5,000 எம்ஏஎச் பேட்டரியுடன் ஓப்போ ஏ 92 அறிமுகம்!

ஓப்போ ஏ 92 திங்கள்கிழமை அறிமுகம் செய்யப்பட்டுள்ளது. இது ஓப்போ ஏ-சீரிஸின் சமீபத்திய மாடல் ஆகும். இந்த போன் தற்போது மலேசியாவில் கிடைக்கிறது. புதிய ஓப்போ ஏ 92 குவால்காம் ஸ்னாப்டிராகன் 665 சிப்செட் மற்றும் பெரிய 5,000 எம்ஏஎச் பேட்டரியுடன் வருகிறது.
 

போனின் விலை:
 

Oppo A92-வின் விலை MYR 1199 (இந்திய மதிப்பில் ரூ.21,000) ஆகும். ஓப்போ புதிய ஸ்மார்ட்போனை ட்விலைட் பிளாக் மற்றும் ஷைனிங் ஒயிட் கலர் ஆப்ஷன்களில் அறிமுகப்படுத்தியுள்ளது. இதன் அதிகாரப்பூர்வ விற்பனை மே 9 முதல் தொடங்கும். போனுக்கான முன்கூட்டிய ஆர்டர்கள் ஏற்கனவே நிறுவனத்தின் அதிகாரப்பூர்வ இணையதளத்தில் தொடங்கப்பட்டுள்ளன.

போனின் விவரங்கள்:

இந்த போனில் 6.5 இன்ச் ஃபுல்-எச்டி + ஹோல்-பஞ்ச் டிஸ்ப்ளே உள்ளது. போனின் உள்ளே ஒரு ஸ்னாப்டிராகன் 665 சிப்செட், 8 ஜிபி ரேம் மற்றும் 128 ஜிபி சேமிப்பு உள்ளது. இந்த போன் ஆண்ட்ராய்டு 10 உடன் கலர் 10 7.1-ல் இயங்குகிறது. 

Oppo ஏ 92 பின்புறத்தில் நான்கு கேமராக்கள் உள்ளன. இந்த கேமராவில் 48 மெகாபிக்சல் முதன்மை சென்சார் உள்ளது. 8 மெகாபிக்சல் அல்ட்ரா வைட் கேமரா மற்றும் இரண்டு 2 மெகாபிக்சல் கேமராக்களுடன் வருகிறது. போனில் பக்கவாட்டில் பொருத்தப்பட்ட கைரேகை சென்சார் உள்ளது.

இதில் 18W வேகமான சார்ஜிங் உதவியுடன் 5,000 எம்ஏஎச் பேட்டரி உள்ளது. இணைப்பிற்கு யூ.எஸ்.பி டைப்-சி போர்ட், 3.5 மிமீ ஆடியோ ஜாக் உள்ளது. இந்த போனில் சீன நிறுவனம் இரட்டை ஸ்டீரியோ ஸ்பீக்கர்களை வழங்கியுள்ளது.