மூன்று பின்புற கேமரா, 4,000mAh பேட்டரியுடன் 'லெனோவா Z6' ஸ்மார்ட்போன் அறிமுகம்!

'லெனோவா Z6' ஸ்மார்ட்போன் சீனாவில் அறிமுகமானது. இந்த ஸ்மார்ட்போன் 3 பின்புற கேமரா, க், 4,000mAh பேட்டரி, இன்-டிஸ்ப்ளே ஃபிங்கர் பிரின்ட் சென்சார் போன்ற வசதிகளை கொண்டுள்ளது. முன்னதாக லெனோவா Z6 Pro மற்றும் லெனோவா Z6 யூத் எடிசன் ஸ்மார்ட்போன்கள் சீனாவில் இந்த அண்டின் துவக்கத்தில் அறிமுகப்படுத்தப்பட்டது. தற்போது, அந்த பட்டியலில் 'லெனோவா Z6' ஸ்மார்ட்போனும் இணைந்துள்ளது. 3 பின்புற கேமராக்களை கொண்ட ஸ்மார்ட்போன், 24 மெகாபிக்சல் முதன்மை கேமரா, மற்றும் 8 மெகாபிக்சல், 5 மெகாபிக்சல் என்ற அளவுகளில் மற்ற இரண்டு கேமராக்களையும் கொண்டுள்ளது

'லெனோவா Z6' ஸ்மார்ட்போனின் விலை!

இந்த ஸ்மார்ட்போன், சீனாவில் மூன்று வகைகளில் அறிமுகமாகியுள்ளது. 1,899 யுவான்கள் (19,000 ரூபாய்) என்ற விலையில் 6GB RAM + 64GB சேமிப்பு அளவை கொண்ட ஸ்மார்ட்போனும், 2,099 யுவான்கள் (21,000 ரூபாய்) என்ற விலையில் 6GB RAM + 128GB சேமிப்பு அளவை கொண்ட ஸ்மார்ட்போனும், 2,499 யுவான்கள் (25,000 ரூபாய்) என்ற விலையில் 8GB RAM + 128GB சேமிப்பு அளவை கொண்ட ஸ்மார்ட்போனும் அறிமுகமாகியுள்ளது. இந்த ஸ்மார்ட்போன் நீலம் (Blue) என்ற ஒரே வண்ணத்தில் மட்டும்தான் அறிமுகமாகியுள்ளது. இந்த ஸ்மார்ட்போன் ஜூலை 9 அன்று சீனாவில் விற்பனைக்கு வரவுள்ளது.

'லெனோவா Z6' ஸ்மார்ட்போனின் சிறப்பம்சங்கள்!

'லெனோவா Z6' ஸ்மார்ட்போன் ஆண்ட்ராய்ட் 9 பை அமைப்பை கொண்டுள்ளது. 6.39-இன்ச் OLED திரை, 19.5:9 திரை விகிதம், 93.1 சதவிகித அளவிலான திரை-உடல் விகிதத்தையும் கொண்டுள்ளது இந்த ஸ்மார்ட்போன். மேலும், இந்த ஸ்மார்ட்போன் ஸ்னேப்ட்ராகன் 730 எஸ் ஓ சி ப்ராசஸர் பொருத்தப்பட்டு வெளியாகவுள்ளது.

3 பின்புற கேமராக்களை கொண்ட ஸ்மார்ட்போன், 24 மெகாபிக்சல் முதன்மை கேமரா, மற்றும் 8 மெகாபிக்சல் அளவிலான 2x ஆப்டிகல் ஜூம் மற்றும் 8x ஹைபிரிட் ஜூம் வசதிகளை கொண்ட கேமரா மற்றும் 5 மெகாபிக்சல் அளவிலான டெப்த் சென்சார் கேமராவையும் கொண்டுள்ளது. இதன் முன்புறத்தில், 16 மெகாபிக்சல் அளவிலான செல்பி கேமராவையும் கொண்டுள்ளது.

4,000mAh அளவிலான பேட்டரியுடன் 15W அதிவேக சார்ஜர் வசதியையும் கொண்டுள்ளது. ப்ளூடூத், வை-பை வசதிகளை கொண்ட இந்த ஸ்மார்ட்போன், டைப்-C சார்ஜர் போர்ட், 3.5mm ஆடியோ ஜாக் ஆகியவற்றை கொண்டுள்ளது. 159 கிராம் எடை கொண்ட இந்த ஸ்மார்ட்போன் 157x74.5x7.97mm அளவுகளை கொண்டுள்ளது.