என்ன இருந்தாலும் ஆப்பிள் லெவலுக்கு வருமா மற்றதெல்லாம்?

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Mac Mini பற்றி தான்.
ஆப்பிள் மேக் மினியின்(Mac Mini)புதுப்பிக்கப்பட்ட பதிப்பை அறிமுகப்படுத்தியது. புதிய மேக் மினி இரண்டு சிப்செட் விருப்பங்களில் வழங்கப்படுகிறது: அவைகள் M4 மற்றும் M4 Pro. M4 மாடல் Mac Mini M1 மாடலை விட 1.7 மடங்கு வேகமான செயல்திறனை வழங்குவதாகக் கூறப்படுகிறது. இதற்கிடையில், புதிய M4 Pro டெஸ்க்டாப் கணினி 2.9 மடங்கு வேகமாக 3D ரெண்டர்களை முடிக்கும் என ஆப்பிள் நிறுவனம் கூறியது.

இந்தியாவில் M4 சிப் கொண்ட Mac Mini விலை

இந்தியாவில் M4 சிப் கொண்ட மேக் மினி 10-கோர் CPU, 10-core GPU, 16GB ஒருங்கிணைந்த மெமரி மற்றும் 256GB உள் SSD மெமரியுடன் வரும் அடிப்படை மாடல் 59,900 ரூபாய் என்கிற விலையில் விற்கப்படுகிறது. இந்த மாடலை 24ஜிபி ரேம் மற்றும் 512ஜிபி மெமரியிலும் வாங்க முடியும்.

M4 Pro சிப் கொண்ட Mac Mini மாடல் 12-core CPU, 16-core GPU, 24GB ஒருங்கிணைந்த மெமரி மற்றும் 512GB உள் SSD மெமரி மாடல் 1,49,900 ரூபாய் விலையில் விற்கப்படுகிறது. இது 14-கோர் CPU, 20-core GPU, 64GB வரை ஒருங்கிணைந்த மெமரி மற்றும் 8TB SSD மெமரி வகையிலும் கிடைக்கும் என ஆப்பிள் நிறுவனம் கூறுகிறது.
இரண்டு மாடல்களிலும் 10-பிட் ஜிகாபிட் ஈதர்நெட்டை சேர்ப்பதற்கான ஆப்ஷன் உள்ளது. அதன் விலை கூடுதலாக 10,000 சேர்த்து வரும். புதிய மேக் மினியை ஆப்பிள் ஸ்டோர்கள் மற்றும் ஆப்பிள் அங்கீகரிக்கப்பட்ட சில்லறை விற்பனையாளர்களிடமிருந்து வாங்கலாம். ஷிப்பிங் நவம்பர் 8 முதல்தொடங்குகிறது.

Mac Mini அம்சங்கள்

M4 சிப் கொண்ட Mac Mini 10-core CPU, 10-core GPU, 24GB வரை ஒருங்கிணைந்த நினைவகம் மற்றும் 512GB வரையிலான SSD சேமிப்பகத்தைக் கொண்டுள்ளது. 5x5 அங்குலத்தில், புதுப்பிக்கப்பட்ட மேக் மினி முந்தைய தலைமுறையுடன் ஒப்பிடும்போது மிகவும் சிறிய வடிவில் வருகிறது. எம்2 ப்ரோ மேக் மினியுடன் ஒப்பிடும் போது, இந்த மாடல் மோஷன் கிராபிக்ஸை ரேமில் 2 மடங்கு வேகமாக இயக்கும் என்று கூறப்படுகிறது. இது USB 3 வேகத்துடன் கூடிய இரண்டு USB Type-C போர்ட்கள் மற்றும் முன்புறத்தில் 3.5mm ஹெட்ஃபோன் ஜாக் ஆகியவற்றை உள்ளடக்கியது. பின்புறத்தில், Mac Mini M4 மூன்று Thunderbolt 4 போர்ட்களைப் பெறுகிறது, M4 Pro மாறுபாடு மூன்று Thunderbolt 5 போர்ட்களைக் கொண்டுள்ளது. இரண்டு மாடல்களிலும் கிகாபிட் ஈதர்நெட் மற்றும் HDMI போர்ட் உள்ளது.

100 சதவீதம் மறுசுழற்சி செய்யப்பட்ட அலுமினியம் இதில் பயன்படுத்தப்பட்டுள்ளது. ஆப்பிள் வடிவமைத்த அனைத்து அச்சிடப்பட்ட சர்க்யூட் போர்டுகளிலும் 100 சதவீதம் மறுசுழற்சி செய்யப்பட்ட தங்க முலாம் மற்றும் 100 சதவீதம் மறுசுழற்சி செய்யப்பட்ட உலோகங்கள் உட்பட ஒட்டுமொத்தமாக 50 சதவீத மறுசுழற்சி செய்யப்பட்ட பொருட்களுடன் தயாரிக்கப்பட்ட முதல் கார்பன்-நியூட்ரல் மேக் மினி இது என்று ஆப்பிள் நிறுவனம் கூறுகிறது.