தடை செய்யப்படுகிறதா பப்ஜி? மாணவர்களின் படிப்பை பாதிப்பதாக குற்றச்சாட்டு!

ஆண்ட்ராய்டு மற்றும் ஐஓஎஸ் ஸ்மார்ட் போன்களில் இயங்கும் பப்ஜி வீடியோ கேம் இந்தியாவில் மிகவும் பிரபலமாக உள்ளது. ஆனால் இந்த வீடியோ கேமிற்கு நாடு முழுவதும் கிடைத்த வரவேற்பை போல காஷ்மீர் மாணவர்கள் மற்றும் இளைஞர்களிடம் இருந்தும் நல்ல வரவேற்பு கிடைத்துள்ளது. ஆனால் இந்த விளையாட்டிற்கு மாணவர்கள் குழுவினர் எதிர்ப்பு தெரிவித்துள்ளனர்.

இதுதொடர்பாக, அங்குள்ள மாணவர்கள் கமிட்டியோ, ஜம்மு மற்றும் காஷ்மீர் கவர்னர் சத்ய பால் மாலிக்கிடம் பப்ஜி விளையாட்டிற்கு தடை விதிக்க வேண்டும் என கோரிக்கை மனு அளித்துள்ளனர். மேலும் அவர்கள் வழங்கப்பட்ட மனுவில் இந்த ஆன்லைன் விளையாட்டு, விளையாடுபவர்களை அடிமையாக வைத்திருக்கும் என்பதே அவர்களது முக்கிய குற்றச்சாட்டாக உள்ளது.

இந்த விளையாட்டை, போதை பொருட்களுக்கு அடிமையானது போல மாணவர்கள் விளையாடி வருவதாக தெரிவித்துள்ளனர். மேலும் இந்த விளையாட்டால் 10 மற்றும் 12 ஆம் வகுப்பு பொதுத் தேர்வில் மதிப்பெண்கள் குறைந்துள்ளதாகவும் மனுவில் குறிப்பிட்டுள்ளனர்.

இதுகுறித்து காஷ்மீரில் உள்ள மாணவர் குழுவின் துணை தலைவர் ராஃவிக் மாஃக்தீமி, பிரிஸ்ட்டின் காஷ்மீர் செய்தியாளர்களிடம் பேசியபோது, '10 மற்றும் 12 ஆம் வகுப்புகளில் மாணவர்களின் குறைந்த மதிப்பெண்களை பார்த்தவுடனே இந்த விளையாட்டு தடைசெய்யப்பட்டிருக்க வேண்டும். ஆனால் இதுவரை எந்த ஓரு உடனடி நடவடிக்கையோ அல்லது தடையோ எடுக்கப்படாதது ஏன்? ' என கேள்வி எழுப்பினார்.

'மேலும் ரஃப்விக், விளையாடுபவர்களை அடிமையாக்கும் இந்த ஆன்லைன் விளையாட்டு, 24 மணிநேரமும் மாணவர்களை மொபைல் போனை பயன்படுத்தி விளையாட தூண்டுகிறது. இது அசல் போதை பொருட்களை விட மிகவும் ஆபத்தானது 'என்று கூறினார்.

இது தொடர்பாக ஜம்மு மற்றும் காஷ்மீரின் மாணவர் சங்க தலைவர் அபரார் அகமது பாட் கூறுகையில், "அரசாங்கம் இந்த விவகாரத்தை உடனடியாக கையில் எடுக்க வேண்டும் என்றும், இந்த விளையாட்டு மாணவர்களின் எதிர்காலத்தை வீண் செய்துவிடுவதாகவும் குற்றம் சாட்டினார்'.

இதுகுறித்து கேஜெட்ஸ் 360, பப்ஜி மொபைல் நிறுவனத்திற்குத் தணிக்கைக் குழுவினர் கேள்வி எழுப்பினோம், ஆனால் பதில் இன்னும் வரவில்லை.

இது போன்ற சிக்கல்களில் மாட்டுவது பப்ஜி மொபைல் நிறுவனத்திற்கு முதல் தடவை அல்ல. கடந்த வருடம் வெளியிடப்பட்ட ஓரு அறிவிப்பில், இந்த விளையாட்டு தடைசெய்யப்பட்டது என்று தகவல் வெளியானது. பின்னர் அது வதந்தி என்ற மறுப்பும் வெளியானது.

இந்த விளையாட்டை தடை செய்வது மிகவும் கடினமான செயலாகும். இதில் இருந்து நாம் விடுபட, முக்கியமாக நாம் ஸ்மார்ட் போனில் செலவழிக்கும் நேரத்தை குறைக்க வேண்டும்.

If you're a fan of video games, check out Transition, Gadgets 360's gaming podcast. You can listen to it via Apple Podcasts or RSS, or just listen to this week's episode by hitting the play button below.