இன்று வெளியாகும் Google Pixel 4, Pixel 4 XL!

கூகுள் Pixel 4 சீரிஸ் இன்று நியூயார்க்கில் நடைபெறும் நிறுவனத்தின் மேட் பை கூகுள் நிகழ்வில் தொடங்க உள்ளது. பிக்சல் 4 தொலைபேசிகள் traditional bezels, 90Hz display மற்றும் square-shaped dual rear camera module ஆகியவற்றைக் கொண்டிருக்கும் என்று எதிர்பார்க்கப்படுகிறது.

லைவ் ஸ்ட்ரீமிங் லிங்க் மற்றும் எதிர்பார்க்கப்படும் விலை: 

கூகுள் நியூயார்க்கில் Pixel 4 வெளியீட்டு நிகழ்வை யூடியூபில் நேரடியாக ஒளிபரப்பவுள்ளது. நேரடி ஸ்ட்ரீம் காலை 10 மணிக்கு EST. அதாவது இந்திய நேரப்படி இன்றிரவு 7.30 மணிக்குத் தொடங்கும். மேலும் அதை கீழே உள்ள வீடியோவில் பார்க்கலாம். 

tipster Evan Blass-ன் கூற்றுப்படி, Google Pixel 4-ன் 64GB ஸ்டோரேஜின் விலை CAD 1,049.95 (சுமார் ரூ. 56,000)-யில் இருந்து தொடங்கும். அதன் 128GB ஸ்டோரேஜின் விலை CAD 1,199.95 (சுமார் ரூ. 64,000) வரை செல்லும். 

Pixel 4 XL-ன் 64GB ஸ்டோரேஜ் CAD 1,199.95 (சுமார் ரூ. 64,000) விலையிலும், அதன் 128GB ஸ்டோரேஜ் CAD 1,359.95 (சுமார் ரூ. 72,500) விலையிலும் கிடைக்கும். 

Pixel 4 சீரிஸ், 'Pink', ‘Sky Blue', ‘Really Yellow', ‘Slightly Green', ‘Clearly White', ‘Just Black', மற்றும் ‘Oh So Orange' ஆகிய நிறங்களில் வரக்கூடும். அமெரிக்க வெளியீட்டு நிகழ்வுக்குப் பிறகு, இந்திய விலை மற்றும் கிடைக்கும் விவரங்கள் பற்றி விரைவில் அறிவிக்கப்படும். 

சிறப்பம்சங்கள்:

Pixel 4-ல் 5.7-inch full-HD+ OLED Smooth 90Hz டிஸ்பிளேவையும், Pixel 4 XL-ல் 6.3-inch Quad HD+ OLED Smooth 90Hz டிஸ்பிளேவையும் கொண்டிருக்கும். இரண்டு ஸ்மார்ட்போன்களும் 6 ஜிபி ரேம் மற்றும் 64 ஜிபி ஸ்டோரேஜுடன் இணைக்கப்பட்ட Snapdragon 855 SoC-யால் இயக்கப்படும். 

கேமராவைப் பொருத்தவரை, Pixel 4, Pixel 4 XL உடன்12 மெகாபிக்சல் மற்றும் 16 மெகாபிக்சல் சென்சார்கள் மற்றும் 4K video resolution-ன் ஆதரவைக் கொண்டிருக்கும். தொலைபேசிகள் 10 மெகாபிக்சல் முன் கேமராக்களை 1080p video resolution ஆதரவுடன் பேக் செய்யும் என்று எதிர்பார்க்கப்படுகிறது. Face Unlock-யும் ஆதரிக்கும். Google Play Store-ல் பணம் செலுத்துவதற்கு Pixel 4 தொலைபேசிகளில் Face Unlock அம்சம் பயன்படுத்தப்படும் என்றும் சமீபத்திய அறிக்கை தெரிவிக்கிறது. 

Pixel 4-ல் 2,700mAh பேட்டரியையும், Pixel 4 XL-ல் அதிகமாக 3,700mAh பேட்டரியையும் பேக் செய்யும்.