Airtel-ன் Wi-Fi Calling Service - மேலும் 6 ஸ்மார்ட்போன்களுக்கு கிடைக்கிறது!

சமீபத்தில் இந்தியாவில் தனது வாய்ஸ் ஓவர் வைஃபை சேவையை அறிமுகப்படுத்திய பின்னர், பாரதி ஏர்டெல் வெள்ளிக்கிழமை தனது வைஃபை அழைப்பு சேவைக்கு ஏற்ற ஸ்மார்ட்போன்களின் பட்டியலில் ஆறு புதிய சாதனங்களைச் சேர்த்தது.

இப்போது, ​​Samsung Galaxy S10, Galaxy S10+, Galaxy S10e, Galaxy M20, OnePlus 6 மற்றும் OnePlus 6T ஆகியவற்றில் உள்ள ஏர்டெல் வாடிக்கையாளர்கள், ஏர்டெல் வைஃபை அழைப்பை உள்ளமைக்க முடியும். இது அவர்களின் வீடு/அலுவலகத்திற்குள் வைஃபை வழியாக voice over-க்கு மாறுவதற்கு உதவுகிறது.

ஏர்டெல் வைஃபை அழைப்பு வழியான அழைப்புகளுக்கு, கூடுதல் கட்டணம் ஏதும் இல்லை. இந்த சேவை டெல்லி/NCR-ல் நேரலையில் உள்ளது மற்றும் வரும் நாட்களில் முக்கிய இந்திய நகரங்களில் கிடைக்கும் என்று எதிர்பார்க்கப்படுகிறது.

கூடுதல் அழைப்பு செயலி, சிம் இல்லாமல், வாடிக்கையாளர்கள் தங்கள் ஸ்மார்ட்போன்களில் ஏர்டெல் வைஃபை அழைப்பைத் தொடங்கலாம்.

கூடுதலாக, Xiaomi Redmi K20, Redmi K20 Pro, Poco F1, Samsung Galaxy J6, Samsung Galaxy A10s, Samsung Galaxy On6, Samsung Galaxy M30s, OnePlus 7, OnePlus 7 Pro, OnePlus 7T மற்றும் OnePlus 7T Pro-வைத் தவிர, iPhone 6s, iPhone 6s Plus, iPhone 7, iPhone 7 Plus, iPhone 8, iPhone 8 Plus, iPhone X, iPhone XR, iPhone XS, iPhone XS Plus, iPhone 11, iPhone 11 Pro மற்றும் iPhone 11 Pro Plus வைத்திருக்கும் நுகர்வோர் ஏற்கனவே இந்த சேவையை அணுகியுள்ளனர்.

பயனர்கள் தங்கள் போனில் வைஃபை அழைப்பு அம்சத்தை இயக்க வேண்டும். ஏர்டெல் வைஃபை அழைப்பைப் பயன்படுத்தத் தொடங்க சமீபத்திய மென்பொருள் உருவாக்கத்திற்கு மேம்படுத்த வேண்டும். மேலும், பயனர்கள் சிறந்த முடிவுகளுக்கு VoLTE-ஐ இயக்க அறிவுறுத்தப்படுகிறார்கள். டேட்டா நுகர்வு பொறுத்தவரை, 5 நிமிட வைஃபை அழைப்பு 5MB-க்கும் குறைவான டேட்டாவை பயன்படுத்தும். வைஃபை நெட்வொர்க் முடக்கப்பட்டால், நடந்துகொண்டிருக்கும் வைஃபை அழைப்பு தடையின்றி VoLTE-க்கு மாற்றப்படும்.

ஏர்டெல் வைஃபை அழைப்பின் பலன்கள் பற்றி பேசுகையில், தொலைதொடர்பு ஆபரேட்டர் பயனர்கள் புதிய சிம் வாங்கத் தேவையில்லை என்றும், வைஃபை நெட்வொர்க்குடன் எந்த இடத்திலிருந்தும் அழைப்பு அல்லது செய்தி அனுப்பலாம் என்றும் கூறுகிறார். மேலும், புதிய வைஃபை அடிப்படையிலான அழைப்பு சேவை VoLTE உடன் ஒப்பிடும்போது சிறந்த அழைப்பு அமைவு நேரம் மற்றும் ஆடியோ தரத்தை வழங்குவதாகக் கூறப்படுகிறது. மேலும், பயனர்கள் புதிய ப்ளான்கலைத் தேர்வுசெய்யவோ அல்லது ஏர்டெல் வைஃபை அழைப்பு சேவையைப் பயன்படுத்துவதற்கு கூடுதல் கட்டணம் செலுத்தவோ தேவையில்லை. வைஃபை அழைப்பு வழக்கமான அழைப்பைப் போலவே கருதப்படும். மேலும், பயனரின் தற்போதைய ரீசார்ஜ் அல்லது முதன்மை இருப்புக்கு எதிராக செல்லும்.

Airtel Wi-Fi Calling Launched in Delhi NCR