6 ஜிபி மெமரி, 128 ஜிபி ரேம் உடன் புதிய ரெட்மி நோட்-5 சீனாவில் அறிமுகம்

சிறப்பம்சங்கள்:

ரெட்மி நோட்-5 ப்ரோ மாடலில் சிறிய மாறுதல்கள் செய்து நோட்-5 என்று பெயரிடப்பட்டுள்ளது.

ரெட்மி நோட்-5 இன் 6 ஜிபி ரேம்/ 128 ஜிபி இன்டர்னல் மெமரி மாடலை சீனாவில் அந்நிறுவனம் அறிமுகம் செய்துள்ளது. 64 ஜிபி இண்டர்னல் மெமரியுடன் வந்த மாடலின் விலையே இதற்கும் நிர்ணயிக்கப்பட்டுள்ளது. நோட்-5 ப்ரோ என்ற மாடலில் சில மாற்றங்களைச் செய்து அறிமுகம் நோட்-5 அறிமுகமாகியிருக்கிறது. இரண்டுக்கும் இடையிலான முக்கிய வேறுபாடுகள் எனப் பார்த்தால், இந்த சீன மாடலில் 13 மெகாபிக்சல் செல்பி கேமரா உள்ளது, இதன் இந்திய மாடலில் 20 மெகா பிக்சல் கேமரா இருந்தது. மேலும் சீன ரெட்மி நோட்-5 1.4 (இந்திய மாடலில் 1.25) மைக்ரான் பிக்சல் சென்சாரையும், பின் கேமராவில் f/1.9 அப்பர்ச்சரையும் (இந்திய மாடலில் f/2.2) கொண்டுள்ளது. சீன மாடலில் உள்ள பின் கேமரா ‘டூயல்’ PDAF (ஆட்டோ ஃபோக்கஸ்) கொண்டுள்ளது.

கறுப்பு, நீலம், சிவப்பு, தங்க நிறம், ரோஸ் கோல்ட் ஆகிய ஐந்து நிறங்களில் இந்த போன் கிடைக்கும். இது அறிமுகம் செய்யப்பட்ட நிலையில் 64-ஜிபி மாடல் ரெட்மியின் சீன ஆன்லைன் தளங்களில் உடனே விற்றுத் தீர்ந்துள்ளது.

இதுப்போக நோட்-5 இன் 3 ஜிபி ரேம்/ 32 ஜிபி மெமெரி மாடல் சீனாவில் 999 சீன யுவான்கள் (10,100 ரூபாய்) என்ற விலைக்கும் 4ஜிபி ரேம்/64ஜிபி இண்டர்னல் மெமரி மாடல் 1299 சீன யுவான்கள் (13,200 ரூபாய்) என்ற விலைக்கும் கிடைக்கின்றன.

சையோமி ரெட்மி நோட்-5 (சீனா) விவரங்கள்:

டூயல் சிம், MIUI 9, 5.99 அங்குல ஃபுல் HD திரை (1080*2160 பிக்சல்கள்), 18:9 ஆஸ்பெக்ட் ரேஷியோ. இந்திய நோட்-5 ப்ரோ போன்றே குவால்காம் ஸ்னாப்டிராகன் 636 SoC ப்ராசசரைக் கொண்டுள்ளது. கேமராவைப் பொருத்தவரை பின்பக்கமுள்ள இரட்டை கேமராக்கள் 12 மெகாபிக்சல் முதன்மை சென்சாரும், 5 மெகாபிக்சல் கொண்ட இரண்டாவது சென்சாரும் உள்ளன. செல்ஃபி, வீடியோ அழைப்புகளுக்கு 13 மெகாபிக்சல் முன்பக்க கேமரா உள்ளது. 4000mAh பேட்டரி.