குழந்தைகள் மனதில் வன்முறையைத் தூண்டுகிறது - நேபாளத்தில் பப்ஜி கேம்மிற்கு தடை

பிரபலமான ஆன்லைன் விளையாட்டான பப்ஜி நேபாளத்தில் தடை செய்யப்பட்டுள்ளது. பப்ஜி விளையாட்டின்  உள்ளடக்கம் குழந்தைகளுக்கு எதிர்மறையான வன்முறையை தூண்டக்கூடிய வகையில் இருப்பதாக அதிகாரியொருவர் கூறியுள்ளார். இந்த பப்ஜி விளையாட்டில் குழந்தைகள் மற்றும் பதின்ம வயதினர் மிகவும் அடிமைப்பட்டுள்ளனர் என்று நேபாள தொலைத் தொடர்பு அதிகாரியான சந்திப் அதிகரி ராய்ட்டர்ஸ் செய்தி நிறுவனத்திடம் தெரிவித்துள்ளார். இந்த தடை இன்று வியாழக்கிழமை முதல் நடைமுறைக்கு வருகிறது. 

ஹிமாலயன் தேசிய கூட்டாட்சி விசாரணை அதிகாரியிடம் இருந்து வந்த வேண்டுகோளைத் தொடர்ந்து அனைத்து இணைய சேவை வழங்குநர்கள், மொபைல் ஆபரேட்டர்கள் மற்றும் நெட்வொர்க் சேவை வழங்குபவர்கள் வியாழக்கிழமை முதல் பப்ஜி விளையாட்டு ஸ்ட் ரிமிங்கை தடுக்க தடை விதித்துள்ளது. 

2017 ஆம் ஆண்டின் தொடக்கத்தில் அறிமுகப்படுத்தப்பட்ட விளையாட்டுகளில் பப்ஜி விளையாட்டு மிகவும் பிரபலமாக இருந்து வருகிறது. இந்த மொபைல் கேம்ஸை டென்செண்ட் கேம்ஸ்க்கு உரிமையான லைட்ஸ்பீடு மற்றும் க்வாண்டம் ஸ்டூடியோ உருவாக்கியது. பப்ஜி விளையாட்டு உயிர்வாழ்வதற்காக பின்னணியில் நிகழும் போர் விளையாட்டு. இந்த விளையாட்டை ஆன்லைனின் 12 பேர் இணைந்து விளையாட முடியும். ஒருவரையொருவர் போராடி பிறரை வெளியேற்றுவதுதான் இந்த விளையாட்டின் அம்சமாக உள்ளது.

இந்த விளையாட்டினால் எந்தவொரு துயர்மிகு சம்பவம் நடைபெறவில்லை. மாறாக பெற்றோர்கள்கு, குழந்தைகளின் படிப்பு கெடுவதாலும்  அன்றாட வேலைகளைக் கூட பாராமல் விளையாட்டில் ஈடுபடுவதாகவும் கவலை தெரிவித்ததால் இந்த நடவடிக்கை எடுக்கப்பட்டது என்று அதிகாரி தெரிவித்தார். 

Written with inputs from Reuters

If you're a fan of video games, check out Transition, Gadgets 360's gaming podcast. You can listen to it via Apple Podcasts or RSS, or just listen to this week's episode by hitting the play button below.