மிகவும் எதிர்பார்க்கப்படும் சாம்சங் கேலக்ஸி M31 விற்பனை எப்போது..?- முழு விவரங்கள்!!

சாம்சங் நிறுவனத்தின் கேலக்ஸி M31 ஸ்மார்ட்போன் விற்பனைக்கு வரும் தேதி, அதிலுள்ள சிறப்பம்சங்கள் குறித்த விவரங்கள் கசிந்துள்ளன. இதுபற்றிய விவரங்களை இங்குக் காணலாம்.

ரியல்மி, ரெட்மிக்குப் போட்டியாக சாம்சங் நிறுவனமும் குறைந்த விலையில் அதிக சிறப்பம்சங்கள் நிறைந்த பட்ஜெட் ஸ்மார்ட்போன்களை அறிமுகம் செய்து வருகிறது. அந்த வகையில், சாம்சங் கேலக்ஸி M31 ஸ்மார்ட்போன் இம்மாத இறுதியில் அறிமுகம் செய்யப்பட உள்ளது.

இந்த நிலையில், ஆகஸ்ட் 6 ஆம் தேதி சாம்சங் கேலக்ஸி M31 ஸ்மார்ட்போன் விற்பனைக்கு வரலாம் என்ற புதிய தகவல்கள் வந்துள்ளன. மேலும்,  இந்த ஸ்மார்ட்போன் எப்படி இருக்கும், அதிலுள்ள சிறப்பம்சங்கள் குறித்தும் ஆன்லைனில் விபரங்கள் லீக் ஆகியுள்ளது. 

அதன்படி, சாம்சங்  கேலக்ஸி M31 ஸ்மார்ட்போனில் ஆங்கில எழுத்து L வடிவத்தில் பின்புற கேமரா உள்ளது. அதாவது நேர்கோடாக மூன்று கேமராக்களும், கடைசி கேமராவின் வலது புறத்தில் மற்றொரு கேமராவும் உள்ளது. ஸ்மார்ட்போனின் முன்புறத்தில் பஞ்ச் ஹோல் டிஸ்பிளே உள்ளது. இதில் 128ஜிபி ஸ்டோரேஜ், அமோலெட் திரை இருக்கலாம்.

இம்மாத இறுதியில் அறிமுகமாகும் கேலக்ஸி M31, அடுத்த மாதம் 6 ஆம் தேதி விற்பனைக்கு வரும் என்று எதிர்பார்க்கப்படுகிறது. சாம்சங்கின் அதிகாரப்பூர்வ ஆன்லைன் ஷாப்பிங் இணையதளத்திலும், அமேசான் தளத்திலும் விற்பனைக்கு வருகிறது. இதன் விலை ரூ.20,000 அல்லது அதற்குள்ளாக இருக்கும் என்று கூறப்படுகிறது.  இந்த ஸ்மார்ட்போன் போகோ M2 ப்ரா, ரெட்மி நோட் 9 ப்ரோ, ரியல்மி 6 ப்ரோ ஆகியவற்றுக்குப் போட்டியாக இருக்கும்.

இந்தியாவில் ஊரடங்கு அமல்படுத்தப்பட்டப்பிறகு ஸ்மார்ட்போன் நிறுவனங்கள் தயாரிக்கும் புதிய ஸ்மார்ட்போன்களின் அறிமுக தேதி தாமதமாகி வருகிறது. மேலும், ஜிஎஸ்டி வரி உயர்வால் ஏற்கனவே அறிமுகம் செய்யப்பட்ட ஸ்மார்ட்போன்களின் விலையும் கணிசமாக உயர்ந்து விட்டது. இதனால் பட்ஜெட் விலை ஸ்மார்ட்போன் மீதான எதிர்பார்ப்பு வாடிக்கையாளர்கள் மத்தியில் அதிகரித்துள்ளது.

Is Mi 10 an expensive OnePlus 8 or a budget budget S20 Ultra? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.