Oppo Reno 13 சீரியஸ் செல்போன்கள் சும்மா இறங்கி மாஸ் காட்டப்போகுது

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். இப்போ நாம் பார்க்க இருப்பது Oppo Reno 13 செல்போன் பற்றி தான்.

Oppo Reno 13, Reno 13 Pro விலை

மே மாதம் அறிமுகமான Reno 12 தொடரின் வாரிசாக Oppo Reno 13 சீரிஸ் சீனாவில் அறிமுகப்படுத்தப்பட்டது. இது Oppo Reno 13 மற்றும் Reno 13 Pro உள்ளிட்ட இரண்டு மாடல்களைக் கொண்டுள்ளது. இதில் சிப்செட், கேமராக்கள், காட்சி தெளிவுத்திறன் மற்றும் சார்ஜிங் வேகம் உள்ளிட்ட அம்சங்கள் குறித்து பார்க்க இருக்கிறோம். Oppo Reno 13 மாடல்கள் MediaTek இன் புதிய Dimensity 8350 சிப்செட்டுடன் அறிமுகமான முதல் கைபேசிகளாகும். இது மேம்படுத்தப்பட்ட வயர்லெஸ் தகவல்தொடர்புக்கான X1 சிப்பை கொண்டுள்ளது.

Oppo Reno 13 அடிப்படை மாடல் 12GB ரேம்+256GB மெமரி சீனாவில் ரூ. 31,000ல் தொடங்குகிறது. மொத்தம் ஐந்து ரேம் மற்றும் மெமரி ஆப்ஷன்களில் கிடைக்கிறது. மிக உயர்ந்த மாடலான 16GB ரேம்+1TB மெமரி மாடல் ரூ. 44,000 என்கிற விலைக்கு கிடைக்கிறது. இது மிட்நைட் பிளாக், கேலக்ஸி ப்ளூ மற்றும் பட்டர்ஃபிளை பர்பில் வண்ண விருப்பங்களில் கிடைக்கிறது.

இதற்கிடையில், Oppo Reno 13 Pro 12GB ரேம்+256GB மெமரி மாடல் ரூ. 39,000 மற்றும் டாப்-எண்ட் 16GB ரேம்+1TB மெமரி மாடல் ரூ. 52,000 என்கிற விலைக்கும் கிடைக்கிறது. இது மொத்தம் நான்கு மெமரி ஆப்ஷன்கள் மற்றும் மிட்நைட் பிளாக், ஸ்டார்லைட் பிங்க் மற்றும் பட்டர்ஃபிளை பர்பில் வண்ணங்களில் விற்பனைக்கு வந்துள்ளது.

Oppo Reno 13, Reno 13 Pro அம்சங்கள்

Oppo Reno 13 செல்போன் 6.59-இன்ச் AMOLED திரையுடன் முழு-HD+ தெளிவுத்திறனை கொண்டுள்ளது. இது 120Hz புதுப்பிப்பு வீதம், 460ppi பிக்சல் அடர்த்தி மற்றும் 1,200 nits உச்ச பிரகாசத்துடன் வருகிறது. இது MediaTek Dimensity 8350 சிப்செட் மூலம் இயக்கப்படுகிறது. 3.35GHz வேகத்தில் இயங்கும். 16GB வரை LPDDR5X ரேம் மற்றும் 1TB வரை UFS 3.1 மெமரியுடன் இணைக்கப்பட்டுள்ளது. இது வயர்லெஸ் இணைப்பிற்காக Oppo நிறுவனத்தின் X1 சிப்பைப் பெறுகிறது.

ரெனோ 13 இரட்டை பின்புற கேமரா அமைப்பைக் கொண்டுள்ளது. இதில் 50 மெகாபிக்சல் முதன்மை கேமரா ஆப்டிகல் இமேஜ் ஸ்டெபிலைசேஷன் (OIS) மற்றும் 8 மெகாபிக்சல் அல்ட்ரா-வைட் ஆங்கிள் லென்ஸ் ஆகியவற்றைக் கொண்டுள்ளது. செல்ஃபிக்களுக்கான 50 மெகாபிக்சல் முன் கேமராவையும் கொண்டுள்ளது. 80W வயர் மற்றும் 50W வயர்லெஸ் சார்ஜிங் சப்போர்ட் உடன் வருகிறது. 5,600mAh பேட்டரி மூலம் இயங்குகிறது.

இதே போல Oppo Reno 13 Pro ஆனது சற்று பெரிய 6.83-இன்ச் டிஸ்ப்ளே அதே புதுப்பிப்பு வீதம் மற்றும் உச்ச பிரகாசத்துடன் கிடைக்கிறது. இந்த கைப்பேசியானது அடிப்படை மாதிரியின் அதே சிப்செட், ரேம் மற்றும் சேமிப்பக விருப்பங்களுடன் வழங்கப்படுகிறது.

இது ரெனோ 13 போன்ற அதே இரண்டு கேமரா லென்ஸ்களையும் கொண்டுள்ளது. ஆனால் மூன்றாவது 50 மெகாபிக்சல் டெலிஃபோட்டோ கேமரா 3.5x ஆப்டிகல் ஜூம் திறனுடன் மேம்படுத்தப்பட்டுள்ளது. ரெனோ 13 ப்ரோ ஒரு பெரிய 5,800எம்ஏஎச் பேட்டரியைக் கொண்டுள்ளது. ரெனோ 13 தொடரின் இரண்டு மாடல்களும் ஆண்ட்ராய்டு 15 அடிப்படையாகக் கொண்ட ColorOS 15 மூலம் இயங்குகின்றன. நீர் மற்றும் தூசிக்கு எதிராக IP69-மதிப்பிடப்பட்ட கட்டமைப்புடன் வருகின்றன. 197 கிராம் எடையைக் கொண்டுள்ளது.