குவாட் கேமராவுடன் ஓப்போ ஏ 92 எஸ் அறிமுகம்! 

ஓப்போவின் சமீபத்திய ஸ்மார்ட்போனான Oppo A92s​ சீனாவில் அறிமுகமாகியுள்ளது. இது 5ஜி போனாகும். போனில், குவாட் கேமரா தொகுதி உள்ளது மற்றும் முன் இரட்டை துளை-பஞ்ச் டிஸ்பிளே உள்ளது. இந்த போன் ஏப்ரல் 29 ஆம் தேதி விற்பனைக்கு வரும். 

ஓப்போ ஏ 92 எஸ் விலை:

போனின் 6 ஜிபி ரேம் + 128 ஜிபி ஸ்டோரேஜ் ஆப்ஷன் சிஎன்ஒய் 2,199 (இந்திய மதிப்பில் சுமார் ரூ.23,700),
அதன் 8 ஜிபி ரேம் + 128 ஜிபி ஸ்டோரேஜ் மாடல் சிஎன்ஒய் 2,499 (இந்திய மதிப்பில் சுமார் ரூ.27,000) ஆகும். 
இந்த போன் கருப்பு மற்றும் வெள்ளை கலர் ஆப்ஷன்களில், ஏப்ரல் 29 ஆம் தேதி விற்பனைக்கு வர உள்ளது.

ஓப்போ ஏ 92 எஸ் விவரங்கள்:

இந்த போன், 120Hz டிஸ்பிளே புதுப்பிப்பு வீதத்தைக் கொண்டுள்ளது. இது 8 ஜிபி ரேம் மற்றும் 128 ஜிபி வரை ஸ்டோரேஜைக் கொண்டுள்ளது. சதுர வடிவ கேமரா தொகுதிக்குள் இருக்கும் குவாட் கேமரா அமைப்பில், 48 மெகாபிக்சல் சோனி ஐஎம்எக்ஸ் 586 சென்சார் மற்றும் 8 மெகாபிக்சல் அல்ட்ரா-வைட் ஆங்கிள் சென்சார் ஆகியவை அடங்கும். முன்பக்கத்தில், இரட்டை செல்ஃபி கேமராக்கள் ஹோல்-பஞ்சில் உள்ளன.

ஓப்போ ஏ 92 எஸ்-ல் 18W ஃபாஸ்ட் சார்ஜிங் ஆதரவுடன் 4,000 எம்ஏஎச் பேட்டரி உள்ளது. இதில் பக்கவாட்டில் பொருத்தப்பட்ட கைரேகை சென்சார் உள்ளது. இது பவர் பொத்தானாகவும் இருக்கிறது.