சாம்சங் கேலக்ஸி எஸ் 20 டேக்டிகல் பதிப்பு: இராணுவத்திற்கான பிரத்யேக தயாரிப்பு!

பேஸ்புக்கில் பகிரலாம் ட்வீட் பகிர் Snapchat ரெட்டிட்டில் கருத்து
சாம்சங் கேலக்ஸி எஸ் 20 டேக்டிகல் பதிப்பு: இராணுவத்திற்கான பிரத்யேக தயாரிப்பு!

சாம்சங் கேலக்ஸி எஸ் 20 டேக்டிகல் பதிப்பு இராணுவத்தை மையமாகக் கொண்ட மென்பொருளுடன் வருகிறது

ஹைலைட்ஸ்
  • சாம்சங் கேலக்ஸி எஸ் 20 டேக்டிகல் பதிப்பு விலை தெரியவில்லை
  • இது சாம்சங் கேலக்ஸி எஸ் 20 போன்ற பல விவரக்குறிப்புகளை கொண்டுள்ளது
  • சாம்சங் கேலக்ஸி எஸ் 20 டேக்டிகல் பதிப்பு இராணுவத்திற்கு கிடைக்கும்

Samsung Galaxy S20 Tactical Edition ஸ்மார்ட்போன் அறிமுகப்படுத்தப்பட்டுள்ளது. இது குறிப்பாக இராணுவத்தை மையமாகக் கொண்ட ஸ்மார்ட்போன் ஆகும். இது அமெரிக்க மத்திய அரசு மற்றும் பாதுகாப்புத் துறைக்காக வடிவமைக்கப்பட்டுள்ளது. இது ஒரு 'மிஷன்-ரெடி' ஸ்மார்ட்போன் என்று சாம்சங் கூறியுள்ளது. இது டேக்டிகல் மற்றும் வகைப்படுத்தப்பட்ட பயன்பாட்டுத் தேவைகளை ஆதரிக்கிறது.

இந்த ஸ்மார்ட்போன், ஆபரேட்டர்களுக்கு கடினமான இடங்களிலும், நீண்ட தூரத்திலும், தகவல் தொடர்பு நிறுத்தப்பட்ட பின்னரும் உதவுகிறது. இருப்பினும், இந்த ஸ்மார்ட்போன் இராணுவத்திற்காக சிறப்பாக தயாரிக்கப்பட்டிருந்தாலும், சாம்சங் கேலக்ஸி எஸ் 20 போன்ற பல ஒற்றுமைகள் இதில் உள்ளன. இரண்டு ஸ்மார்ட்போன்களுக்கும் உள்ள ஒரே வித்தியாசம் கூடுதல் மென்பொருள், பாதுகாப்பு அம்சங்கள் மற்றும் rugged case ஆகும்.


ஸ்மார்ட்போனின் சிறப்பம்சங்கள்:

இந்த போன் டேக்டிகல் வானொலி மற்றும் மிஷன் சிஸ்டம் திறன்களை உள்ளடக்கியது. இது ஒரு நைட்-விஷன் மோடையும் கொண்டுள்ளது. இது பயனர்கள் நைட்-விஷன் கண்ணாடியை அணியும்போது காட்சியை இயக்க மற்றும் அணைக்க அனுமதிக்கிறது.

மேலும், ஸ்மார்ட்போனை லேண்ட்ஸ்கேப் மோடில் திறக்கவும் ஒரு ஆப்ஷன் உள்ளது. ஸ்மார்ட்போனில் ஆஃப்-கிரிட் தகவல்தொடர்புக்கான ஸ்டீல்த் மோடும் உள்ளது. இது எல்.டி.இ-ஐ முடக்குவதன் மூலம் அனைத்து ஆர்.எஃப் ஒளிபரப்பையும் முடக்குவதற்கான வாய்ப்பை பயனருக்கு வழங்குகிறது.

Samsung-ன் சக்திவாய்ந்த டெக்ஸ் மென்பொருள், கேலக்ஸி எஸ் 20 டேக்டிகல் பதிப்பு ஸ்மார்ட்போனில் வழங்கப்பட்டுள்ளது. இது மானிட்டர், விசைப்பலகை மற்றும் சுட்டி இணைக்கப்பட்ட பிறகு கணினி போன்ற அனுபவத்தை வழங்குகிறது. டெக்ஸ் மென்பொருளுடன், ஆபரேட்டர்கள் சாதனங்களை அறிக்கைகள், பயிற்சி மற்றும் பணி திட்டமிடல் எனப் பயன்படுத்தலாம்.

மேலும், இந்த போன் சாம்சங் நாக்ஸில் கட்டப்பட்டுள்ளது என்று சாம்சங் கூறியுள்ளது. இதில் டூயல்டார் கட்டமைப்பைப் பயன்படுத்தி இரட்டை அடுக்கு குறியாக்கத்தின் மூலம் சாதனம் பாதுகாக்கப்பட்டுள்ளது. ஸ்மார்ட்போன் சுவிட்ச் ஆப் செய்யப்படும்போது அல்லது சிக்கலான சூழ்நிலைகளில் கூட இது செயல்படும்.


ஸ்மார்ட்போனின் விவரங்கள்:

இதில் 6.2 இன்ச் ஓஎல்இடி டிஸ்ப்ளே, குவால்காம் ஸ்னாப்டிராகன் 865 செயலி, 128 ஜிபி ஸ்டோரேஜ் மற்றும் டிரிபிள் ரியர் கேமரா உள்ளது. 12 ஜிபி ரேம் கொண்ட அதே Samsung Galaxy S20-யின் ஸ்டோரேஜ் வேரியண்டில் டேக்டிகல் பதிப்பு அறிமுகப்படுத்தப்பட்டுள்ளது. அதே நேரத்தில், இந்த ஸ்மார்ட்போன் காஸ்மிக் கிரே வண்ணத்தில் வருகிறது.

இந்த ஸ்மார்ட்போன் பொது மக்களுக்கு இல்லை. தேர்ந்தெடுக்கப்பட்ட ஐடி சேனல்கள் மூலம் மட்டுமே கிடைக்கும். இருப்பினும், விலை மற்றும் எப்போது அமெரிக்க இராணுவத்திற்கு வெளியிடப்படும் என்பது தற்போது தெரியவில்லை.

Display 6.20-inch
Processor Samsung Exynos 990
Front Camera 10-megapixel
Rear Camera 12-megapixel + 64-megapixel + 12-megapixel
RAM 12GB
Storage 128GB
Battery Capacity 4000mAh
OS Android 10
Resolution 1440x3200 pixels
கருத்து

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.

பிற மொழிக்கு: English हिंदी
 
 

விளம்பரம்

Advertisement

#சமீபத்திய செய்திகள்
  1. 4 கே டிஸ்ப்ளேவுடன் ரெட்மியின் மூன்று புதிய ஸ்மார்ட் டிவிகள் அறிமுகம்!
  2. விவோ ஒய் 70 எஸ் அறிமுகம்! விலை மற்றும் விவரங்கள்!
  3. பிஎஸ்என்எல் ஜூன் 20 வரை இலவச பிராட்பேண்ட் இணைப்பை வழங்குகிறது!
  4. சாம்சங் கேலக்ஸி ஏ 31 ஜூன் 4-ஆம் தேதி அறிமுகம்!
  5. குவாட் ரியர் கேமராக்களுடன் ரியல்மி எக்ஸ் 50 ப்ரோ பிளேயர் பதிப்பு அறிமுகம்!
  6. டச் ஸ்கிரீன் டிஸ்ப்ளேவுடன் ரியல்மியின் முதல் வாட்ச் அறிமுகம்!
  7. பிஎஸ்என்எல்-ன் புதிய ரூ.2,399 ப்ரீபெய்ட் ப்ளான் அறிமுகம்!
  8. அமேசான் மற்றும் எம்ஐ.காம் வழியாக விற்பனைக்கு வருகிறது ரெட்மி நோட் 9 ப்ரோ!
  9. ரியல்மி பட்ஸ் ஏர் நியோ இந்தியாவில் அறிமுகம்!
  10. ரியல்மியின் 10000 எம்ஏஎச் பவர் பேங் 2 அறிமுகம்! 
© Copyright Red Pixels Ventures Limited 2020. All rights reserved.
Listen to the latest songs, only on JioSaavn.com