4 கேமராக்கள் கொண்ட ஹுவாய் நோவா 3, நோவா 3ஐ - முன்பதிவு தொடங்கியது

இந்திய சந்தைக்குள் குவிந்து கிடக்கும் ஸ்மார்ட்ஃபோன்களில் புதிதாக சேர்ந்துள்ளன, ஹுவாய் நோவா 3 மற்று நோவா 3ஐ. நாட்ச் டிஸ்பிளே மற்றும் வெர்ட்டிக்கல் கேமரா கொண்ட இந்த ஸ்மார்ட்ஃபோன், இன்று டெல்லியில் அறிமுகம் ஆனது.

விலை மற்றும் அறிமுக சலுகைகள்:

6 ஜி.பி ரேம் மற்றும் 128 ஸ்டோரேஜ் கொண்ட நோவா 3 மொபைலின் விலை 34,999 ரூபாய். 4ஜி.பி ரேம் மற்றும் 128 ஜி.பி ஸ்டோரேஜ் கொண்ட நோவா 3ஐ மொபைலின் விலை 20,990 ரூபாய். கருப்பு மற்றும் ஐரிஸ் பர்ப்பிள் நிறங்களில் இரண்டு மொபைல்களுமே விற்பனைக்கு கிடைக்கிறது.

இன்று பிற்பகல் 2 மணி முதல் இரண்டு மொபைல்களுக்கான முன்பதிவும் தொடங்கியது. அறிமுக சலுகைகளாக, 2000 ரூபாய் எக்ஸ்சேஞ் ஆஃபர், கட்டணமில்லா இ.எம்.ஐ, ஜியோவின் 1,200 கேஷ்பேக் மற்றும் 100 ஜி.பி டேட்டாவும் கொடுக்கப்படுகிறது. நோவா 3 ஆகஸ்ட் 23-ம் தேதியும், நோவா 3ஐ ஆகஸ்ட் 7-ம் தேதி விற்பனைக்கு வருகிறது.

ஹுவாய் நோவா 3 சிறப்பம்சங்கள்:

இரண்டு நானோ சிம் ஸ்லாட்கள் கொண்ட இந்த ஸ்மார்ட்ஃபோன், ஆண்ட்ராய்டு 8.1 ஓரியோ இயங்குதளத்தில் உருவாக்கப்பட்டுள்ளது. 6.3 இன்ச் முழு ஹெச்.டி தொடு திரையும் இதில் உள்ளது. ஆக்டா கோர் ஹுவாய் ஹை சிலிக்கான 907 பிராஸசரும் 6 ஜி.பி ரேமும் வேகம் சேர்க்கின்றன. பின் பகுதியில் இருக்கும் டூயல் கேமராவில், 16 மெகா பிக்ஸல் சென்சார் உள்ளது. 24 மெகா பிக்ஸல், இரண்டாவது சென்சாரும் இருக்கிறது. இதே போல் முன்பக்கத்திலும் டூயல் கேமரா இருக்கிறது. 24 மெகா பிக்ஸல் மற்றும் 2 மெகா பிக்ஸல் சென்சார்களும் உள்ளன. 128 ஜி.பி ஸ்டோரேஜ் கொண்ட இந்த ஸ்மார்ட்ஃபோனில், 256 ஜி.பி வரை ஸ்டோரேஜை, மெமரி கார்டு மூலம் நீட்டித்துக் கொள்ளலாம்.

நோவா 3ஐ சிறப்பம்சங்கள்:

இரண்டு நானோ சிம் ஸ்லாட்கள் கொண்ட இந்த ஸ்மார்ட்ஃபோன், ஆண்ட்ராய்டு 8.1 ஓரியோ இயங்குதளத்தில் உருவாக்கப்பட்டுள்ளது. 6.3 இன்ச் முழு ஹெச்.டி தொடு திரையும் இதில் உள்ளது. ஆக்டா கோர் ஹுவாய் ஹை சிலிக்கான 710 பிராஸசரும் 4 ஜி.பி ரேமும் வேகம் சேர்க்கின்றன. பின் பகுதியில் இருக்கும் டூயல் கேமராவில், 16 மெகா பிக்ஸல் சென்சார் உள்ளது. 2 மெகா பிக்ஸல், இரண்டாவது சென்சாரும் இருக்கிறது. இதே போல் முன்பக்கத்திலும் டூயல் கேமரா இருக்கிறது. 24 மெகா பிக்ஸல் மற்றும் 2 மெகா பிக்ஸல் சென்சார்களும் உள்ளன. 128 ஜி.பி ஸ்டோரேஜ் கொண்ட இந்த ஸ்மார்ட்ஃபோனில், 256 ஜி.பி வரை ஸ்டோரேஜை, மெமரி கார்டு மூலம் நீட்டித்துக் கொள்ளலாம்.