சீன போன்களுக்கு குட் பை! - 3 புதிய ஸ்மார்ட்போன்களுடன் மீண்டும் களமிறங்கும் மைக்ரோமேக்ஸ்!

மைக்ரோமேக்ஸ் நிறுவனம் விரைவில் இந்தியாவில் மூன்று புதிய ஸ்மார்ட்போன்களை அறிமுகப்படுத்த திட்டமிட்டுள்ளது, இதில் “பிரீமியம்” அம்சங்கள் மற்றும் “நவீன தோற்றம்” கொண்ட பட்ஜெட் மொபைலும் உள்ளது. எந்தவொரு அதிகாரப்பூர்வ அறிவிப்பிற்கும் முன்னதாக இந்திய நிறுவனம் தனது சமூக ஊடக பக்கத்தின் மூலமே அறிமுகம் குறித்த அறிவிப்பை வெளியிட்டது. கால்வன் பள்ளத்தாக்கில் ஏற்பட்ட மோதல்களால் புதிய நிலைகளை எட்டிய சீனா எதிர்ப்பு உணர்வுக்கு மத்தியில் இந்த புதிய வளர்ச்சி ஏற்பட்டுள்ளது. மைக்ரோமேக்ஸ் தனது கடைசி ஸ்மார்ட்போனாக ஐஓன் நோட்டை அக்டோபரில் அறிமுகப்படுத்தியது, மேலும் இது ஆன்லைனில் ரூ.8,199 ஆகும்.

இந்த புதிய மொபைல் வரிசைகள் அனைத்தும், அடுத்த மாதம் தற்காலிகமாக அறிமுகமாகும், என்று நிறுவனத்தின் திட்டங்களை நன்கு அறிந்த ஒருவர் கேஜெட் 360க்கு தகவல் தெரிவித்துள்ளார். மொத்தம் மூன்று புதிய மொபைல்களை அறிமுகப்படுத்த நிறுவனம் திட்டமிட்டுள்ளது. இந்த மொபைல்கள் ரூ.10,000 விலையில் இருந்து துவங்கும் என்று எதிர்பார்க்கப்படுகிறது. 

மறுபிரவேசத் திட்டம் குறித்து பயனர்களுக்கு பதிலளிக்கும் விதமாக மைக்ரோமேக்ஸ் தனது புதிய மொபைல் போன் அறிமுகம் குறித்து ட்விட்டரில் தெரிவித்துள்ளது. 

அதில், நாங்கள் கடுமையாக உழைத்து வருகிறோம், விரைவில் ஏதாவது பெரிய விஷயத்தை கொண்டு வருவோம்.. காத்திருங்கள் என்று தெரிவிக்கப்பட்டுள்ளது. சீன மொபைல்களுக்கு மாற்றாக தயாரிக்குமாறு பயனர்களில் ஒருவர் எழுப்பிய கேள்விக்கு பதிலளிக்கும் வகையில், மைக்ரோமேக்ஸ் இவ்வாறு தெரிவித்துள்ளது. 

இதேபோல், மற்றொரு தனி ட்விட்டில், பிரீமியம் அம்சங்களுடன் புதிய மொபைல் வர உள்ளதாகவும், அது முற்றிலும் நவீன தோற்றத்துடனும், பட்ஜெட் போனாக இருக்கும் என்றும் தெரிவித்துள்ளது. 

மேலும், மைக்ரோமேக்ஸ் நிறுவனம் தனது ட்வீட்களில் #MadeByIndian மற்றும் #MadeForIndian என்ற ஹேஷ்டேக்குகளைப் பயன்படுத்தி சீன தயாரிப்புகளை புறக்கணிப்பதற்கான தற்போதைய உணர்வுகளுக்கு ஆதரவு தெரிவித்துள்ளது. எனினும், அந்நிறுவனம் இந்தியாவில் புதிய மாடல்களைத் தயாரிக்கிறதா அல்லது சீனாவில் ஒரு உற்பத்தியாளரிடமிருந்து அவுட்சோர்சிங் செய்கிறதா என்பதை கூறவில்லை.

மைக்ரோமேக்ஸ் கடந்த காலங்களில் மறுபெயரிடப்பட்ட சீன தொலைபேசிகளை விற்ற சாதனைகளையும் கொண்டுள்ளது என்பதை முன்னிலைப்படுத்த வேண்டியது அவசியம். அதன் இணை நிறுவனர் ராகுல் சர்மா 2014 டிசம்பரில் YU டெலிவென்ச்சர்ஸ் என்ற துணை பிராண்டை நிறுவினார், இது ஆரம்பத்தில் ஷென்சென் சார்ந்த விற்பனையாளர் கூல்பேடில் இருந்து மறுபெயரிடப்பட்ட இரண்டு தொலைபேசிகளைக் கொண்டுவந்தது, பின்னர் அதன் மாடல்களை சுயாதீனமாக விற்க இந்தியாவுக்குள் நுழைந்தது.

"மைக்ரோமேக்ஸ் நிச்சயமாக இந்த காலங்களில் மீண்டும் வர முயற்சிக்க முடியும்," என்று ஐடிசி, இந்தியா மற்றும் தெற்காசியா, சாதனங்கள் மற்றும் சுற்றுச்சூழல் அமைப்பு ஆராய்ச்சி இயக்குனர் நவ்கேந்தர் சிங் கேஜெட் 360க்கு தெரிவித்தார். "எனினும், இது மிகவும் கடினமானதாகவும் சவால் நிறைந்ததாகவும் இருக்கும், ஆனால் அது மைக்ரோமேக்ஸுக்கு மட்டுமல்ல, இந்தியா போன்ற மிகவும் சிக்கலான ஒருங்கிணைந்த ஸ்மார்ட்போன் சந்தையில் நுழைவதற்கு முயற்சிக்கும் எந்தவொரு புதிய பிராண்டுக்கும் இது பொருந்தும்.  

மேலும், அவர் கூறும்போது, சந்தை இப்போது பெரிதும் ஒருங்கிணைக்கப்பட்டுள்ளது, முதல் ஐந்து பிராண்டுகள் சந்தையில் 75 சதவிகிதத்திற்கும் மேலாக தங்களது வசம் வைத்திருக்கின்றன, இது மைக்ரோமேக்ஸ் சந்தைப்படுத்துவதை கடினமாக்கும் என்றார்.

ஒருகாலத்தில் இந்திய சந்தையில் ராஜா!

மைக்ரோமேக்ஸ் ஒரு காலத்தில் இந்தியாவில் மொபைல் போன் சந்தையில் ஒரு முன்னணி உள்நாட்டு தயாரிப்பாக இருந்ததுர. குருகிராம் சார்ந்த நிறுவனம் 2014ஆம் ஆண்டின் மூன்றாம் காலாண்டில் உலகளவில் பத்தாவது பெரிய ஸ்மார்ட்போன் நிறுவனமாக மாறியது. எனினும், இந்தியாவில் சியோமி உள்ளிட்ட சீன நிறுவனங்களின் விரிவாக்கத்திற்குப் பிறகு அது அந்த அந்தஸ்தை இழந்தது, மேலும் சில சரக்கு சிக்கல்களுடன் இந்தியாவில் 4 ஜி ரோல்அவுட் வேகமாக முன்னேறியதால் பலரால் எதிர்பார்க்கப்படுகிறது.

2018 ஆம் ஆண்டில், மைக்ரோமேக்ஸ் அதன் இரண்டு புதிய ஸ்மார்ட்போன் மாடல்களாக இன்ஃபினிட்டி என் 11 மற்றும் இன்ஃபினிட்டி என் 12 ஐ அறிமுகப்படுத்தியது. இந்த பட்டியல் கடந்த ஆண்டு ஒரு மாடலுடன் சுருங்கியது - மைக்ரோமேக்ஸ் ஐஓன் நோட் அறிமுகப்படுத்தப்பட்டதன் மூலம் அக்டோபரில் எதிர்பார்ப்பில்லாமல் விற்பனைக்கு வந்தது. 

Is Redmi Note 9 Pro Max the best affordable camera phone in India? We discussed this on Orbital, our weekly technology podcast, which you can subscribe to via Apple Podcasts or RSS, download the episode, or just hit the play button below.