அறிமுகமாகும் சாம்சங் கேலக்ஸி எம்30; இதுவரை வெளியான தகவல்கள்!

இந்தியாவில் தனது பட்ஜெட் தயாரிப்பான கேலக்ஸி எம் 30 ஸ்மார்ட்போனை இன்று மாலை 6 மணி அளவில் அறிமுகம் செய்ய உள்ளது சாம்சங் நிறுவனம். அந்நிறுவனத்தின் எம் வரிசையில் வெளியாகும் போன்களில் இந்த எம்30 போன் மூன்றாவது. மூன்று பின்புற கேமராக்கள், 5000mAh பேட்டரி மற்றும் ஆண்ட்ராய்டு 9 பைய் அப்டேட் கொண்டுள்ளது என தொட்ர்ந்து இந்த போன் குறித்து தகவல்கள் கசிந்து வந்த நிலையில், இதுவரை நமக்கு கிடைத்த தகவல்களைப் பார்ப்போம். 

சாம்சங் கேலக்ஸி எம்30 ஸ்மார்ட்போனின் விலை (எதிர்பார்கப்படும் விலை):

கசிந்துள்ள தகவல்கள்படி, இந்தியாவில் சாம்சங் கேலக்ஸி எம்30-யின் விற்பனை ரூ.15,000-இல் இருந்து துவங்கும் எனப்படுகிறது. சாம்சங் கேலக்ஸி எம்20 மற்றும் சாம்சங் கேலக்ஸி எம்10 போன்களின் ஆரம்ப நிலை ரேம் கொண்ட போனின் விலையைப்போல இந்த போனுக்கும் விலை இருக்கும் என எதிர்பார்கப்படுகிறது.

சாம்சங் கேலக்ஸி எம்30 ஸ்மார்ட்போனின் அமைப்புகள் (எதிர்பார்கப்படுபவை):

சாம்சங் கேலக்ஸி எம்30 ஸ்மாரட்போன் 6.4 இஞ்ச் ஹெச்டி திரை கொண்டிருக்கும். சூப்பர் அமொலெட் இன்ஃபினிட்டி-யூ திரை மற்றும் எக்யநாஸ் 7904 பிராசஸரால் இயங்குவதாக தகவல் வெளியாகியுள்ளது. மேலும் இந்த போனில் 4 மற்றும் 6 ஜிபி ரேம்கள் இருக்கும் என எதிர்பார்கப்படுகிறது. கேமரா வசதிகளைப்  பொறுத்தவரை சாம்சங் கேலக்ஸி எம் 30, மூன்று பின்புற கேமராக்களை கொண்டுள்ளதாகவும் அவைகள் 13 / 5 / 5 மெகா பிக்ச்ல் கேமராக்களாக இருக்கும் எனவும் தெரிகிறது. கறுப்பு மற்றும் நீல நிறங்களில் இந்த போனை எதிர்பார்க்கலாம். இதில், ஏற்கெனவே நீலத்தின் மாதிரி, போன் குறித்து வெளியான டீசரில் பார்க்க முடிகிறது.