ஒன்பிளஸ் 8 ப்ரோ மற்றும் ஒன்பிளஸ் 8 விவரங்கள் கசிந்தன! 

ஒன்பிளஸ் ரசிகர்களின் பெரிதும் எதிர்பார்ப்பாக இருக்கக்கூடிய, ஒன்பிளஸ் 8 ப்ரோ மற்றும் ஒன்பிளஸ் 8 கேமரா விவரக்குறிப்புகள், கலர் வேரியண்டுகள் மற்றும் பல விவரங்கள் கசிந்துள்ளன. 

ஒன்பிளஸ் 8 ப்ரோவின் விவரங்கள்:

பிரைஸ்பாபாவின் கசிவுகள், ஒன்பிளஸ் 8 ப்ரோ, எஃப் / 1.78 லென்ஸுடன் 48 மெகாபிக்சல் ஐஎம்எக்ஸ் 689 முதன்மை சென்சார் இருக்கும் என்று கூறுகின்றன. இரண்டாம் நிலை, எஃப் / 2.2 aperture உடன் 48 மெகாபிக்சல் ஐஎம்எக்ஸ் 586 அல்ட்ரா-வைட் கேமராவாக இருக்கும். மூன்றாவது 8 மெகாபிக்சல் எஃப் / 2.44 டெலிஃபோட்டோ கேமரா 3 எக்ஸ் ஆப்டிகல் ஜூம் மற்றும் 30 எக்ஸ் டிஜிட்டல் ஜூம் கொண்டதாக இருக்கும். கடைசியாக, ஒன்பிளஸ் 8 ப்ரோவில் 5 மெகாபிக்சல் கலர் பில்டர் இருக்கும். டிப்ஸ்டரின் ட்வீட்டின்படி, இந்த போன் எப்போதும் 1400nits பிரகாசத்துடன் எச்டிஆர் 10 + டிஸ்பிளேவுடன் வரும் என்று எதிர்பார்க்கப்படுகிறது. ஒன்பிளஸ் 8 ப்ரோ பிரஸ் ரெண்டர் சமீபத்தில் கடல் பச்சை கலர் வேரியண்ட் ஆன்லைனில் காணப்பட்டது.

ஒன்பிளஸ் 8-ன் விவரக்குறிப்புகள்:

வின்ஃபியூச்சர் பகிர்ந்த படங்கள், செல்பி ஷூட்டருக்ககாக போனில், ஹோல்-பஞ்ச் வடிவமைப்பு இருக்கும் என்று கூறுகின்றன. இஷான் அகர்வால் ட்வீட் செய்த மூன்று கலர் ஆப்ஷன்கள் இருக்கும். அவை Glacial Green, Interstellar Glow மற்றும் Onyx Black என அழைக்கப்படுகின்றன. பிக்டோ என்ற வெளியீட்டின் அறிக்கையின்படி, ஒன்பிளஸ் 8-ல் உள்ள டிரிபிள் கேமரா அமைப்பில் எஃப் / 1.8 aperture உடன் 48 மெகாபிக்சல் கேமரா, 16 மெகாபிக்சல் அல்ட்ரா வைட் லென்ஸ் மற்றும் 2 மெகாபிக்சல் மேக்ரோ கேமரா ஆகியவை அடங்கும். பின்புறம் டிரிபிள் கேமரா அமைப்பைக் காட்டும் ஒன்பிளஸ் 8-ன் ரெண்டரையும், முன்பக்கத்திற்கான ஹோல்-பஞ்ச் வடிவமைப்பையும் இந்த வெளியீடு பகிர்ந்து கொண்டது.

OnePlus இந்த முறை ஒன்பிளஸ் 8, ஒன்பிளஸ் 8 ப்ரோ மற்றும் ஒன்பிளஸ் 8 லைட் உள்ளிட்ட மூன்று சாதனங்களை அறிமுகப்படுத்தும் என்று எதிர்பார்க்கப்படுகிறது. நிறுவனம் ஒன்பிளஸ் 8 மற்றும் அதன் புரோ வேரியண்ட்டை ஏப்ரல் 15 ஆம் தேதி அறிமுகப்படுத்தக்கூடும். அதே நேரத்தில் லைட் வேரியண்ட் இந்த ஆண்டின் பிற்பகுதியில் வரக்கூடும்.