ஜெச்டி திரை மற்றும் வாட்டர் டிராப் திரையை கொண்டுள்ளது.
ரெட்மி நோட் 7 இந்தியாவில் இன்று மதியம் 12 மணி முதல் விற்பனையை தொடங்கியுள்ளது. கடந்த வாரம் ரெட்மி நோட் 7 மற்றும் ரெட்மி நோட் 7 ப்ரோ அறிமுகம் செய்யப்பட்ட நிலையில், தற்போது ஃபிளிப்கார்ட், எம்ஐ.காம் மற்றும் எம்ஐ கடைகளில் ரெட்மி நோட் 7 தயாரிப்பு வெளியாகியுள்ளது. ஸ்னாப்டிராகன் 660 மற்றும் ஹெச்டி திரைகொண்ட இந்த தயாரிப்பு மக்களிடையே நல்ல வரவேற்பை பெற்றுள்ளது.
ரெட்மி நோட் 7 விலை மற்றும் அறிமுக விலை:
இந்தியாவில் ரெட்மி நோட் 7 (3ஜிபி ரேம் மற்றும் 32 ஜிபி சேமிப்பு வசதி) ரூ.9,999க்கு விற்பனை செய்யப்படுகிறது. அதேபோல் 4ஜிபி ரேம் மற்றும் 64 ஜிபி வகை இந்தியாவில் ரூ.11,999க்கு விற்பனை செய்யப்படுகிறது.
அறிமுக சேலாக ஏர்டெல் நிறுவனம் இந்த போன் வாடிக்கையாளர்களுக்கு 1,120 ஜிபி டேட்டா மற்றும் வரம்பற்ற இலவச கால்களை தந்துள்ளனர்.மேலும் ஜியோ நிறுவனம் சார்பில் டாபுள் டேட்டா அஃபரில் ரூ.198க்கு புதிய திட்டத்தை ஜியோ அறிமுகம் செய்துள்ளது.
ரெட்மி நோட் 7 அமைப்புகள்:
6.3 இஞ்ச் ஃபுல் ஹெச்டி திரை, வாட்டர் ட்ராப் வகை நாட்ச் என அனைத்து முன்னணி அமைப்புகளையும் ரெட்மி நோட் 7 பெற்றுள்ளது. இந்த ஸ்மார்ட்போன் குவால்கம் ஸ்னாப்டிராகன் 660 ஆக்டா-கோர் பிராசஸர் கொண்டுள்ளது.
இதர வசதிகளாக (3ஜிபி/ 4ஜிபி) ரேம் வகைகள் மற்றும் 32ஜிபி / 64ஜிபி சேமிப்பு வசதிகளை இந்த ஸ்மார்ட்போன் பெற்றுள்ளது. இந்த போனில் இரண்டு பின்புற கேமரா சென்சார்களை இருக்கும் நிலையில், அதில் ஓன்று 12 மெகா பிக்சலை கொண்ட முதற்நிலை சென்சாரும், 5 மெகா பிக்சல் இரண்டாம் நிலை டெப்த் சென்சாரும் உள்ளன.
கூடுதலாக 4,000mAh பேட்டரி, பின்புற ஃபின்கர் பிரிண்ட் சென்சார், டைப் சி போர்ட் மற்றும் குயிக் சார்ஜ் சப்போர்ட் போன்றவற்றை இந்த போன் பெற்றுள்ளது. இந்த போனின் மென்பொருளைப் பொறுத்தவரை ஆண்டிராய்டு 9 பைய் மற்றும் எம்ஐயுஐ 10-ல் இயங்குகிறது. மேலும் இந்த ரெட்மி நோட் 7 ஸ்மார்ட்போன் ஓன்க்ஸ் பிளாக், ரூபி ரெட் மற்றும் சபையர் புளூ நிறங்களில் விற்பனை செய்யப்படுகிறது.
புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.