இந்தியாவில் முதன்முறையாக விற்பனையைத் துவங்கிய ரெட்மி 'நோட் 7 ப்ரோ'!

இந்தியாவில் இன்று முதல் முறையாக ரெட்மி நோட் 7 ப்ரோ ஸ்மார்ட்போன் விற்பனைக்கு வெளியாகவுள்ளது. இந்தப் புதிய ரக ஸ்மார்ட்போன் ஃபிளிப்கார்ட், எம்ஐ.காம் மற்றும் எம்ஐ ஹோம் கடைகளில் விற்பனைக்கு வர உள்ளது.

இந்தியாவில் இரண்டு பின்புற கேமரா மற்றும் வாட்டர் டிராப் ஸ்டையில் நாட்ச் போன்ற அமைப்புகளைக் கொண்ட ரெட்மி நோட் 7 ப்ரோ, இம்மாத துவக்கத்தில் ரெட்மி நோட் 7 போனுடன் அறிமுகமானது.

ரெட்மி நோட் 7 ப்ரோ அறிமுக விலை மற்றும் ஆஃபர்கள்:

இந்தியாவில் தனது தயாரிப்பின் ஆரம்ப வகையான 4ஜிபி ரேம் மற்றும் 64 ஜிபி சேமிப்பு வசதி கொண்ட ஸ்மார்ட்போனை ரூ.13,999க்கும் அதே போனின் மற்றோரு வகையான 6ஜிபி ரேம் மற்றும் 128 ஜிபி சேமிப்பு வசதி தயாரிப்புக்கு ரூ.16,999க்கு விற்பனை செய்யப்படுகிறது.

ரெட்மி நோட் 7 ப்ரோ ஸ்மார்ட்போன் நெப்டியுன் ப்ளூ, நெப்யூலா ரெட் மற்றும் ஸ்பேஸ் பிளாக் போன்ற நிறங்களில் வெளியாகிறது. சியோமி நிறுவனம் சார்பில் வெளியான தகவல்படி, அந்நிறுவனம் சுமார் 200,000க்கும் மேற்பட்ட யுனிட்களை தனது முதல் சேலில் விற்பனை செய்ய முடிவெடுத்துள்ளது எனப்பட்டுள்ளது.

மேலும் அறிமுக ஆஃபர்களாக ஏர்டெல் நிறுவனம் சார்பில் 1,120 ஜிபி டேட்டா வழங்கப்பட உள்ளது. சியோமி நிறுவனம், ஜியோ நிறுவனத்துடன் இணைந்து தனது வாடிக்கையாளர்களுக்கு டபுள் டேட்டா ஆஃபர்களை வழங்க உள்ளது.

ரெட்மி நோட் 7 ப்ரோ அமைப்புகள்:

ரெட்மி நோட் 7 ப்ரோவுடன் வெளியான ரெட்மி நோட் 7 போனில் இடம்பெற்றிருந்த 'ஆஃரா டிசைனை' பெற்றுள்ளது. 6.3 இஞ்ச் ஃபுல் ஹெச்டி திரை, வாட்டர் ட்ராப் வகை நாட்ச் என அனைத்து முன்னணி  அமைப்புகளையும் ரெட்மி ஸ்மார்ட்போன் பொற்றுள்ளது.

மேலும் 11nm ஆக்டா-கோர் குவால்கம் ஸ்னாப்டிராகன் 675 பிராசஸரால் இந்த ரெட்மி நோட் 7 ப்ரோ பவரூட்டப்பட்டுள்ளது. இதர வசதிகளாக (4ஜிபி/ 6ஜிபி) ரேம் வகைகள் மற்றும் 6ஜிபி / 128ஜிபி சேமிப்பு வசதிகளை இந்த ஸ்மார்ட்போன் பெற்றுள்ளது. கேமரா சென்சார்களைப் பொறுத்தவரை இந்த ஸ்மார்ட்போனில் 48 மெகா பிக்சல் முதல் நிலை சென்சாரும், 5 மெகா பிக்சல் இரண்டாம் நிலை டெப்த் சென்சாரும் உள்ளன.

செயற்கை நுண்ணறிவு இந்த ஸ்மார்ட்போனில் அதிகம் பயன்படுத்தப்பட்டுள்ளது. செல்ஃபி வசதிக்காக முன்புறத்தில் 13  மெகா பிக்சல் ஃபிரன்ட் ஷூட்டரும், 4கே சப்போர்ட் உடைய வீடியோ பதிவு செய்யும் கேமராவும் உள்ளன. மேலும் இந்த ரெட்மி நோட் 7 ப்ரோ ஆண்ட்ராய்டு பைய் போன்ற எம்ஐயூஐ 10 மென்பொருளில் இயங்குவதால் வேகமாக செயல்படும் என எதிர்பார்க்கப்படுகிறது.