கேமரா, பேட்டரி, பர்ஃபார்மன்ஸ் – எல்லாத்துலேயும் டாப்! Realme GT 8 Pro லான்ச்! விலையோ ₹49,440-ல் இருந்து ஆரம்பம்

Realme நிறுவனம் தனது ஃபிளாக்ஷிப் ஸ்மார்ட்போன்களான Realme GT 8 Pro மற்றும் Realme GT 8 மாடல்களை சீனாவில் அறிமுகப்படுத்தியுள்ளது

Written by Gadgets 360 Staff மேம்படுத்தப்பட்டது: 24 அக்டோபர் 2025 10:55 IST

கேமரா, பேட்டரி, பர்ஃபார்மன்ஸ் – எல்லாத்துலேயும் டாப்! Realme GT 8 Pro லான்ச்! விலையோ ₹49,440-ல் இருந்து ஆரம்பம்

Photo Credit: Realme

Realme GT 8 Series: Ricoh கேமரா, 7000mAh, 120W, SD8 Elite Gen 5

ஹைலைட்ஸ்

Ricoh GR Optics, குறிப்பாக 200MP பெரிஸ்கோப் டெலிஃபோட்டோ லென்ஸ் இதில் உள்ள
7,000mAh மெகா பேட்டரி மற்றும் மிக வேகமாக சார்ஜ் ஆகும்
144Hz 2K AMOLED டிஸ்ப்ளே உடன் வருகிறது.

விளம்பரம்

ஃபிளாக்ஷிப் போன் மார்க்கெட்டை சூடாக்கும் விதமா, Realme நிறுவனம் அதோட புதிய GT சீரிஸ் மாடல்களை சீனாவில் லான்ச் பண்ணியிருக்காங்க. அவைதான் Realme GT 8 மற்றும் Realme GT 8 Pro. அதுலேயும் இந்த GT 8 Pro மாடல், கேமரா மற்றும் பேட்டரி விஷயத்துல ஒரு பெரிய மாற்றத்தைக் கொண்டு வந்திருக்கு. Realme GT 8 Pro-ல இருக்குறதிலேயே பெரிய டாக் ஆஃப் தி டவுன், அதோட கேமரா தான். உலகப் புகழ்பெற்ற கேமரா பிராண்டான Ricoh நிறுவனத்தோட இணைந்து, இந்த கேமரா வடிவமைக்கப்பட்டிருக்கு.

Ricoh GR Optics: இந்த GT 8 Pro-ல Ricoh GR Optics தொழில்நுட்பத்துடன் கூடிய 50MP பிரைமரி கேமரா இருக்கு. இதனால போட்டோஸ்ல வெளிச்சம் மற்றும் தெளிவு ரொம்ப நேச்சுரலா இருக்கும்.

அதிசய ஜூம்: மேலும், இதில் 200MP பெரிஸ்கோப் டெலிஃபோட்டோ லென்ஸ் கொடுக்கப்பட்டிருக்கு. இது 3x ஆப்டிகல் ஜூம் மற்றும் 12x லாஸ்லெஸ் ஜூம் (Lossless Zoom) வரை சப்போர்ட் பண்ணும். போட்டோகிராபி பிரியர்களுக்கு, Ricoh-வின் பிரபலமான 28mm மற்றும் 40mm ஃபோக்கல் லெங்த் டோன்களைப் பயன்படுத்தும் GR Mode-ம் இதில் கிடைக்குது.

மாடுலர் டிசைன்: போனின் பின்புற கேமரா மாட்யூலை கழற்றி மாற்றி அமைக்கும் வசதியும் (Interchangeable Camera Housing) இதில் இருப்பது ஒரு புதுமையான அம்சம்.
பிரம்மாண்டமான பேட்டரி மற்றும் சார்ஜிங்:

கேமிங் மற்றும் அதிக பயன்பாடு கொண்ட ஃபிளாக்ஷிப் போன் என்றால் பேட்டரி பவர் ரொம்ப முக்கியம். அந்த குறையை போக்க, GT 8 Pro மாடலில் பெரிய 7,000mAh பேட்டரி கொடுத்திருக்காங்க. கூடவே, மின்னல் வேகத்தில் சார்ஜ் செய்ய 120W வயர்டு ஃபாஸ்ட் சார்ஜிங் மற்றும் 50W வயர்லெஸ் சார்ஜிங் சப்போர்ட் இருக்கு. வெறும் 15 நிமிஷத்துல 50% சார்ஜ் ஆகிடும்னு Realme சொல்லியிருக்காங்க.

டாப் எண்ட் பர்ஃபார்மன்ஸ்:

ப்ராசஸர்: இந்த போன் லேட்டஸ்ட் Qualcomm Snapdragon 8 Elite Gen 5 ஃபிளாக்ஷிப் சிப்செட் கொண்டு வந்திருக்கு. இது 16GB RAM மற்றும் 1TB வரை ஸ்டோரேஜ் ஆப்ஷனுடன் கிடைக்குது.

டிஸ்ப்ளே: இது 6.79-இன்ச் QHD+ (2K) ரெசல்யூஷன் கொண்ட AMOLED டிஸ்ப்ளேவை கொண்டிருக்கு. இது 144Hz ரெஃப்ரெஷ் ரேட் மற்றும் 7,000 nits உச்சபட்ச பிரைட்னஸ் வரை சப்போர்ட் பண்ணும்.

விலை நிலவரம்:

Realme GT 8 Pro-ன் ஆரம்ப விலை (12GB RAM + 256GB ஸ்டோரேஜ்) சீனாவில் CNY 3,999 ஆக நிர்ணயிக்கப்பட்டுள்ளது. இது இந்திய மதிப்பில் சுமார் ₹49,440 ஆகும். டாப் எண்ட் மாடல் (16GB RAM + 1TB ஸ்டோரேஜ்) சுமார் ₹64,280 வரை இருக்கு.

இந்த GT 8 Pro மாடல் விரைவில் உலகளாவிய சந்தைகளிலும், இந்தியாவிலும் அறிமுகம் ஆகும் என்று எதிர்பார்க்கப்படுகிறது. இந்த போன் கேமரா பிரியர்கள் மற்றும் பவர் யூசர்களுக்கான ஒரு ஆல்ரவுண்டர் ஃபிளாக்ஷிப்பாக இருக்கும் என்பதில் சந்தேகமில்லை.

Comments

புதுப்புது தொழில்நுட்ப செய்திகள், அறிமுகமாகும் கருவிகள் பற்றிய விமர்சனங்கள் எல்லாவற்றையும் உடனுக்குடன் தமிழில் பெற பேஸ்புக் மற்றும் ட்விட்டர் NDTV Tamilஐ பின் தொடருங்கள்.