சோனி-யின் புதிய 85 மற்றும் 65 இன்ச் டிவிகள்..!

சோனி நிறுவனத்தின் Bravia X9000F தொடர் தொலைக்காட்சிகளான KD-85X9000F, KD-65X9000F மற்றும் KD-55X9000F ஆகியவை இந்தியாவில் வெளியாகி உள்ளன. இந்த டிவி-க்கள் முறையே 12,99,900, 3,39,900 மற்றும் 2,39,900 ரூபாய்களில் சந்தையில் கிடைக்கும். இதில்  KD-85X9000F, 85 இன்ச் நீளம் உடையது. KD-65X9000F 65 இன்ச் அளவு கொண்டது. அதேபோல, KD-55X9000F 55 இன்ச் நீளமானது. இரண்டு தொலைக்காட்சிகளும் 4K HDR க்வாலிட்டியில் சேனல்களை காண்பிக்கும் என்பதால் இதனைப் பார்பபது மெய் சிலிர்க்க வைக்கும் அனுபமவமாக இருக்கும் என்று தெரிகிறது. இந்த டிவி-க்களில் TRILUMINOS டிஸ்ப்ளே பொருத்தப்பட்டு உள்ளது. இதன் மூலம் சிவப்பு, பச்சை மற்றும் நீலம் ஆகிய வண்ணங்கள் கச்சிதமான அளவில் தெரியும். 

ஆண்ட்ராய்டு 7.0 ஆபரேட்டிங் மென்பொருளும் இந்த டிவியில் இன்-பில்டாக வருகிறது. இதன் மூலம், மற்ற ஸ்மார்ட் மின்னணு பொருட்களுடனும் மிகச் சுலபமாக இணைக்க முடியும். நெட்ஃபிளிக்ஸ் மற்றும் கூகுள் ப்ளே ஆகியவற்றுக்கு செல்லும் வகையில், இந்த டிவி-யில் பட்டன் கொடுக்கப்பட்டு உள்ளது. இதனால், நேரடியாக அந்தத் தளத்துக்கு செல்ல முடியும். 

மேலும் இந்த Bravia X9000F டிவி-க்களில் Wi-Fi 802.11ac, ப்ளூடூத் 802.11ac, ப்ளூடூத் v4.1, HDMI போர்ட்கள், மூன்று யூ.எஸ்.பி போர்ட்கள், மற்றும் ஈதர்நெட் ஆகிய தொழில்நுட்ப வசதிகளும் கொடுக்கப்பட்டு உள்ளன. 16 ஜிபி கொண்ட உட் சேமிப்பு வசதியும் இந்த டிவி-யில் உள்ளது.  

இந்த தொலைக்காட்சியில் X-Motion Clarity என்ற பிரத்யேக தொழில்நுட்பம் உள்ளது. அதன் மூலம் அதிவேகமாக நகரும் சீன்களில் இருக்கும் மோஷன் ப்ளர்-ஐ போக்கி துள்ளியமான காட்சிகளை காட்ட முடியும். இதனால், சினிமா தியேட்டர்பகளில் பார்ப்பது போல ஒரு உணர்வு வரும். இப்படி பற்பல விஷேச வசதிகளை இந்த புதிய சோனி தொலைக்காட்சிகள் கொண்டுள்ளன.