Snapdragon X CPU இது தான் இனி பட்ஜெட் லேப்டாப்களை இயக்கும் சக்தி

நீங்கள் பட்ஜெட் விலையில் புதிதாக ஸ்மார்ட்போன், வாட்ச், ஸ்பீக்கர் உட்பட கேட்ஜெட் எது வாங்க திட்டமிடுகிறீர்கள் என்றாலும் இந்த பதிவு உங்களுக்கானது மக்களே. நீங்கள் எதிர்பார்க்கும் விலைக்குள் எந்த ஸ்மார்ட்போன் சிறந்தது? எந்த போன் சிறந்த பெர்பார்மென்ஸை கொண்டுள்ளது? எந்த போனில் கேமரா அம்சம் மிரட்டலாக இருக்கிறது? எந்த போனில் டிஸ்பிளே சூப்பராக அமைந்துள்ளது? எது பட்ஜெட்டில் சூப்பர் போன்? என்பது போன்ற விபரங்களை நாங்கள் உங்களுக்கு விளாவாரியாக சொல்லப்போகிறோம். செல்போன் தாண்டி மற்ற தொழில்நுட்ப தகவல்களும் உங்களை வந்து சேரும். இப்போது நாம் பார்க்க இருப்பது Snapdragon X CPU பற்றி தான்.

ஸ்னாப்டிராகன் இந்தியா நிறுவனம், இந்தியாவில் புதிய Snapdragon X CPU விரைவில் அறிமுகப்படுத்தப்போவதாக அறிவித்துள்ளது. பிப்ரவரி 24 அன்று இந்தியாவில் அறிமுகப்படுத்த திட்டமிடப்பட்டுள்ளது. கடந்த மாதம் நுகர்வோர் மின்னணு கண்காட்சியில் ( CES ) முதன்முதலில் வெளியிடப்பட்ட இந்த சிப்செட்கள், இன்டெல் மற்றும் AMD போன்ற பிற நிறுவனங்களின் மலிவு விலை சலுகைகளுடன் போட்டியிடுவதை நோக்கமாகக் கொண்டுள்ளன. அவற்றின் உலகளாவிய போட்டியாளர்களை போலவே, Snapdragon X CPU செயற்கை நுண்ணறிவு (AI) அம்சங்களுக்கான சப்போர்ட் வழங்க வாய்ப்புள்ளது , இது ஒரு பிரத்யேக நியூரல் யூனிட்டை (NPU) பயன்படுத்துகிறது. உலகளவில் $600க்கும் (தோராயமாக ரூ. 51,400) குறைவான விலையில் லேப்டாப்களை இயக்கும் புதிய சக்தியாக உருவெடுக்க உள்ளது. இது இந்திய சந்தைகளுக்கும் வரும் என எதிர்பார்க்கப்படுகிறது.

எப்போது வெளியீடு?

ஸ்னாப்டிராகன் இந்தியா பிப்ரவரி 24 ஆம் தேதி நாட்டில் ஸ்னாப்டிராகன் X அறிமுகப்படுத்துவதாக அறிவித்தது. இன்னும் எந்த விவரங்களையும் வெளியிடவில்லை என்றாலும், இந்த நிகழ்வு "அனைவருக்கும் AI PC" என்று பெயரிடப்பட்டுள்ளது. இது மலிவு விலையில் AI செயல்திறனை வழங்குவதை இலக்காகக் கொள்ளலாம் என்பதைக் குறிக்கிறது.

போட்டி நிறுவனங்களை போலவே குவால்காமின் ஸ்னாப்டிராகன் X CPUகளும் 4 நானோமீட்டர் உற்பத்தி செயல்முறையில் உருவாக்கப்படும் என்று எதிர்பார்க்கப்படுகிறது. இதில் 3GHz வரை உச்ச கடிகார வேகத்துடன் எட்டு ஓரியான் CPU கோர்கள் உள்ளன. இது முறையே 3.4GHz வரை மற்றும் 3.8GHz வரை கடிகார வேகத்தைக் கொண்ட ஸ்னாப்டிராகன் X பிளஸ் மற்றும் எலைட் வகைகளை விட சற்று வேகம் குறைந்தது.

இந்த சிப் 30MB மொத்த கேச் மற்றும் 135GB/s மெமரி பேண்ட்வித் உடன் 64GB வரை LPDDR5x RAM சப்போர்ட் செய்கிறது. இதில் ஒரு ஹெக்ஸாகன் NPU கொண்டுள்ளது, இது வினாடிக்கு 45 டிரில்லியன் செயல்பாடுகளை (TOPS) வழங்கும் திறன் கொண்டது. ஸ்னாப்டிராகன் X சில்லுகளால் இயக்கப்படும் சாதனங்கள் மைக்ரோசாப்ட் கோபிலட்+ பிசிக்கள் என அதிகாரப்பூர்வமாக சான்றளிக்கப்படும்.
இந்த புதிய சிப்செட்கள் மற்ற செயலிகளை விட இரண்டு மடங்கு நீண்ட பேட்டரி ஆயுளையும் 163 சதவீதம் வரை வேகமான செயல்திறனையும் வழங்குவதாக நிறுவனம் கூறுகிறது. கூடுதலாக, இந்த தளம் 5G, Wi-Fi 7 மற்றும் புளூடூத் 5.4, USB 4 டைப்-சி இணைப்பை சப்போர்ட் செய்கிறது.