேமரா இருக்கும் என்று அறிக்கை கூறுகிறது. Xiaomi 15 Ultra முதன்மை கேமராவாக 50 மெகாபிக்சல் சோனி சென்சார் பயன்படுத்துவதாக கூறப்படுகிறது. இந்த பிரதான கேமரா 50 மெகாபிக்சல் அல்ட்ரா வைட் கேமரா மற்றும் 50 மெகாபிக்சல் 2x டெலிஃபோட்டோ லென்ஸுடன் இருக்கும் என்று கூறப்படுகிறது. இதன் முன்பக்கத்தில் 32 மெகாபிக்சல் செல்ஃபி கேமரா இருக்கும் என எதிர்பார்க்கப்படுகிறது.

Xiaomi 15 Ultra ஆனது 120Hz புதுப்பிப்பு வீதத்துடன் கூடிய 6.7-இன்ச் 2K LTPO மைக்ரோ குவாட்-வளைந்த டிஸ்ப்ளேவை கொண்டிருக்கும். இது ஸ்னாப்டிராகன் 8 எலைட் சிப்செட் மூலம் இயக்கப்படும். ஆண்ட்ராய்டு 15 அடிப்படையிலான HyperOS 2.0 மூலம் இயங்கும் என எதிர்பார்க்கப்படுகிறது. இது 90W வயர்டு மற்றும் 80W வயர்லெஸ் சார்ஜிங் சப்போர்ட் உடன் 6,000mAh பேட்டரியை கொண்டிருக்கும் என தெரிகிறது.