WhatsApp-ல் உங்களுக்குப் பிடிச்ச AI Bot-க்கு டாட்டா! Meta AI மட்டும்தான் இனி உள்ளே வர முடியும்

நம்ம டெக் உலகத்துல AI-ன்னா இப்போ பயங்கர ட்ரெண்டிங். வாட்ஸ்அப்-ல சாட் பண்ணும்போதுகூட ஒரு AI Bot பக்கத்துல இருந்து ஹெல்ப் பண்ணா நல்லா இருக்கும்னு நிறைய பேர் யூஸ் பண்ணிட்டு இருந்தோம். ஆனா, இப்போ ஒரு முக்கியமான தகவல் வந்திருக்கு. அதாவது, Meta நிறுவனம் வாட்ஸ்அப்-ல மூன்றாம் தரப்பு LLM (Large Language Model) சாட்பாட்களுக்குத் தடை விதிச்சிருக்கு!"LLM சாட்பாட்"-ன்னா என்னன்னு தெரியாதவங்களுக்கு சொல்றேன். நம்ம எல்லாருக்கும் தெரிஞ்ச ChatGPT, Microsoft-டோட Copilot மாதிரி பெரிய AI மாடல்களை வச்சு இயங்குறதுதான் இந்த சாட்பாட்கள். இதுவரைக்கும் நீங்க வாட்ஸ்அப் குள்ளேயே இந்த AI Bot-களை பயன்படுத்தி வந்திருப்பீங்க. ஆனா, இப்போ Meta அதோட விதிமுறைகளை மாத்தி, ஜனவரி 15, 2026-க்கு அப்புறம் இந்த தேர்ட் பார்ட்டி சாட்பாட்களை உள்ளேயே விட முடியாதுன்னு சொல்லிட்டாங்க!

ஏன் இந்த அதிரடி முடிவு? சிம்பிளா சொன்னா, Meta-வுக்கு போட்டி பிடிக்கல! அவங்க இப்போ Meta AI-ன்னு அவங்களுக்கேன்னு ஒரு சொந்த AI சாட்பாட்டை களத்துல இறக்கி இருக்காங்க. தங்களோட சொந்த ஆப் (WhatsApp)-ல வெளியாட்கள் வந்து ஆதிக்கம் செலுத்தக்கூடாது; அவங்களுடைய Meta AI மட்டும்தான் கொடிகட்டிப் பறக்கணும்ன்றதுதான் அவங்களுடைய திட்டம்.

ஏற்கனவே இந்த அப்டேட் வரப்போகுதுன்னு தெரிஞ்சுதான், OpenAI நிறுவனம் கடந்த மாசமே நாங்க வாட்ஸ்அப்-ல இருந்து கிளம்புறோம்னு சொல்லிட்டாங்க. அதே மாதிரி, Microsoft-ம் அவங்களுடைய Copilot சேவையை இந்த வார ஆரம்பத்துலயே வாட்ஸ்அப்-ல இருந்து எடுத்துட்டாங்க. இப்போ Meta அதிகாரப்பூர்வமா விதிமுறையையே மாத்திட்டாங்க.

பிசினஸ் அக்கவுண்ட் வச்சிருக்குறவங்களுக்கும் பொருந்தும்

இந்தத் தடை சாதாரண வாட்ஸ்அப் யூஸர்களுக்கு மட்டுமில்ல, வாட்ஸ்அப் பிசினஸ் அக்கவுண்ட் வச்சிருக்குறவங்களுக்கும் பொருந்தும். அதாவது, WhatsApp Business யூஸர்ஸாலகூட ஜனவரி 15-க்கு அப்புறம் ChatGPT, Copilot மாதிரி வேற எந்த AI Bot-ஐயும் பயன்படுத்த முடியாது. இது அவங்களுடைய வாடிக்கையாளர் சேவையை (Customer Service) பெரிய அளவுல பாதிக்கும்னு எதிர்பார்க்கப்படுது.

ஆனா, ஒரு சின்ன ஆறுதல் இருக்கு. ஒரு சில பிசினஸ்கள், கஸ்டமர்களுக்கு சேவையை வழங்குறதுக்காக ஸ்பெஷலா ஒரு AI Bot-ஐ வச்சிருப்பாங்க. அந்த மாதிரி AI Bot-களுக்கு மட்டும் விதிவிலக்கு கொடுத்திருக்காங்க. மத்தபடி, ஜெனரல் யூஸுக்காக வர்ற பெரிய AI சாட்பாட்களுக்கு வாட்ஸ்அப் கேட் க்ளோஸ்!

இந்த மாற்றத்துல முக்கியமான ஒரு விஷயம் என்னன்னா, இவ்வளவு நாளா நீங்க ChatGPT-யில பண்ண சாட் ஹிஸ்டரியை நீங்க வேறொரு இடத்துக்கு மாத்திக்கிறதுக்கு (migrate) ஒரு வாய்ப்பு கொடுத்திருக்காங்க. ஆனா, Copilot யூஸ் பண்ணவங்களுக்கு அந்த வாய்ப்பு இல்லையாம்.

மொத்தத்துல, இந்தத் தடையை ஒரு பக்கத்துல, வாட்ஸ்அப்-ல இனி Meta AI-ன் ஆதிக்கம்தான் இருக்கும்னு பார்க்கலாம். இன்னொரு பக்கத்துல, யூஸர்களுக்கு அவங்க விரும்பிய AI Bot-ஐப் பயன்படுத்த முடியாம போறது ஒரு பெரிய ஏமாற்றம்தான். இந்த Meta-வின் முடிவு பத்தி நீங்க என்ன நினைக்கிறீங்கன்னு கமெண்ட்ஸ்ல சொல்லுங்க.